Забава
Италијански град ги предупредува граѓаните да `престанат да умираат`
Мало италијанско гратче во Калабрија има посебен пристап кон решавањето на проблемот со стареење на населението, локалните власти едноставно го забранија разболувањето.
Давиде Зичинела, градоначалник на Селија, во провинцијата Катанѕаро, потпиша декрет кој почнува со „забрането е да се разболете во градот“. Декретот е во функција на идејата на Зичинела да го спаси градот од „изумирање“, со тоа што ќе ги натера граѓаните интензивно да се грижат за своето здравје.Декретот се однесува на сите 537 жители на градот и вели „да го ставите вашето здравје на прво место и да се грижите за својот најблизок и најдраг“. Исто така, се охрабруваат граѓаните да појдат на лекар и да го проверат своето здравје во новиот медицински центар, а целосен преглед ќе ги чини само 10 евра.Откако бил отворен центарот, 100 граѓани закажале преглед за да потврдат дека се во тип-топ состојба, а резултатот му се допаднал на градоначалникот Зичинела, кој и самиот е доктор.„Одговорот на нашите граѓани е повеќе од охрабрувачки. Тоа е резултат на напорите и на нашата иницијатива“, вели градоначалникот.Во 1960 година, градот имал 1.300 жители, а сега има 537, додека шест од 10 граѓани се на возраст од над 65 години.Селија е само еден во низата мали градови н кои им се заканува изумирање во Италија. Земјата има еден од највисоките негативни статистики во однос на староста на населението, ако се знае дека повеќе од 20 отсто од Италијанците имаат повеќе од 65 години.Сé помалку Италијанци имаат деца, а растот на населението е речиси нула, според најновиот извештај на Истат, националната агенција за статистика./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Како изгледа денес Роуз од „Два и пол мажи“ која го демнеше Чарли
Хит серијата „Два и пол мажи“ се емитуваше од 2003 до 2015 година, а во главните улоги беа Чарли Шин, Џон Крајер и Ангус Т. Џонс.
Улогата на композиторот и женкар Чарли ја толкуваше Чарли Шин, се до кавгата со продуцентите кога беше заменет со Ештон Качер, а многумина се сеќаваат и на Роуз која со сите сили се трудеше да го освои неговото срце.
Улогата на Роуз ја толкуваше актерката Мелани Лински, која се прослави по оваа улога. Актерката минатата година постигна голем успех во кариерата со улогата во серијата “Yellowjackets”, но и покрај тоа се бореше со „стандардите за убавина“.
Таа изјави за „Њујорк Тајмс“ дека нејзината кариера првично се засновала на сценарија за „дебела пријателка“ или „смешна дебела жена“.
„Луѓето кои ја оценуваат мојата тежина и здравје се приказна за мојот живот уште од премиерата на “Yellowjackets”, напиша таа на мрежата „Х“ и додаде дека „да се биде слаб не секогаш значи да се биде здрав“.
Нејзиниот сопруг ја поддржал, пишувајќи на мрежата „Икс“: „Ако некој има несакани коментари за нечиј изглед, слободно нека ги напише со трајно мастило на челото и нека излезе директно на сонце“.
Забава
Луѓето родени во овие два хороскопски знаци не сакаат да готват
Готвењето е уметност – барем за некои луѓе. Меѓутоа, други секогаш ја избегнуваат кујната и често може да ги фатите како нарачуваат храна од ресторани. Тие луѓе можеби се родени во овие хороскопски знаци.
Водолија
Водолиите се современи визионери, а нивната имагинација често ги надминува секојдневните задачи како што е готвењето. Наместо да поминуваат време на сечкање зеленчук, тие веројатно се зафатени со создавање револуционерни идеи кои ќе го променат светот. Кујната е едноставно преполна и премногу рестриктивна за нив; тие попрво би откриле нови светови отколку да мешаат сосови.
Стрелец
За Стрелците светот е нивна авантура, а кујната е како темнина која едноставно не сакаат да ја истражуваат. Тие се премногу зафатени со мечтаење за нивната следна дестинација или планирање авантури, па кујната често ја нема на нивната мапа. Стрелците ја сакаат слободата и слободата на движење, а готвењето често ги спречува да истражат се што може да понуди светот.
Забава
Петар Грашо и Хана Хуљиќ го очекуваат своето второ дете
Петар Грашо и Хана Хуљиќ го чекаат своето второ дете.
Ова го потврди пејачката во емисијата Ин Магазин. Парот ќе станат родители по втор пат, откако пред година и девет месеци ја добија малата Алба.
View this post on Instagram
Хана неодамна проговори за мајчинството.
„Толку многу уживам во секој момент со неа, знам дека брзо ќе порасне и можеби сега едвај чекам да порасне, но кога ќе порасне ќе ми биде жал. Убава е, весела е. Таа донесе нешто посебно во нашиот живот“, изјави Хана. Вели дека многу и помагаат двете баби.
Хана е среќна што Алба расте во вљубено семејство.
„Горда сум што детето расте во љубов, што за жал не е толку често во денешно време и секогаш ми е жал за децата кои ја немаат и ми е тешка тема“, додаде таа.
Хана и Петар се венчаа во февруари 2022 година во Сплит.