Македонија
Идомени: Група бегалци го пробиле грчкиот кордон, бараат начин да влезат во Македонија
Група од околу 300 бегалци го пробиле кордонот на грчката полиција по должина на границата со Македонија во обид да дојдат до дупка на оградата на границата меѓу двете земји, пренесува AP.
Бегалците, меѓу кои има неколку десетици деца, тргнале од кампот на границата кон дупката во оградата којашто е оддалечена околу пет километри источно од местото Идомени (Сехово), каде околу 14.000 бегалци останаа блокирани кога беше затворена балканската рута. Агенцијата Reuters, пак, јавува дека стотици мигранти тргнале од кампот во близина на северната грчка граница во обид да најдат алтернативни пат и да го заобиколат граничниот премин со Македонија.Портпаролот на УНХЦР, Бабар Балоч изјави дека човечката беда со која се соочуваат бегалците во кампот Идомени на грчката граница со Македонија го достигнала врвот.Во и околу преполниот камп останале повеќе од 14.000 луѓе кои чекаат да го продолжат патот кон Европа, а нивните основни услови за живот од ден на ден се сé полоши.„Во Европа гледаме човечко патење кое достигна врв. Овие услови овде во Идомени се невозможни за живот“, изјави Балоч за време на посетата на кампот додавајќи дека секој ден врне и луѓето се повеќе патат.Тој констатира дека условите во кои живеат бегалците се исклучително нехигиенски, тоалетите се претрупани и дека десетици деца завршиле во болница поради проблем со дишењето и разни вируси.„Девeтгодишно девојче со хепатитис А е префрлено во болница во близина на Солун и нејзината состојба е сега стабилна“, изјавил Балоч.Грчката влада соопшти дека бегалците ќе се насочуваат кон организирани кампови, но Балоч забележува дека ситуацијата треба итно да се реши.„Гледаме деца кои се тресат од студ, боси се. Тоа е просто незамисливо“, изјавил Балоч.Инаку група од околу 200 Сиријци и Ирачани во којашто имало многу деца протестирале во неделата во Идомени барајќи да се отвори границата. Балоч се надева дека во четврток на самитот на ЕУ ќе биде донесена одлука која помогне да заврши патењето на грчко-македонската граница. Во понеделникот утрото во Сува Река во близина на Гевгелија се удавија тројца мигранти, а 23 беа спасени. Сите илегално ја минале границата./крај/мф/ффс
Извор: Tanjug. ONASA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.