Забава
Турските серии ја освојуваат Латинска Америка, колепката на сапуниците
Љубовната приказна на Онур и Шехерезада, ликовите од турската сапуници „Илјада и една ноќ“, ги освојуваат срцата на чилеанските телевизиски гледачи, а феноменот се шири и во другите латиноамерикански земји, колепките на телевизиските сапуници.
Приказната за Шехерезада по Чиле, ја освојува и Колумбија, а се планира нејзино прикажување и во Уругвај, Бразил, Еквадор и Перу,. Аргентина и Боливија, исто така, ја откупиле серијата.
„Ни беше потребно многу време да продреме на пазарот во Латинска Америка. Имавме среќа со успехот во Чиле кој ни ги отвори и другите порти“, вели за AFP Изет Пинто, дистрибутер на турската „Global Agency“.
По успехот на „Илјада и една ноќ“, во Чиле се откупени уште неколку турски телевизиски сапуници, меѓу другите веќе добро познатите на македонската телевизиска публика „Изгубена чест“ и „Езел“.
За турските сапуници е карактеристично е што се инспирирани од класични мелодрами и традиционални романтични приказни, и речиси во целост изостанува сексот.
Во Латинска Америка, пак, во моментов се вртат сапуници за наркокартелите, па воопшто не е чудно што публиката во потрага по романса се свртуваат кон турските серии, смета телевизискиот критичар Рене Нарањо.
„Теленовелите се свртија кон насилните теми со експлицитен секс, напуштајќи ја оригиналната публика – жените повозрасни од 45 години кои масовно гледаат телевизија и сакаат на малите екрани да ги вратат класичните љубовни приказни“, вели Нарањо./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кејт Мидлтон направи нова фотографија, има добра причина за тоа
Кенсингтонската палата објави нова слика од принцезата Шарлот за да го прослави нејзиниот деветти роденден.
„Среќен 9-ти роденден принцеза Шарлот! Ви благодариме за сите љубезни пораки денес“, пишува во описот покрај фотографијата објавена на социјалните мрежи.
Happy 9th Birthday, Princess Charlotte! 🎂
Thank you for all of the kind messages today.
📸 The Princess of Wales pic.twitter.com/2DSDiuO93c
— The Prince and Princess of Wales (@KensingtonRoyal) May 2, 2024
Како што е наведено, фотографијата ја направила принцезата од Велс.
Пред нешто повеќе од една недела на социјалните мрежи беше објавена нова фотографија и од нејзиниот помлад брат, принцот Луис.
Фотографијата, исто така направена од принцезата Кејт, беше споделена на 23 април за да го одбележи шестиот роденден на младиот член на кралското семејство.
Најстарото дете на Вилијам и Кејт, принцот Џорџ, ќе наполни 11 години на 22 јули.
Забава
Празнично ретро шоу на автомобили-олдтајмери на Градскиот плоштад во Крива Паланка
Градскиот плоштад во Крива Паланка, во сабота (4 мај), ќе биде возбудливо место на празнично Меѓународно ретро шоу на автомобили-олтајмери од Македонија и соседството, кои ќе бидат изложени за јавноста од 11,00 – 13,30 часот.
Љубителите на старите атрактивни автомобили ќе можат да уживаат во овој ретро авто-собир и ревијата на околу 30-тина автомобили, стари и по 40 години, од моделите на Мерцедес, Опел , Шевролет и други.
Ретро шоуто на олдтајмери го организира Општина Крива Паланка, во соработка со Клубот “Олдтајмер Витези” од Куманово, а учесници се повеќе олдтајмер клубови од нашата држава и од Србија.
Старата класа возила од минатиот век ќе тргне од собирното место во Куманово и ќе пристигне во 10,30 часот на паркингот кај ресторан „Облаче“ каде сите автомобили ќе бидат нумерирани и обележани со симболите на „Крива Паланка-Град на културата“. Возилата ќе продефилираат низ централното градско подрачје до Градскиот плоштад каде ќе бидат изложени и поставени нивните обележја.
Настанот ќе биде збогатен со настап на ДЏ Буѓо, а сите граѓани ќе можат одблиску да се запознаат со ретките примероци на олдтајмери, нивната приказна и историја, па дури и да си обезбедат специјално возење со овие стилски антиквитети на четири тркала.
Во 13,30 часот, олтајмерите ќе се упатат кон манастирот „Св. Јоаким Осоговски“ каде ќе бидат изложени на паркингот над црквата.
Ретро шоуто на олтајмери за првпат се организира во нашата општина , а е дел од манифестацијата „Крива Паланка- Град на културата 2024“.
Забава
Принцезата Шарлот денеска полни девет години, обожавателите со нетрпение очекуваат фотографија
Принцот и принцезата од Велс, имаат уште една причина за славење оваа недела – роденденот на принцезата Шарлот.
Принцезата Шарлот денеска наполни девет години и обожавателите со нетрпение ја очекуваа годишната роденденска фотографија што семејството ќе ја објави на нивниот посебен ден, објави Мирор.
Сепак, тие ја прекинаа традицијата минатата недела кога принцот Луис наполни шест години, а се чини дека планираат да го сторат истото и овој пат.