Министерот за здравство, Арбен Таравари, утрово со олеснување извести дека поминале критичните 72 часа за повредените во пожарот во Кочани. Дома и во странство се лекуваат вкупно 178 пациенти и сите се во стабилна состојба.

Ги поминавме првите критични 72 часа, нема ниеден починат од тие што ја преживеаја трагедија. Се надевам дека сите пациенти ќе закрепнат и полека полека од идните прес конеренции да зборуваме само колку пациенти си одат дома.

„Добра вест што сакаме да ја соопштиме е дека ги поминавме првите критични 72 часа, нема ниеден починат од тие што ја преживеаја трагедија. Се надевам дека сите пациенти ќе закрепнат и полека-полека од идните прес- конференции ќе зборуваме само колку пациенти си одат дома. Се третираат вкупно 178 пациенти низ различни здравствени установи. Од нив 64 се во државните болници во Македонија и 13 пациенти се во приватните болници. Сите се во релативно стабилна состојба. Во моментот 101 пациент се третира надвор од државата. Сите се во релативно стабилна состојба“, рече министерот Таравари.

Вчера лично ги посетил сите пациенти сместени во Солун и во Софија. Во Солун се петмина, во Софија деветмина. Двајца од пациентите во Софија вера биле симнати од респиратор, а уште двајца ќе бидат симнати денес.

Таравари рече дека денес ќе бидат последните трансфери на пациенти во странство. Петмина повредени ќе заминат за Шведска и веќе нема потреба од лекувања во странство.

На лекување во Бугарија се 15 пациенти, во Србија 30, во Грција 12, во Турција 9, во Унгарија 6, во Австрија 6, во Хрватска 5, во Словенија 4, во Литванија 4, во Белгија 4, во Италија 4 и во Полска 2 пациенти.

Денес од болница ќе бидат пуштени двајца од тројцата пациенти сместени во болницата во Штип, а министерот Таравари се надева дека во следните денови ќе има повеќемина кои ќе си заминуваат дома.

Адвокатот Маријан Витановски го откажа полномошното за бранење на Љупчо Палевски Палчо, обвинет за убиството на Вања и Панче.

Палевски продолжува да го брани адвокатот Јовица Страшевски.

Денешното рочиште за убиствата на Вања Ѓорчевска и Панче Жежовски продолжи со испитување на обвинетиот Велибор Манев.

Според најавеното, по сослушувањето на Манев, треба да сведочи Боре Видевски, Влатко Кешишев, Александар Ѓорчевски и на крај Палевски.

Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година.

Министерот за надворешни работи на Македонија, Тимчо Муцунски, денеска изрази длабока благодарност до Србија и српскиот народ за помошта и солидарноста што ја пружија по трагедијата во Кочани.

Тој им се заблагодари за брзата реакција, особено откако премиерот на Србија, Милош Вучевиќ, престојуваше во амбасадата на Македонија во Белград и се потпиша во книгата на жалост.

Муцунски истакна дека Србија е меѓу првите земји кои помогнаа во оваа трагедија, која префрли голем број повредени во болници, а министрите Вучевиќ и Марко Ѓуриќ веднаш покажаа емпатија и дадоа поддршка.

„Вашата држава, лекарите и народот беа меѓу првите што реагираа. Ви благодариме за се што направивте, како и на вашиот медицински персонал“, рече Муцунски.

Со помош на Србија, пациентите беа префрлени и во болниците во Солун, Софија и други земји.

Во Србија во четири здравствени домови се лекуваат 29 повредени лица со тешки изгореници.