Забава
Путин отвори руски воен Дизниленд
Луѓето јадат сладолед додека шетаат меѓу оружје кое може да уништи цел еден континент, во новоотворениот воен парк во близина на Москва, вели во репортажата американската телевизија CNN.
Десетици илјади воени единици го исполнуваат паркот полн со најновото руско воено оружје, каде има хеликоптери, ракети, тенкови, бродови, подморници и друго.Паркот, навистина, наликува на вистински воен руски Дизниленд.Според репортерот на CNN, сега патриотизмот е во мода во земјата, а Владимир Путин, претседателот на Русија, го отвори воениот парк или Патриотскиот парк со цел да ја популаризира и да ја врати старата слика на Русија како светска воена сила.Посетители, најмногу, се цели семејства. Еден татко го донел својот син да го види сето тоа оружје и како што рекол, да види дека Русија е воена сила.„Сакам мојот син тоа да го научи“, вели таткото.Во целиот парк духот на патриотизмот може дури и да се допре, а луѓето на себе имаат маички со ликот на Владимир Путин.Во паркот има и продавници каде може да се купи воена облека, и тоа многу модерна, а сето тоа војската да се покаже како модерна работа и на тој начин да се допре до младите. Тоа, се чини, и им успева. Децата уживаат во игрите на тенковите како да се на некоја обична забава. А, сепак, се коментира, има нешто дрско во сето тоа затоа што не може да се избегне фактот дека се наоѓате меѓу средства за убивање покрај кои се шета како покрај играчки во забавен парк.Паркот го посетиле и службеници на морнарицата на Саудиска Арабија, кои на новинарот му кажале дека оружјето главно го купуваат од САД, но дека се заинтересирани за иновациите кои може да ги понуди Русија. Присутни биле и воени лица од Мјанмар и Венецуела.Се очекува во паркот да бидат исложени и оружја кои имале значајна улога во клучни советски и руски битки./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Ќерката на Ким Кардашјан повторно шокира: „И ова е 12-годишно дете?“
Модните избори на 12-годишната Норт Вест долго време се предмет на вниманието на јавноста. Не е тајна дека Ким Кардашјан како нејзина мајка трпи критики од општеството, но таа не се грижи за коментарите и често ги оправдува постапките на својата ќерка со една реченица – тоа е нејзиниот креативен начин на изразување и не сака да ја спречува.
Се чини дека младата Норт повторно го привлече вниманието на јавноста, а овој пат со објава на „Тик-ток“. Имено, таа претстави нов имиџ и е потценување да се каже дека ги шокира сите.
@kimandnorth♬ original sound – flxxsohard
Таа носеше целосно црна комбинација, што ја комбинира со скапи ѓердани. Сепак, најголемо внимание привлекоа нејзините избелени веѓи, како и вештачките трепки што го заокружуваа изгледот на 12-годишното девојче.
Набргу потоа следуваа лавина коментари.
„А ова е 12-годишно дете!“, рече еден корисник на „Тик-ток“, а друг напиша: „Нема шанси 12-годишно дете да има пирсинг на прстот, избелени веѓи и такви нокти!“
@kimandnorth💧💧♬ original sound – ꜰɪɴɴ
„Ким треба да научи да биде мајка, а не најдобра пријателка на своите деца“, коментира трет корисник на социјалната мрежа.
Забава
(Видео) Дакота Џонсон ги воодушеви сите во фустан од тантела
Пејачката Лили Ален пееше на сцената на Saturday Night Live по 18 години, а Дакота Џонсон стави свој печат на сè. Убавата актерка се појави за време на изведбата на песната Madeline и ги воодушеви сите со својот изглед.
Познато е колку Дакота ги сака голите фустани, а ниту сега не отстапи од своето правило.
За сцената таа избра навидум едноставен црн, проѕирен фустан, врз кој додаде светкава наметка украсена со циркони и цветни апликации.
Dakota Johnson made a surprise appearance on the most recent episode of Saturday Night Live as the mistress in Lily Allen‘s song “Madeline.” https://t.co/wCOy6INVVf
— The Hollywood Reporter (@THR) December 15, 2025
Сензуален и драматичен, така може да се опише најновиот во низата провокативни појавувања на Дакота Џонсон поради кои речиси ги остави Лили и нејзиниот настап во сенка.
Спектакуларниот накит беше таму за да заокружи сè, а Дакота повторно не отстапи од својот препознатлив стил што го негува со години.
Забава
(Видео) Најстариот син на Доналд Трамп се сврши
Претседателот на САД, Доналд Трамп, објави дека неговиот најстар син, Доналд Трамп Јуниор, се сврши со Бетина Андерсон, членка на високото општество во Палм Бич.
Трамп ја објави веста на празнична забава во Белата куќа. Портпаролот на двојката подоцна ја потврди среќната вест, а набргу се појави и видео од самиот претседател Доналд Трамп како ја објавува веста.
BREAKING NEWS:
President Trump just announced at the White House that his son @DonaldJTrumpJr and his girlfriend Bettina Anderson are getting married! They just got engaged.
Congratulations to them both. pic.twitter.com/psb38nTGla
— Laura Loomer (@LauraLoomer) December 16, 2025
„Тие се сложуваат многу добро и објавија дека ќе се венчаат“, рече претседателот пред да ја покани двојката на сцената.
Дон Помладиот потоа ѝ се заблагодари на својата свршеница што го прифати неговиот предлог.
Ова е третпат Доналд Трамп Јуниор да се свршува. Претходно, 12 години беше во брак со Ванеса, поранешна манекенка и актерка, со која имаат пет деца заедно. Ванеса поднесе барање за развод во 2018 година.
Подоцна се сврши со Кимберли Гилфојл, американска телевизиска водителка.
Романсата, пак, со Бетина почна минатата година, приближно во исто време кога Дон Јуниор ја раскина свршувачката со поранешната водителка на „Фокс њуз“.
фото/депозитфотос

