Македонија
СЈО ќе го испрати извештајот до институциите преку курир
Специјалното јавно обвинителство ќе го испрати извештајот за својата шестмесечна работа преку курир, а откако институциите ќе го добијат извештајот, тој ќе биде испратен до медиумите и јавноста ќе бидат информирана за тоа што содржи извештајот, информираат од Специјалното јавно обвинителство.
Специјалната јавна обвинителка, Катица Јанева, нема јавно да го презентира и образложува извештајот, бидејќи, како што тврдат од СЈО, законски нема таква обврска. „Законот е јасен и вели дека извештајот треба да биде поднесен до институциите“, толкуваат во понеделникот од СЈО.Извештајот треба да биде испратен до Собранието и до Советот на јавни обвинители и ова е прв извештај за тоа што има досега сработено новото обвинителство кое беше формирано со Пржинскиот договор за решавање на политичката криза. Специјалното обвинителство досега има отворено три истражни постапки, за предметот „Титаник“, против членови на општинската изборна комисија во Чаир и против судии во Управниот суд. Според последното соопштение во јавноста, СЈО има отворено 15 нови предистражни постапки, но најавуваат дека во вторник ќе го соопштат официјално вкупниот број на овие постапки./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.