Македонија
ГДОМ најави дека граѓаните ќе влезат во Судот, ако одлучува неправедно

Граѓани од цела Македонија во понеделник претпладне се собраа пред зградите на Судовите на повик на Граѓанското движење за одбрана на Македонија (ГДОМ), организација којашто ги поддржува политиките на владејачката партија, ВМРО-ДПМНЕ, на протест против одлуката на Основниот суд Скопје 1 да му одреди куќен притвор на градоначалникот на Битола, Владимир Талески.
На протестот дојдоа претставниците на ова движење, како и градоначалници на повеќе општини во Македонија, градоначалникот на Скопје, Коце Трајановски, градоначалникот на општина Аеродром, Ивица Коневски, градоначалникот на општина Бутел, Петре Латиновски, градоначалникот на Велес, Славчо Чадиев, градоначалникот на општина Карпош, Стевче Јакимовски, градоначалникот на Прилеп, Марјан Ристески.Активистот на ГДОМ, Александар Пандов, изјави дека судската власт изминатиов период работи под притисок на СДСМ и на Соросовите организации и предупреди дека доколку Судот не суди правично, граѓаните ќе влезат во Судот за да бараат одговори. Неколкумина активисти од ова движење доставија Декларација во Основниот суд Скопје 1, за поддршка на судовите за нивно професионално работење.„Во судовите изминатиот период се зборува повеќе на странски отколку на македонски јазик. Има луѓе кои дошле таму да вршат притисоци и да ги уценуваат судиите какви одлуки да носат. Ние сме тука да го поддржиме судот и да ги охрабриме судиите да не подлегнуваат на притисоците. Сега неколкумина од нас ќе влезат во судот и ќе достават декларација, но доколку нашите повици не дадат резултат, следниот пат ќе дојдеме во поголем број пред судот, а во него нема да влеземе само неколкумина“, рече Пандов.Актерот Тони Михајловски кој е активист во Граѓанското движење за одбрана на Македонија, на протестот рече дека дошле пред судот без фантомки на главите и без боја во џебовите, алудирајќи на протестите на „Шарената револуција“. „Оваа наша земја докажа во овие 10 години дека знае да трае и дека знае да оди по вистинскиот пат и нема да дозволиме некои така наречени револуционери кои од револуција добиваат про*ив, а од секоја друга борба се плашат и бегаат, да им порачаме дека револуција не се води така, за револуција треба народ и еве еден дел од народот да им порача дека секогаш сме спремни да ја одбраниме Македонија и она што Македонија за овие 10 или 25 години успеа да го направи“, рече Михајловски.Градоначалникот на Скопје, Коце Трајановски, во името на градоначалниците на ВМРО-ДПМНЕ, од кои поголем број беа присутни на протестот, рече дека дошле пред судот за да го искажат својот револт од работата на Специјалното јавно обвинителство, кое, како што велат, селективно постапува по предметите.„Сметаме дека работата на СЈО не е во ред бидејќи осудува и пресудува само членови на една политичка партија, а тоа е ВМРО-ДПМНЕ, додека за други осомничени не бара ниту притвори ниту води постапки. Секој што се огрешил пред законот треба да одговара, но во една редовна судска постапка. СЈО работи за Социјалдемократскиот сојуз, кој врши притисок врз Основниот и Апелацискиот суд да ги донесат оние одлуки што ним им одговараат“, рече Трајановски.Апелациониот суд се уште нема донесено одлука за тоа дали на градоначалнмикот на Битола ќе му биде одреден куќен притвор. Решението за притворот од Основниот суд Скопје 1 денеска, по пет дена, конечно пристигнало во битолската полиција која најави дека ќе постапува по решението. Кривичниот суд во четвртокот ја преиначи одлуката за Талески и наместо одземање на пасошот му одреди куќен притвор. Талески се уште е на слобода, а за одлуката за притвор се очекува да се изјасни Апелациониот суд. Тој е еден од осомничените за случајот „Транспортер“ којшто е во надлежност на Специјалното јавно обвинителство за малверзации со транспортот на ученици во Битола./кај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
СДС, партија која ја распродаваше државата како на попуст во трговски центар, зборува за надворешна политика, велат од ВМРО-ДПМНЕ

СДС денес повторно ја покажува својата целосна бесрамност. Партијата што се обиде ја претвори Македонија во поданик на туѓи интереси, за среќа неуспешно заради отпорот на граѓаните, сега повторно го прави истото, велат од ВМРО-ДПМНЕ.
„Токму тие, кои во стил на ефтин пазарџија го тргуваа името, историјата и достоинството на државата, сега се загрижени за, наводна, „надворешната изолација“. Изолацијата што тие ја посакуваат, а не онаа што постои, е нивната надеж дека ќе се врати времето кога туѓи политичари беа поважни од граѓаните. Тоа време заврши. Денес Македонија има влада која не клечи, туку стои исправено. Премиерот се среќава со светски државници, а не со советници од втор ред на странски фондации. Македонија не е ничиј експеримент“.
Македонија, акко што е наведено во реакцијата на ВМРО-ДПМНЕ, се враќа на сопствени нозе, со почит и достоинство, и токму тоа домашните колаборационисти од СДС и ДУИ ги нервира најмногу.
„И додека тие лелекаат од Скопје, обидувајќи се да наметнат лажна слика за „дебакл“, јавноста гледа како нивните кадри ја клекнуваа државата на колена. И гледа како тие, денес бараат „златна виза“ за Дубаи, додека во Македонија зборуваат за правда и еднаквост. Вистинското лице на СДС е токму тоа: едно зборуваат, друго прават. Повикуваат на транспарентност, а бегаат во песочни палати на Блискиот Исток. Глумат патриоти, а први ги продаваат националните интереси. Глумат моралисти, а се први кога станува збор за личен интерес“.
Оваа Влада, стои во соопштението од ВМРО-ДПМНЕ, нема да ви го исполни тој сон.
Потенцираат дека нема да има амнестии.
Македонија
Во оваа фарса убијците добиваат милост, 12 години за масакрот на сестра ми што преминуваше улица на пешачки премин: семејството на Фросина повика на протест

„Ги повикуваме утре на протест против гнилиот судски систем сите наши пријатели, роднини и сите родители чии деца секојдневно минат на пешачки, како и сите правдољубиви што сметаат дека ова е срамна пресуда и дека е охрабрување за многу следни Васовци да дивеат и сеат смрт на улиците“, напиша на социјалните мрежи таткото на усмртената Фросина Кулакова, Тодор Кулаков, по изрекувањето на пресудата за Васил Јованов.
Сестрата на Фросина, Росица, оценува дека срамната пресуда, како што ја нарекува, е само уште еден триумф на праксата на неказнивост што ја негува нашето гнило судство.
„12 години за животот на Фросина. 12 години за масакрот на сестра ми што преминуваше улица на пешачки премин на зелено. 12 години за искршен череп, распарчено срце и уништена иднина.
Ова не е пресуда. Ова е плукање врз болката на целото наше семејство и врз болката на сите што ја сакаа Фросина. Во оваа фарса убијците добиваат милост, а невините жртви завршуваат во правни архиви.
Кои се тие олеснителни околности? Дека не побегнал? Дека врескал врз мртвото тело на сестра ми за последиците што нејзината смрт ќе ги има врз неговиот мизерен живот? Дека е ‘спортист’? Дека е жив? А Фросина? Фросина немаше ниедна олеснителна околност. Фросина сега има само гроб.
Овој суд не донесе правда. Донесе јасна порака: во оваа земја убиството се исплаќа.
Ова не е пресуда што ја задоволува правдата. Ова е потсмев кон секој родител што плаче над гробот на своето дете. Ова е доказ дека во нашата судска пракса неказнивоста стана правило, а на правдата ѝ се врзани рацете.
Срам да ви е!
Ние нема да молчиме и од нашата болка правиме повик за промена. Излезете со нас на протест за да нема други мајки што ќе го носат товарот на неказнивост, за да нема повеќе откорнати невини животи. За да има правда за Фросина и правда за сите! За сите што утре може да завршат под тркалата на некој монструм. За сите што оваа држава ги предаде! Се гледаме утре во 17 ч пред Универзалната сала – на местото каде што на монструозен начин ѝ беше одземен животот на Фросина – по што ќе се упатиме кон судот кој денес вторпат ја уби.
Нека нашите чекори одекнат во име на правдата. Денес за Фросина, а утре и за сите други потенцијални жртви на корумпираниот систем на неказнивоста“, напиша Росица Кулакова.
Македонија
На Јаневска ѝ е рано да размислува за ресорот здравство: Имам толку многу да доработам во Образование во овој мандат, премиерот ќе одлучи

Премиерот и преговарачкиот тим во коалицијата ќе одлучат кој ќе биде нов министер за здравство на местото на Арбен Таравари, кој излезе од Владата, рече денес министерката за образование, Весна Јаневска. Дека се спомнува нејзиното име во пресметките за распределба на ресорите во владината коалиција, рече дека дознала од медиумите по изјавата на Билал Касами, кој вчера рече дека „Вреди“ ќе го добие ресорот образование, а ВМРО-ДПМНЕ здравство.
„Прочитав во медиумите, но во овој момент јас како министерка за образование и наука имам толку многу работа да доработам за цел мандат, нели, што навистина не мислам, ниту сум вклучена во тие преговори. Има одговорно лице, кое ќе каже како треба да биде“, вели министерката Јаневска, која денес присуствуваше на панел-дискусијата на тема „Образование на иднината: градење лидери, мислители и иноватори“ на 14. самит на Македонија 2025.
На прашањето дали ќе прифати доколку ѝ ја предложат функцијата во Здравство, не даде конкретен одговор.
„Сосема е рано да се размислува за такво нешто. Кажав кои се одговорни, кога ќе дојде тој момент, тогаш ќе разговараме“, рече министерката Јаневска.
Највисокото раководство на Алијансата за Албанците, чиј лидер е Арбен Таравари, синоќа и официјално одлучи партијата да оди во опозиција.
Освен Таравари, од Алијансата за Албанците во овој владин состав е и заменик-претседателот на Владата задолжен за добро владеење, Арбен Фетаи.