Македонија
СЈО бара Претседателот да каже од каде знае кои луѓе се дел од нивните тајни постапки
Специјалното јавно обвинителство, очекува претседателот Ѓорге Иванов да ги повлече аболициите за сите лица, и чекаат да помине рокот за тоа, по што ќе продолжат со предистражните постапки.
Обвинителката Ленче Ристовска, појасни дека немаат одговор од каде претседателот ги има информациите за осомничени лица кои се дел од нивните тајни предистражни постапки, а потенцира дека дел од аболицираните, немаат својство кај нив. Имено, СЈО води седум истражни постапки, во кои има 60 осомничени лица и сведоци, а од помилуваните во „Титаник“ не се повлечени аболициите за петмина, во „Тврдина“ за тројца, во „Тортура“ за шестмина, во „ТНТ“ за две лица, како и за две лица во случајот „Пуч“.На прес-конференцијата, која беше наменета да се одговори на бројните прашања што стигале до специјалното обвинителство од новинарите, Ристовска одговараше и за случајот на Коста Крпач, кој имал својство на сведок, кој сам се пријавил во обвинителството.„Коста Крпач, доброволно се јави да биде сведок на предистражна постапка која се уште не е објавена во ова обвинителство“, рече Ристовска, која појасни дека за известено е Јавното обвинителство Скопје дека имале изјава од Коста Крпач дека имал закани.Исто така, обвинителката рече дека истапувањето на Крпач кон нив не е пријавено во МВР затоа што кога има лице кое бара заштита како заштитен сведок, тоа не се пријавува.Обвинителката одговараше и на прашањата за висината на нивните плати и платите на експертите кои ги ангажирале, за вештачењето во случајот од „Космос“, за примените материјали и оние кои се уште не и се доставени, за тоа дали се чувствуваат безбедни и друго./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Од денеска жичницата на Водно ќе работи два часа повеќе од досега
Од ЈСП Скопје информираат дека дека поради празникот 1 Мај – Меѓународниот ден на трудот, јавниот превоз ќе сообраќа по неделен возен ред.
Од 7 до 14 часот ќе работат билетарниците: на Транспортен центар и во Ѓорче Петров.
Од денеска, Жичницата ќе работи два часа повеќе од досега, односно од 10 до 20 часот. Од 19-19.30 часот е последно возење од долу кон врвот, додека во 19.45 часот е последно возење од врвот надолу. Работното време е согласно со Одлуката за работно време на Жичницата во период мај – септември.
– По повод претстојниот државен празник „Ден на трудот“, од „Паркинзи на општина Центар“ известуваат дека паркиралиштата со кои стопанисува ЈП Паркинзи на Општина Центар ќе бидат без наплата за сите граѓани.
Редовната наплата за паркирање на паркиралиштата ќе продолжи на 02.05.2024 година (четврток) со вообичаено работно време.
Македонија
Колони возила на Богородица, се чека и по еден час
Според информациите на граничниот премин Богородица за излез од Македонија се чека и по еден час за возила кои се упатиле кој Грција.
Од АМСМ информираат дека интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.
Меѓународниот ден на трудот, 1 мај, денеска се одбележува во светот во знак на сеќавање на тој датум во 1886 година, кога работниците во Чикаго со штрајкови и протести ја започнаа својата борба за осумчасовен работен ден.
Македонија
Се препорачува прилагодена брзина на движење поради можна појава на одрони
Сообраќајот на државните патишта се одвива непречено, по суви коловози, информираат утрово од АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Патниот правец Охрид – Ресен, преку националниот парк Галичица од 01.04.2024 е пуштен за сообраќај за сите видови возила со вкупна тежина до 3.5 тони.