Македонија
Интегрално – Договорот меѓу четирите политички партии од 20-ти јули 2016 година
Претставниците на политичките партии ВМРО-ДПМНЕ, СДСМ, ДУИ и ДПА на новата рунда преговори во средата постигнаа договор. Во продолжeние е интегралниот текст од договорот објавен од Канцеларијата на ЕУ во Скопје.
На 20-ти јули четирите политички партии се договорија:
Избирачки список
Четирите политички партии се согласија да се справат со проблемите со избирачкиот список за овие избори, на следниот начин:
1. Законот за избори ќе биде сменет до 22 јули за да го отслика договорот за избирачкиот список.
2. Во согласност со анексот А, подготвен од ДИК и кој се однесува на вкрстената проверка на избирачкиот список, 171.500 лица ќе бидат ставени на додатнот дел од избирачкиот список и нивното право на глас нема да биде загрозено.
3. Во согласност со анексот Б, подготвен од ДИК и кој се однесува на вкрстената проверка на избирачкиот список, имињата на 39.502 лица ќе бидат објавени од страна на ДИК во рок од три дена по изгласувањето на амандманите на Законот за избори.
а. Податоците ќе бидат објавени и засегнатите лица ќе можат во рок од 25 дена да добијат од ДИК потврда дали остануваат на избирачкиот список.
б. Сите лица вклучени во анексот Б можат верификацијата да ја иницираат по електронски пат, во согласност со членовите 48 – 51 од Законот за избори или лично во локалните канцеларии на ДИК.
в. Три или повеќе члена на ДИК може да побараат додатни проверки за кое и да е име. Во таков случај, членовите на ДИК кои побарале дополнителни проверки можат да побараат од тие лица да се појават лично ако престојуваат во земјата, или преку видео-конференција ако престојуваат во странство. Овие додатни проверки ќе траат десет дена по истекот на предвидените 25 дена.
г. Неверифицираните лица нема да бидат вклучени во избирачкиот список. Оние кои не се вклучени ќе имаат дополнителна можност да се регистрираат во ДИК во текот на периодот за јавна проверка пред изборите.
Медиуми
1. Законот за АВМУ и Законот за избори ќе бидат променети во рок од 15 дена од денот на овој догговор.
2. ААВУ ќе основа ад-хок тело за надзор на придржувањето кон медиумските одредби од Законот за избори. Ова ад-хок тело ќе функционира до крајот на изборниот процес. Ова ад-хок тело ќе биде основано во рок од 30 дена по денот на кој е постигнат овој договор.
а. Ад-хок телото ќе биде составено од пет члена. Во консултација со релевантните професионални асоцијации, четирите политички поартии ќе изберат четири члена на ад-хок телото, од кои најмалку еден ќе мора да биде етнички Албанец. Овие четворица со консензус ќе го одберат петтиот член во рок од 15 дена.
б. Почнувајќи 100 дена пред изборите, Советот на ААВУ ќе ги почне да ги следи препораките на новооснованиот оддел и ќе ги започне процедурите во однос на медиумите како што предвидува законодавството. Ад-хок телото ќе го оценува балансираното известување на медиумите во период не помал од една недела.
в. Сите казни за медиумите во согласност со законот за ААВУ и Изборниот закон кои се однесуваат на медиумите ќе бидат намалени за 50 отсто.
г. Првото прекршување ќе повлече предупредување. Натамошните прекршоци ќе повлечат намалени казни.
д. Ниту еден новинар или медиум нема да бидат казнети за изразување на мислење. Изразувањето на мислење треба да биде одвоено од известувањето информации.
ѓ. Ниту една медиумска организација не смее да биде затворена врз основа на одлуки донесени во согласност со погоре наведената процедура.
3. Четирите политички партии се обврзуваат да донесат амандмани на Законот за медиуми во согласност со Приоритетите за итни реформи и Извештајот на Прибе во рок од шест месеци по изборите.
4. Во консултација со останатите партии, најголемата опозициска партија ќе номинира Главен уредник (Информативна програма) на Јавниот Радиодифузер (МРТВ) од редовите на експертите во тоа поле. Земено предвид дека партиите ќе потврдат дека постојат услови за избори, новиот Главен уредник ќе почне да ја врши својата должност 100 дена пред изборите.
5. Законски измени ќе бидат спроведени за да овозможат канал на албански јазик 24/7.
Оцена на напредокот
До 31 август, лидерите на четирите политички партии ќе оценат дали горенаведените чекори се комплетирани, со што и условите за одржување избори се исполнети. Лидерите ќе го потврдат и ова и датумот на избори со свој потпис.
Влада пред изборите и датум на избори
Ако изборите се одржат во 2016 година, новата влада, според Договорот од Пржино, ќе биде изгласана од парламентот 100 дена пред договорениот ден за избори.
а. Примената на Законот за внатрешни работи ќе биде суспендирана до јануари 2017 година, а законот ќе го ограничи бројот на управни именувања во Министерството за внатрешни работи на 15. Сите именувања на истражители на обвинителството дадени на имателите на управните позиции во Министерството за внатрешни работи ќе бидат поништени, а нови нема да бидат издадени до крајот на изборниот процес.
б. Владата автоматски ќе ги одобри именувањата на Министер за внатрешни работи и хоризонталните трансфери на вработените иницирани од Министерот за внатрешни работи ако се најмногу 10 отсто од просечниот број на хоризонтални трансфери во годините 2013 и 2014.
в. Законот за влада ќе биде изменет за да овозможи мандатот на сите министри и додатни заменици-министри назначени според Договорот од Пржино да завршат на денот кога ДИК ќе ги потврди официјалните резултати од изборите.
г. Заменици-министрите во Министерството за внатрешни работи и Министерството за труд и социјална политика ќе ги преземат функциите на министри се до формирањето на новата влада.
Други прашања:
Специјалниот обвинител ќе биде поддржан
а. Во случај Уставниот суд да донесе одлука дека законите за СО или деллови од нив не се уставни, четирите партии се обврзуваат да го прилагодат законодавството со одлуката на Судот и повторно да го основаат СО според одлуката во рок од пет дена. Ефективноста, досегот и целите на СО ќе бидат задржани.
б. Четирите партии го повикуваат Уставниот суд да донесе одлука колку што е можно поскоро, на следната можна сесија.
РеформиИнклузивноста на процесот на реформи и нивна имплементација ќе биде раководена од работна група во парламентот, вклучувајќи го граѓанското општество и експерти.
а. Приоритизирано изгласување на Приоритетите за итни реформи и Препораките на Прибе.
б. Амандмани на законот за свиркачи во согласност со Венецијанската комисија во рок од шест месеци.
в. Охридскиот рамковен договор.
г. Евро-атлантски интеграции./крај/мф
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.
Македонија
За Бојмацалиев, полицијата е модерна и европска, Тошковски, пак, шокиран од недостоинствените услови во кои работат
Со свеченост во паркот кај авионот во скопско Ново Лисиче денес беше одбележан Денот на полицијата, 7 Мај. Техничкиот министер за внатрешни работи, Панче Тошковски, и дополнителниот заменик-министер, Митко Бојмацалиев, во говорите уште еднаш покажаа дека поинаку гледаат на состојбите во македонската полиција. Бојмацалиев, кој говореше прв, а го слушаа само првите неколку редови гости и полицајци оти голем дел од столчињата беа празни, смета дека полицијата е модерна и европска. За разлика од него, техничкиот министер Тошковски го шокирале условите во кои работат полицајците.
„Овој празничен момент не е време да држиме долги политички говори, туку да се осврнеме на клучното во полициската професија, а тоа се нашите колеги, полициските службеници, кои секојдневно посветено и неуморно ги извршуваат своите службени задачи. Им оддавам признание на колегите што не се со нас, вечна им слава. Северна Македонија е прогласена за најбезбедна земја на Западен Балкан од страна на глобалниот индекс за мир бидејќи вложувавме во развојот на модерна и европска полиција. Вложивме 17 милиони евра во подобри услови и изградба на полициски објекти, 14 милиони евра за нови униформи и опрема, ја покачивме платата 35 отсто и ги исплативме сите бонус плати. Единствено, жалам што немавме кога да издадеме уште една монографија за периодот 2022 – 2024 година бидејќи во тој период се реализираа многубројни достигнувања за државата и полицијата. Благодарам од срце за сите убави моменти од 2017 до денеска. Со гордост можам да кажам дека успеавме МВР да го направиме МВР за граѓаните. Уверен сум дека создадовме одлични услови за полицијата да остане непоколеблив бедем за заштита“, рече Бојмацалиев.
Веднаш по него, техничкиот министер Тошковски, заблагодарувајќи им на полицајците, кажа дека работат во недостоинстевни услови.
„Утре навршуваат 100 дена од моето раководење со оваа значајна институција, 100 дена макотрпна работа, во кои го дадовме најдоброто од себе за да им служиме на граѓаните. Кога ја добив честа да бидам назначен на оваа позиција во рамките на техничката Влада, знаев дека ме очекува напорна задача и знаев дека сум исправен пред тежок и сериозен предизвик, но ни најмалку не очекував дека ќе се соочам со толку недостоинствени услови за работа на припадниците на полицијата, а истовремено и дека ќе сведочам на толку неизмерна желба меѓу нив за професионално и чесно да си ја вршат својата должност и да им помагаат на оние на кои тоа им е најпотребно. Краток период, би рекол, но сметам дека е и повеќе од доволен за да увидам одблиску дека во полициските редови сѐ уште има чесни луѓе, луѓе што си ја сакаат татковината и луѓе што работат за нејзино добро“, рече Тошковски.
Тој е задоволен што под негово водство полицијата успеала да обезбеди фер и демократски избори. Најави нова ера во Министерството, каде што унапредувањето ќе се врши исклучиво врз основа на мерит-систем, а платите ќе го одразуваат непроценливиот придонес што го даваат полицајците за општеството.
„На истекот на овие 100 дена научив една многу важна лекција, која се надевам дека ќе одекне меѓу сите вас што сте тука денес. Можеби хероите во филмовите носат наметки, но хероите од нашата реалност носат полициски униформи“, рече техничкиот министер за внатрешни работи, Тошковски.
Тој им врачи благодарници и плакети на најдобрите полицајци, а присутните проследија и прелет на три полициски хеликоптери.
Скопје
Извршена ларвицидна дезинсекција во општина Илинден
Во согласност со програмата за спроведување општи мерки за заштита на населението од заразни болести за 2024 година, Општина Илинден во координација со екипите на ДТУ ТОКСИ ВЕТ – Скопје, реализира прскање против ларви од комарци на целата територија на општината.
Во согласност со елаборатот за спроведување на превентивна дезинсекција за спречување и искоренување вектор преносливи заболувања, во овој период се врши ларвицидна дезинсекција на водни површини за уништување ларви од комарци.
Со третирањето се опфатени сите водни површини на отворените одводни канали (главни, секундарни и терцијални), речното корито на Сува Река и вештачката акумулација во Бучинци, на вкупна површина од 50 хектари.
Дезинсекција се врши со еколошко средство, кое е безопасно за здравјето на луѓето, одобрено и пуштено во промет од Бирото за лекови.