Македонија
СЈО со „Тврдина“ открива кој ја уништил опремата за следење на комуникациите
Опрема за следење на комуникациите која се користела до 2008 година, и онаа која функционирала до март 2015 година, била уништена, преку незаконски формирана комисија, а за тоа Специјалното јавно обвинителство, во среда отвори нова истрага, „Тврдина“.
Специјалното јавно обвинителство поведе истражна постапка под име „Тврдина“, поврзана со незаконско следење на комуникации со користење опрема и уреди за следење кои се во сопственост на МВР, информира во среда на прес-конференција обвинителката Катица Јанева.Постапката за нејзино уништување се спроведувала од 11-ти март 2015 година до 28-ми мај 2015 година, кога било побарано уништената опрема целосно да биде избришана од евиденцијата на МВР. Обвинителката Ленче Ристоска го презентираше случајот и рече дека „Тврдина“ е сложен предмет, во кој се осомничени двајца началници од Одделот за безбедност и контраразузнавање при МВР, кои, според СЈО, заедно со тогашниот министер за внатрешни работи на почетокот на 2015 пречекорувајќи ги надлежностите и искористувајќи ја својата положба, со еден началник на еден од одделите во МВР уништиле средства за следење на комуникации и со тоа нанеле штета на државата од 10 милиони евра.„Првоосомничениот поради прикривање други лица кои неовластено ги користеле системите за следење на комуникациите при УБК, издал усна наредба до раководните лица на организационите единици во рамки на Одделот за оперативно техничка поддршка на операции за доставување на Известување за состојба на материјално технички средства во Управата за безбедност и контраразузнавање. Ваквата наредба била дадена со цел да се прикаже наводна потреба од ништење на системите за следење на комуникации, иако согласно Извештајот од пописот за 2014 година не е констатирана потреба од расходување на средства или системи по било кој основ“, рече Ристовска.Одговарајќи на новинарско прашање, зошто директорот на УБК е изземен од оваа истрага, Ристовска, рече дека за негова инволвираност немаат докази.За содржината, односно снимените материјали, од опремата која веќе е уништена, Ристовска рече дека не може да даде информации, колку материјали има, каде се чуваат и дали има, затоа што како функционира системот за следење на комуникации е државна тајна.„Ваквите системи и опрема со товарни возила сопственост на МВР биле однесени во правно лице кое има отпад за старо железо, при што на лице место освен присутните лица ангажирани на правното лице и членовите на Комисијата, присутни биле и прво, второ и четвртоосомничените. Четвртоосомничениот обезбедил логистичка поддршка за спроведување на ништењето, на начин што го организирал превозот до правното лице, го набљудувал процесот на ништењето и му дал налог на едно лице да изврши фото и видео документирање на настанот“, рече Ристовска, по што целата опрема и системи биле ставени во пресата за ништење и пресувани, остатоците биле избалирани и оставени на отпадот, но потоа, без знаење и присуство на сите членови на Комисијата, а по налог на првоосомничениот со дел од членовите на Комисијата, заедно со претставници на правното лице, балираните делови на друго место ги ставиле во дробилица.„Во периодот од втората половина на 2015 година до средината на март 2016 година, преземени се повеќе дејствија за фалсфикување на службени исправи, а во кои учество имала и петоосомничената како службено лице – технички документарист“, рече Ристовска.Петтоосомничената, како што појасни Ристовска се соочува со казна затвор до 5 години, затоа што се товари за Фалсификување службена исправа и нејзниниот случај се води по скратена постапка, а за останатите четворица, кои се товарат за Злоупотреба на службената положба и овластување, рече дека се соочуваат со казна затвор од минимум 5 години, со максимални 20 години затвор.За првоосомничениот СЈО бара мерка притвор, затоа што тој е сé уште вработен во УБК и може да го повтрои делото, или да влијае врз другите осомничени, како и да побегне, а за останатите предлага само да им се одземат пасошите и редовно да се јавуваат во судот.Дури и за поранешната министерка за внатрешни работи, која до сега е осомничена во случаи отворени од СЈО, Ристовска рече дека не бараат притвор, затоа што таа веќе дошла на раговор и од тој разговор увиделе дека таа ќе биде достапна во истрагата. Сепак, СЈО од истрагата очекува да се покаже инволвираноста и евентуалната одговорност на секој од членовите на Комисијата во постапката за ништење, како и да се утврди евентуална инволвираност и на други службени лица./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Кадровски промени на Водно, правникот Божинов и новинарот Момировски ќе раководат со претседателскиот кабинет
Претседателката на Македонија Гордана Сиљановска Давкова за генерален секретар на својот кабинет го именувала Ѓорѓи Божинов, пратник кој работел во Министерството за земјоделство, а за негов заменик новинарот Горан Момировски.
Од функциите се разрешени генералниот секретар Миле Бошњаковски и неговите заменици Билјана Радева и Тоше Зафиров, кои беа ангажирани во мандатот на доскорешниот претседател Стево Пендаровски.
Генералниот секретар Ѓорги Божинов е дипломиран правник со речиси тридецениско работно искуство во областа на правото во земјоделскиот сектор, законодавната и институционалната рамка, процесите на јавни набавки, корпоративно советување, програмите за финансиска поддршка, државна помош, како и примена и хармонизација на легислативата на Европската Унија во овие области.
Претходно, Божинов својата кариера во областа на правото ја остварува на раководни административни позиции во Министерството за земјоделство, шумарство и водостопанство.
Македонија
Вработена во МВР наплатувала по 15.000 евра за лажно посредување за социјален стан
Основното јавно обвинителство Скопје донесе Наредба за спроведување истражна постапка против 41-годишна вработена како аналитичар во СВР Скопје која е осомничена за продолжено кривично дело измама според член 247 став 4 во врска со став 1 од Кривичниот законик.
Од април 2023, искористувајќи ист траен однос и исти прилики, осомничената довела во заблуда три лица, на кои лажно им се претставила како началник во полициска станица Гази Баба и член на Комисија за доделување социјални станови.
На трите оштетени невработени лица им ветувала дека ќе им посредува да добијат социјални станови во Лисиче по цена пониска од реалната, наведувајќи ги да и исплатат по 12.000 евра за стан и 3.000 евра за посредување и изготвување документација.
Парите и ги давале во повеќе наврати, а при последната исплата на 12.500 евра, во близина на полициската станица, била затекната веднаш по предавањето на парите.
Јавниот обвинител до судијата на претходна постапка достави предлог за определување мерки на претпазливост – забрана за напуштање живеалиште, обврска повремено да се јавува кај службено лице во судот и одземање на патната исправа.
Македонија
Отфрлени се тужбите на „Европскиот фронт“ од Уставниот суд, ќе има прегласување
До доцна во ноќта Уставниот суд расправаше по тужбите на одлуките на Државната изборна комисија – ДИК за неколку избирачки места поднесени од коалицијата „Европски фронт“. Од судот соопштија за шест одлуки според кои тужбите се отфрлени како неосновани, а тоа значи, согласно одлуките на ДИК, дека ќе има прегласување на конкретни избирачки места.
„Европскиот фронт“ имаше поднесено седум тужби на одлуките на ДИК, а Управниот суд беше ограничен со роковите за нивно решавање.
Со одлуките на Управниот суд се потврдуваат решенијата на ДИК за прегласување во шест избирачки места во петтата изборна единица и едно во шестата изборна единица.
Според Изборниот законик, доколку одлуката за прегласување на едно избирачко место може да влијае на конечните резулатите од изборите, ДИК ќе организира повторно гласање 14 дена од одржувањето на изборите, односно на 22 мај.