Во Државната изборна комисија (ДИК) во четврток се одржува првиот состанок на Работната група за Избирачки список на кој присуствуваат претставници на институциите, на политичките партии, на амбасадите на САД и на ЕУ, на ОБСЕ, на ИФЕС и на невладини организации.

Според информациите од ДИК, на состанокот претседателот на Комисијата Александар Чичаковски информирал за резултатите од прочистувањето на Избирачкиот список до пред одложувањето на предвремените парламентарни избори, закажани за 5-ти јуни, а потоа учесниците на состанокот ги презентирале своите почетни позиции.Дамјан Манчевски од СДСМ рече дека досега требало да се провери кои луѓе требало да се стават во посебниот извод на Избирачкиот список.„Докрај да се проверат сите оние луѓе, коишто согласно законот, само согласно законот, не треба да бидат на Избирачкиот список и само согласно законот треба да се стават на посебниот извод на Избирачкиот список. Тоа одамна требаше да го направат, одамна требаше да ја завршат таа работа, и ако тоа беше направено, денеска ќе имавме чист Избирачки список“, заклучи Манчевски.„Секоја забелешка по однос на Избирачкиот список ќе биде сериозно разгледана, ќе се пристапи со најголема сериозност во проверка на наводите. Сега засега, СДСМ, преку своите претставници, достави забелешка на Избирачкиот список. Сега ќе се персонализираат, ќе се види за кои лица станува збор“, рече Атанас Урумов, претседателот на новоформираната работна група за Избирачкиот список.Од политичките партии присуствуваат Никола Тодоров од ВМРО-ДПМНЕ, Артан Груби од ДУИ, Дамјан Манчевски и Цветанка Иванова од СДСМ и Беким Фазлиу од ДПА.На средбата присуствуваат и претставници од министерствата за правда, за внатрешни работи и за надворешни работи, Државниот завод за статистика, Управата за водење матични книги, Секретаријатот за европски прашања и Дирекцијата за заштита на лични податоци, од амбасадата на САД, на ЕУ, Мисијата на ОБСЕ, ИФЕС, како и невладините МОСТ и ЦИВИЛ./крај/мф/бб