Култура
Објавени меѓународните универзитети за фини уметности за добивање владина стипендија
Владата објави листа на најдобрите универзитети од областа на музиката, филмот, кинематографијата, драмската и ликовната уметност, што е услов за добивање владина стипендија со која се покриваат трошоците за студирање и престој на студентите кои ќе го стекнуваат и надградуваат своето знаење на најреномираните универзитети ширум светот.
„Процедурата е навистина едноставна, не се потребни никакви дополнителни услови, освен фактот студентот да се запишал на самата школа која е предмет на листата, една од 87-те школи. Потоа го известува министерството за образование кое пак е обврзано во рок не подолг од 10 дена позитивно да му одговори, врз основа на испратените документи дека лицето е примено за студии на универзитетот или специјализираната школа“, рече владиниот портпарол Александар Ѓорѓиев.
Студентите имаат само една обврска, а тоа е дека по завршувањето на студиите треба да се вратат во Македонија, да се вработат и да творат во областа на школата која ја завршиле, во период за двојно подолг од времето кое било потребно за реализација на неговите студии.
Конкурсот за доделување стипендии ќе трае до 31-ти август период кога сите граѓани на Република Македонија ќе можат да аплицираат, да се запишат на некои од 87 универзитети и специјализирани школи и на тој начин да добијат стипендија.
Одлуката на Владата е да нема никаков лимит во однос на сумата на средствата која би се исплаќала поединчено по стипендија, ниту пак во поглед на вкупниот број издадени стипендии.
Листата на 87-те универзитети и специјализирани школи е составена од страна на министерствата за образование и за култура, а во неа влегуваат 32 школи од областа на музиката, од ликовната уметност 21 училиште, за кинематографија и филмска продукција се 19 и 15 се од областа на драмската уметност.
Највисоко рангирани универзитети од областа на музиката се следниве: Guildhall School of Music & Drama, Oбединето Кралство Royal Academy of Music, Oбединето Кралство Royal College of Music, Oбединето Кралство Royal Conservatoire of Scotland, Глазгов, Шкотска Appalachian State University, Северна Каролина, САД Baldwin-Wallace Conservatory of Music, Охајо, САД Bard College Conservatory of Music, Њујорк, САД Berklee College of Music, Бостон, САД Belmont University School of Music, Охајо, САД Boston Conservatory, Бостон, САД Bowling Green State University College of Musical Arts, Охајо, САД Brigham Young University School of Music Julliard School, Њујорк, САД University of Rochester, Њујорк, САД Vanderbilt University, Тенеси, САД Oberlin College, Охајо, САД Manhattan School of Music, Њујорк, САД San Francisco Conservatory of Music, Сан Франциско, САД Indiana University – Bloomington, Индијана, САД Curtis Institute of Music- Пенсилванија, САД New England Conservatory of Music, Масачусетс, САД University of Cincinnati, Охајо, САД Cleveland Institute of Music, Охајо, САД University of Hartford (Hartt), Конектикат, САД SUNY – Stony Brook, New York, Њујорк, САД Аton Bruckner Private University for Music, Drama, and Dance, Обединето Кралство Mozarteum University of Salzburg, Салцбург, Австрија University of Music and Performing Arts, Грац, Австрија Gnessin State Musical College, Москва, Русија N. A. Rimsky-Korsakov Saint Petersburg State Conservatory, Санкт Петербург, Русија Saint Petersburg Court Capella, Санкт Петербург, Русија Moscow Conservatory, Москва, Русија
Највисоко рангирани универзитети од областа на ликовната уметност се следниве: The School of the Art Institute of Chicago, САД Rhode Island School of Design, САД University of Cincinnati, САД Carnegie Mellon University School of Design, САД Parsons The New School for Design, САД Pratt Institute, САД Royal College of Art, Обединето Кралство D School: Institute of Design at Stanford University, Обединето Кралство Copenhagen Institute of Interaction Design, Кралство Данска International Fashion Academy – Paris & Shanghai San Francisco Art Institute, САД The School of Art and Design Berlin, СР Германија University of Madrid, Кралство Шпанија Central Saint Martins College of Art and Design, Обединето Кралство The Academy of Fine Arts Prague, Р.Чешка Ilya Repin St.Petersburg State Academic Institute of Fine Arts, Sculpture and Architecture, Русија Wellesley College, САД Accademia Belle Arti Bologna, Р. Италија The Florence Academy of Arts, Р. Италија Oslo National Academy of the Arts, Кралство Норвешка
Највисоко рангирани универзитети од областа на кинематографијата и филмската продукција се следниве: American Film Institute, Лос Анџелес, САД Beijing Film Academy, Пекинг, Р. Кина California Institute of the Arts, САД The Film and TV School of the Academy of Performing Arts in Prague, Р. Чешка Wesleyan University, Конектикат, САД The National Film and Television School, Обединето Кралство University of Television and Film (HFF) Munich, Германија Centro de Capacitacion Cinematografica, Мексико Italian National Film School, Рим , Италија Gerasimov Institute of Cinematography, Москва, Русија London Film School, Обединето Кралство New York Film Academy, САД VGIK, Moсква, Русија La Fémis – France Deutsche Film und Fernsehakademie, Берлин, Германија Hong Kong International Film Academy, Р. Кина INSAS, Brussels, Белгија Vancouver Film School, Канада Le Conservatoire de Paris, Франција
Највисоко рангирани универзитети од областа на драмската уметност се следниве: California Institute Of The Arts School Of Theatre, Лос Анџелес, САД Suny Purchase Conservatory Of Theatre Arts, Њујорк, САД The Juilliard School, Drama Division, Њујорк, САД Syracuse University School Of Drama Њујорк, САД UCLA , Лос Анџелес, САД University Of Essex, Колчестер, Обединето кралство National Institute Of Dramatic Art, Кенсингтон, Австралија Royal Academy Of Dramatic Art, Лондон, Обединето кралство Queen Mary, University of London, Обединето Кралство Guildhall School of Music & Drama, Обединето Кралство Trinity Laban Conservatoire of Music and Dance, Обединето Кралство University of East Anglia, Обединето Кралство Lancaster University, Обединето Кралство Conservatoire for Dance and Drama, Обединето Кралство University of Sussex, Обединето Кралство/крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
„Приказната за Силјан“ ја освои наградата од публиката на Cinema Eye Honors
Документарниот филм „Приказната за Силјан“, во режија на Тамара Котевска, е добитник на Audience Choice Prize на Cinema Eye Honors, една од најзначајните и највлијателни меѓународни награди за документарен филм.
Наградата, која се доделува исклучиво врз основа на гласовите на публиката, доаѓа по силна меѓународна конкуренција. „Приказната за Силјан“ победи во конкуренција со документарни филмови од Бразил, Канада, Палестина, Гана, САД, Данска и Нов Зеланд, потврдувајќи дека македонската приказна има моќ да одекне на светската сцена.
Audience Choice Prize е награда што произлегува директно од изборот на публиката и ја одразува нејзината поврзаност со филмот, поради што се смета за едно од најрелевантните признанија во современиот документарен филм, често препознаено како силен показател за меѓународен одек и понатамошен успех.
Ова признание е резултат на масовна поддршка од Македонија и светот, кои се вклучија во гласањето и ја претворија оваа награда во заедничка победа, надминувајќи национални и географски граници.
„Ова е можеби најважната награда што ја освои „Силјан“, затоа што доаѓа од публиката. Таа не е само признание за филмот, туку и за луѓето кои гласаа за него. Гласањето за оваа награда ја сплоти македонската јавност и безусловно го даде својот глас за оваа фолклорна бајка. Во силна меѓународна конкуренција, победи гласот на публиката и искрената емоција“, изјави режисерката и продуцентка на „Силјан“, Тамара Котевска.
Филмот, кој беше откупен од National Geographic Documentary Films и прикажан на низа престижни меѓународни фестивали, уште еднаш потврди дека локалните, автентични приказни имаат моќ да зборуваат универзален јазик и да обединат публика ширум светот.
Со освојувањето на Audience Choice Prize, „Приказната за Силјан“ го заокружува својот исклучителен меѓународен пат и јасно ја позиционира Македонија како простор од кој доаѓаат приказни со силен, препознатлив и човечки глас на светската документарна сцена.
Култура
Кинотеката на Македонија – Половина век филмска меморија
Програмата на Кинотеката на Македонија за јануари 2026 претставува внимателно осмислена и содржински богата целина што уште еднаш ја потврдува улогата на оваа институција како темел на филмската култура, едукацијата и критичката мисла во земјава. Во година во која Кинотеката одбележува значајни педесет години од своето формирање, јануарската програма функционира и како симболичен преглед на нејзината мисија — да го чува, прикажува и контекстуализира филмското наследство, истовремено отворајќи простор за современи авторски гласови и нови генерации гледачи.
Посебно место во програмата заземаат тематските целини КИНО УТРО, со проекции на анимирани филмови наменети за младата публика, чија цел е да ѝ се приближи киното како уметност и искуство уште од најрана возраст. Преку овие проекции, Кинотеката активно ја гради идната публика и ја зацврстува врската помеѓу младите и филмскиот медиум. Во јануарската селекција се вклучени и избрани содржини од фестивалот КИНЕНОВА, кои носат свежи авторски перспективи и современи филмски практики, како и проекции на значајни документарни остварувања, меѓу кои „Југо Флорида“ и „Фанк Ју“, филмови што со ангажиран и аналитичен пристап ги отвораат културните и општествените прашања на регионот.
Особено внимание привлекува и долгоочекуваниот музички документарец „Трет свет“, посветен на култниот хрватски бенд Хаустор, кој преку архивски материјали и сведоштва нуди длабински поглед кон една од највлијателните музички појави на екс-југословенскиот културен простор. Домашната продукција е застапена со проекции на најновите македонски филмови „Утре наутро“, во режија на Јани Бојаџи, и „Сите го викаат Реџо“, копродукција со Косово и Албанија, што сведочи за отвореноста на македонската кинематографија кон регионалната соработка и актуелните тематски предизвици.
Програмата се заокружува со проекцијата на антологиското ремек-дело „Небото над Берлин“ на Вим Вендерс — филм што и по децении останува непресушен извор на инспирација, поетски запис за човечката осаменост, љубовта и духовната потрага по смисла. Неговото прикажување во рамките на јубилејната година на Кинотеката има и дополнителна симболичка тежина, потсетувајќи на континуитетот на филмската уметност и нејзината моќ да опстои над времето.
Половина век по своето основање, Кинотеката на Македонија не е само простор за проекции, туку жив културен организам што активно ја обликува филмската свест, го чува колективното паметење и создава простор за дијалог меѓу минатото, сегашноста и иднината на киното. Јануари 2026 е уште една потврда дека оваа институција останува незаменлив столб на културниот живот и еден од најважните чувари на филмската уметност во земјава, се наведува во соопштението на Кинотеката.
Целосна ПРОГРАМА
Култура
Денеска ќе биде погребана Брижит Бардо
Француската филмска актерка Брижит Бардо, која почина минатиот месец на 91-годишна возраст, денеска ќе биде погребана во летувалиштето Сен Тропе на француската ривиера, објави Ројтерс, повикувајќи се на локалните власти.
Погребната церемонија ќе се одржи во 10 часот во црквата „Нотр Дам де л’Асумпсион“, по што Бардо ќе биде погребана во строга приватност на градските гробишта. Комеморација отворена за граѓаните и обожавателите ќе се одржи во старата градска четврт Ла Понш.
Бардо светската слава ја стекна со филмот „И Бог ја создаде жената“ и стана една од најголемите икони на француската поп-култура. По повлекувањето од филмот во 1973 година, се посвети на заштита на животните, но подоцна беше контроверзна фигура поради своите политички ставови.

