Македонија
Работните групи не можат да ги договорат експертите за ДИК
Работните групи составени од партиски членови од четирите најголеми партии во земјава не можат да се усогласат околу имињата на тројцата експерти кои треба да бидат членови на Државната изборна комисија, во новиот состав, од кои треба и да се изберат и претседателот и заменикот на ДИК.
Меѓународниот фактор инсистира на договор и функционирање на ДИК во нов состав, а евроамбасадорот Аиво Орав предупреди дека сите рокови од договорот од Пржино се пробиени.Белгискиот олеснувач, Питер Ванхауте, смета дека решение за избор на експерти за ДИК е можен.Сепак, партиите на сите 40-тина кандидати за трите места гарантирани за експерти во ДИК им најдоа забелешки, но според најавите кругот е стеснет на десетина.Се споменуваат имињата на универзитетскиот професор Стефан Буџаковски, адвокатот Билјана Георгиева, новинарот Горан Трпеновски, раководителот на собраниски служби Реџеп Прекопуца, Фатон Бејта и Феми Стафа, а тука е и Заге Филиповски, долгогодишен експерт за изборни прашања на ОБСЕ.Рокот одамна е пробиен, а според Законот, доколку политичките партии не постигнат согласност, собраниската Комисија за избори и именувања треба да ги предложи тројцата кандидати за експерти во ДИК.Речиси одлучено е кои ќе бидат партиските кандидати во ДИК, а тоа се од ВМРО-ДПМНЕ се Силвана Бонева и Сашо Срцев, од СДСМ – Виолета Дума и Игор Милев, од ДУИ – Субхи Јакупи и од ДПА Бедредин Ибраими.Комисијата според договорот во Пржино ќе има зголемени ингеренции, но ќе одлучува и за секое вето на дополнителните заменици министри, ќе има ингеренции за прочистување на Избирачкиот список, ќе може да поведува прекршочни постапки и ќе поднесува кривични пријави./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 23.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.