Македонија
Судијка што се споменуваше во „бомбите“ и судијката што му одреди притвор на Кежаровски ќе ги работат обвиненијата на СЈО
Обвиненијата што минатата седмица ги поднесе Специјалното јавно обвинителство до Основниот суд Скопје 1 се распоредени кај судијките Лидија Петровска и Татјана Михајлова од одделот Кривично полнолетни, потврдуваат за Макфакс од Основниот суд Скопје 1.
Оттаму не прецизираат која судијка кој предмет ќе го работи. Името на судијката Лидија Петровска беше спомената во една од „бомбите“, прислушуваните разговори коишто ги објави опозициската СДСМ, во разговор за кој се тврди дека е воден меѓу судијката Софија Лаличиќ и поранешниот директор на Управата за безбедност и контраразузнавање, Сашо Мијалков. Во телефонскиот разговор, гласот за кој се тврди дека е на Мијалков ѝ соопштува на Лаличиќ дека ја избрале за судијка, а таа прашува кои се другите кандидати кои ги избрале за судии.Мијалков ѝ кажува дека избрана е и Лидија Петровска, а Лаличиќ е изненадена и вели дека местото го добила со купување подароци „Сваровски“ за претседателката на Врховниот суд, Лидија Неделкова. Лаличиќ во разговорот кажува дека моминското презиме на Петровска и е Тупанчевска и му е братучетка на професотот Никола Тупанчевски од Правниот факултет.Судијката Татјана Михајлова беше истражна судијка и во јавноста беше споменувана кога му одреди притвор на новинарот Томислав Кежаровски за случајот „Ликвидација“, за којшто беше осуден на казна затвор од 4,6 години. Се товареше дека наводно го открил идентитетот на заштитениот сведок за убиството на старецот од Ореше.Михајлова потоа судеше кривични предмети и го осуди Миле Хаџиски на 20 години затвор за убиството на Мери Јошеска што се случи пред повеќе од дваесет години.По распоредувањето на обвинителниот предлог или приватната тужба, судијата има обврска да испита дали е надлежен и дали постојат услови за отфрлање на предлогот или приватната тужба или во спротивно да закаже главна расправа за која ќе ги извести странките со покана и ќе им достави примерок од обвинителниот предлог или приватната тужба.Од Судот потврдуваат дека се работи за забрзани постапки коишто можат да бидат поведени врз основа на обвинителен предлог или приватна тужба и во овие случаи е предивдена парична казна или казна затвор до пет години.„За овие предмети не е предвидено водење на предистражна постапка, туку обвинителниот предлог или приватната тужба треба да бидат комплетирани и документирани со цврсти докази кои даваат повеќе од разумно сомнение за сторено кривично дело и судот не би требало да има потешкотии за утврдување на фактичката состојба, со долго водење на главната расправа“, велат од Судот.Иако Специјалната јавна обвинителка, Катица Јанева, во петокот изјави дека судот во рок од осум дена треба да ги закаже судењата за двата случаи за кои ова Обвинителство поднесе обвинение, од Основниот суд Скопје 1 велат дека нема формално утврдени рокови за закажување на главните расправи.„Потребно е да се напомене дека за испитување на обвинителниот предлог или приватната тужба и закажување на главна расправа законот не предвидува формални утврдени рокови, освен во случај кога се работи за притворски предмет кои се води по брза постапка и за кои доколку е определна мерка притвор по предлог на јавниот обвинител, во претходна постапка, притворот не може да трае подолго од осум дена до поднесување на обвинителниот предлог, што е јасно предвидено во член 470 од ЗКП, а во овие два предлози овластениот обвинител воопшто не предложил до судот определување на некоја од мерките за обезбедување присуство“, велат од Судот.Специјалното јавно обвинителство во четвртокот поднесе две обвиненија за уништување на списи поврзани со работата на системите за следење на комуникациите и за насилните протести што се случија во јули 2013 година во скопската општина Центар.Првообвинет во првиот случај е директорот на Петтата Управа, Горан Грујевски и уште шестмина службеници од Управата за безбедност и контраразузнавање, додека за вториот случај првообвинет е поранешниот премиер и лидер на ВМРО-ДПМНЕ, Никола Груевски и поранешниот Министер за транспорт и врски, Миле Јанакиески, и двајцата за поттикнување на насилство. Освен нив, за истото дело обвинети се уште три лица, а девет лица се обвинети како учесници во насилните протести./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„ДКСК да покрене постапка против Битиќи, бара од фирмите на кои им исплаќал државна помош да гласаат за него“, вели ВМРО-ДПМНЕ
„ДКСК да покрене постапка против Битиќи, бара од фирмите на кои им исплаќал државна помош да гласаат за него, им сугерира и број на гласачко ливче. По објавениот документ од кој се гледа како Битиќи бара од компании да го поддржат затоа што им исплаќал државна помош тој требаше да се повлече од политиката“, велат од ВМРО-ДПМНЕ.
„Фактот што Битиќи не само што не се повлече, туку и не се извини, говори како СДС и ДУИ ја заробија државата и како 100тина функционери управуваат со државата како да е нивен личен имот.
ДКСК не смее да чека, да отвори случај и да се отвори постапка и пред другите институции.
Злоупотребите на институциите мора да запрат. По 8ми мај ќе се стави крај ма ваквите практики, а таквите како Битиќи ќе се соочат со одговорност“, соопшти ВМРО-ДПМНЕ.
Македонија
Променливо облачно и нестабилно со пороен дожд и грмежи
Времето денеска ќе биде променливо облачно и нестабилно со пороен дожд и грмежи, особено во источните делови. Локално процесите ќе бидат во форма на краткотрајно невреме со засилен ветер и услови за изолирана појава на град. Минималната температура ќе биде во интервал од 7 до 12, а максималната ќе достигне од 14 до 22 степени.
Во Скопје променливо облачно и нестабилно со пороен дожд и грмежи. Во делови од котлината ќе има услови за краткотрајно невреме со засилен ветер и изолирана појава на град. Минималната температура ќе се спушти до 10, а максималната ќе достигне до 21 степен.
Продолжува периодот на променливо облачно време со повремени локални врнежи од дожд, освен во недела кога ќе биде претежно стабилно и потопло. Во сабота ќе дува засилен северен ветер.
Македонија
Нема подолги задржувања за влез и излез од државата
Сообраќајот на државните патишта се одвива непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.