Европа
Минхен: Информации за пукања на повеќе места низ градот, евакуирана железничката станица
Службата за Брза помош на Минхен објави дека се пријавени инциденти со пукања на неколку локации во градот, пренесуваат медиумите, а очевидци на социјалните мрежи наведуваат дека во нападот во трговскиот центар учествувале најмалку три лица, а според последните информации можни се повеќе десетици жртви.
Агенцијата AFP јавува за најмалку шест убиени луѓе, додека локалните медиуми уште оперираат со најмногу петнаесет мртви, но некои репортери јавуваат дека бројот на жртвите може да биде и многу поголем.
„Во градот има пукање на повеќе од една локација, не само на Карлплац“, изјави извор на агенцијата Sputnik од службата за итна помош.
Претходно очевидци за медиумите изјавија и дека имало пукање во станицата на подземната железница „Мариенплац“.
Главната железничка станица во Минхен е евакуирана по пукањето во центарот на градот, пренесува јавната германска телевизија ARD повикувајќи се на управата за железнички сообраќај.
„Евакуацијата на станицата е спроведена во врска со специјалната полициска операција“, се вели во цитираното соопштение.
Полицијата го повика населението на главниот град на германската федерална земја Баварија да ги избегнува јавните простори и да не става на интернет фотографии и видеа од местата на настаните.
Се појавија во меѓувреме информации дека еден или неколку вооружени лица отвориле оган, по што се сокриле. Германските медиуми пишуваат за можни петнаесет убиени и неколку ранети, но тие информации полицијата не ги потврдува.
Во петокот доцна попладнето околу 17,50 часот по локално време, е јавено за пукање кај трговскиот центар „Олимпија“ на улицата пред објектот, а потоа и во самиот објект. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Швајцарија ќе се одржат мировни преговори за Украина, Русите не доаѓаат
Швајцарската влада денеска соопшти дека во оваа фаза Русија не е меѓу 160-те делегации поканети на мировните преговори за Украина што ќе се одржат во Швајцарија во средината на јуни.
„Швајцарија е убедена дека Русија мора да биде вклучена во тој процес“, соопшти швајцарската влада. „Мировниот процес не е можен без Русија“.
Швајцарската влада соопшти дека отсекогаш била отворена за поканата на Русија, но Москва постојано нагласувала дека не е заинтересирана за учество на првиот самит.
Руските власти истакнуваат дека Швајцарија усвоила европски санкции против Москва поради инвазијата на Украина и затоа нема кредибилитет како неутрален посредник.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.