Забава
Русите имаат најмногу слободни денови за празниците, Кинезите најмалку
Работниците ширум светот за време на божикните и новогодишните празници имаат неработни денови, но нивниот број се разликува од земја во земја. Најмногу слободни денови за празниците имаат Русите, додека за празниците најмногу работат Кинезите.
Во поголемиот број на европски земји доминантна религија е христијанството, православно, католичко и протестантско, па во наредниот период се четирите главни празници на оваа религија, католичкиот и протестантскиот Божик кој се слави денеска, Нова Година, Богојавление на 6 јануари и православниот Божик, ден подоцна.Во некои земји покрај овие празници се слават и денови на некои светци, а некои држави имаат и секуларни празници поврзани со прославата на годишнината од револуцијата или прогласувањето на независност.Најмногу слободни денови во наредните две недели ќе имаат Русите. Тие ќе ги спојат Нова година и ден после Божик, па нема да работат осум дена. Седум неработни дена имаат Ерменија и Лихтенштајн. Во Лихтенштајн работниците добиваат три слободни денови за Нова година, за Бадник, Божик и ден после Божик којшто е познат како “Boxing day” и за Богојавление.Жителите на повеќето држави од Западна Европа не работат за Божик, “Boxing day” и Нова година.Во некои земји бројот на неработни денови се разликуваат од регион во регион. Во Германија Богојавление се слави како празник само во Баварија, Бадем – Виртемберг и Саксоинија-Анхалт. Слично е и во Шпанија, Франција и Швајцарија. Работниците во Шкотска имаат еден ден плус неработен отколку остатокот од Велика Британија, бидејќи не работат и за 2 јануари.Надвор од Европа, најмногу неработни денови имаат жителите на Нов Зеланд, четири, и Австрија, три дена. По два слободни денови имаат САД, Канада, Бразил и Јапонија, каде Божик не се слави како празник, а Кинезите не работат само еден ден./крај/бл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.