Министерот за здравство, Никола Тодоров чувствува морална одговорност за инцидентот што се случи во понеделникот претпладнето скопската Клиника за дигестивна хирургија, но вели дека вакви ситуации не може да се спречат.

„Чувствувам морална одговорност како министер за сé што се случува во здравството, меѓутоа вакви ситуации не може да се спречат“, рече министерот Тодоров на прес-конференција попладнево.Вели дека нападот е без оправдување и ги повика органите на прогонот да го расчистат случајот. Според него, ризикот од вакви настани постои секаде, имајќи предвид дека  станува збор за здравствени институции, каде што не е практика да постои вооружено обезбедување, а невозможно e и да се воведе детален преглед на сите кои влегуваат и излегуваат од болниците.„Дури и лекарот и да згрешил, што не е случај за овој пациент, никој не смее да ја зема правдата во свои раце, за тоа си има надлежни институции“, рече Тодоров.Директорот на дигестивна хирургија, Александар Караѓозов, изјави дека операцијата врз пациентката била со висок ризик, за што било известено нејзиното семејство, коешто, пак, дало согласност таа да се изведе. Зафатот минал без проблеми и без никакви пропусти во начинот на лекување.Телото на починатата е дадено на обдукција за да се утврдат причините за смртта.Утрово скопјанец рани хирург, револтиран поради тоа што починала неговата мајка по направена операција на Клиниката. Тој и трите лица кои биле со него, се приведени./крај/мф/