Забава
Славниот фустан на принцезата Дајана продаден за 240.000 фунти
Фустанот што несреќно загинатата британска принцезата Дијана го носеше кога танцуваше со актерот Џон Траволта на свечената вечера во Белата куќа, во вторникот на наддавање за 240 илјади фунти ја купил анонимен купец како изненадување за својата сопруга, пишува британскиот весник The Guardian.
Долгиот кадифен темно син фустан со отворени рамена кој го дизајнирал Виктор Еделстејн го привлече вниманието на јавноста кога покојната принцеза во него танцуваше на подиумот во Белата куќа при нејзината посета на САД во 1985 година, со холивудската ѕвезда Џон Траволта, кој, пак, претходно се стекна со светската слава со танцовите улоги во филмовите „Брилијантин” и „Трска на саботната вечер”.
Фустанот на принцезата беше најатрактивниот експонат на аукцијата на којашто беа понудени десет фустани на Дајана од страна на аукциската куќа „Kerry Taylor Auctions” во Лондон.
Соопштено е дека фустанот го купил „британски господин кој рекол дека ја посакува како изненадување и за да ја развесели својата сопруга”. „Се надевам дека продажбата навистина некому му го разубави денот”, изјави Кери Тејлор и додала дека новата сопственичка на фустанот, продадена по највисока цена на наддавањето, е „среќна жена”.
Целата колекција од десетте фустани е продена за вкупно 852.800 фунти, а понуди пристигнувале дури и од Австралија и од САД. Тејлор изјави дека е особено задоволна што два фустана ги купил еден „важен” британски музеј./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Ким Кардашјан ги шокира луѓето со фустан на Мет гала: „Како може воопшто да дише во ова?
Синоќа, се одржа годинешната Мет гала, најпрестижниот моден настан во светот, а меѓу многуте ѕвезди се најде и Ким Кардашјан, чиј фустан привлече големо внимание.
Имено, Ким се појави во проѕирен сребрен фустан од Џон Галијано, кој вклучува корсет и е украсен со листови. Корсетот привлече големо внимание кај луѓето на социјалните мрежи, а многумина се прашуваа како реалната ѕвезда успеа да се вклопи во него. Некои коментираа дека ги извадила ребрата за да изгледа што послабо, а многумина се загрижиле за нејзиното здравје бидејќи не разбирале како дише во тесен корсет.
I can’t wait for someone interview Kim so I can watch her try to take enough air into her diaphragm to say a sentence #MetGala pic.twitter.com/BywGAH2HEC
— Libby (@Libbotomy) May 7, 2024
„Едвај чекам некој да ја интервјуира Ким за да можам да ја гледам како се обидува да внесе доволно воздух во нејзината дијафрагма за да каже реченица“, коментира еден корисник. „Како дише Ким Кардашјан? Нејзината половина изгледа толку мала“, рекол друг. „Половината на Ким Кардашјан е апсурдна. Нема да бидам хејтер, но всушност е загрижувачка, особено кога луѓето сакаат да бидат како неа“, напиша трет.
„Ким Кардашјан изгледа како да не може да дише. Тој корсет изгледа толку непријатно, но изгледа добро“, „Не ми се допаѓа Ким Кардашјан и не ми е гајле за неа, но тој корсет мора да боли како пеколот“, беа некои од коментарите.
Инаку, годинешниот официјален дрескод за настанот беше – градина на времето. Темата го добила името по расказот на британскиот писател Џ. Г. Балард од 1962 година, сместен во градина исполнета со проѕирни цвеќиња, кои манипулираат со времето. Како и претходните години, така и оваа, црвениот тепих на њујоршкиот музеј на уметноста, „Метрополитен“, беше преплавен со прекрасни креации, кои тешко може да се видат на друго место.
Забава
Модни киксови на Мет гала – од мрежа за комарци на главата до фустан балон
Мет гала долго ќе се памти по најдобрите изданија на црвениот тепих од синоќешната церемонија во музејот „Метрополитен“ во Њујорк, но и по модните грешки. Не е тешко да се згреши на модниот настан на годината, критериумите се високи, а модните предизвици во форма на темата на настанот и кодексот на облекување честопати се премногу напорни.
Во исто време, модната ревија е под лупа и од љубители на модата и разни критичари, а конкуренцијата е исклучително силна.
Амелија Греј Хамлин со фустанот балон влезе во листата на модни неуспеси на Мет гала 2024 година. Сара Џесика Паркер носеше сличен крој на Мет гала и доби главно позитивни критики.
Пејачката Лана дел Реј се појави во необично модно издание, кое се споредува со мрежа за комарци. Музичката ѕвезда со прекрасен глас се водеше од принципот на ексцентричност што го сака Мет гала. Настанот бара и костими, па дури и малку бизарност, но сето тоа треба да биде дозирано.
Пејачката Дуа Липа се појави во костим како од „Мулен руж“, а погледот одзади ѝ ја открива тангата.
Ниту на Кара Делевињ, чиј дел од облеката е направен од кристали, не ѝ појде од рака, па влезе во листата на модните грешки.
Забава
(Видео) Украинската претставничка падна на евровизиската сцена: имаше голем пех пред полуфуналето
Снимка од познатата украинска раперка ги обиколи социјалните мрежи.
Аљона Аљона и Џери Хејл, кои годинава ја претставуваат Украина на Евровизија, имаа лоша среќа на една од пробите. Додека Џери пееше, раперката Аљона Аљона почна да излегува на сцената за да си го одработи својот дел, а потоа се сопна и падна на бината.
oh HELL NO….. pic.twitter.com/74rCHG2L4S
— 𝐊𝐇𝐀𝐂𝐇𝐎 🇦🇲🇺🇦 (Jerry Heil's husband) (@KUNT60D41N) May 6, 2024
Видеото се појави на социјалната мрежа „Икс“ (поранешен „Твитер“).
Инаку, Украина има големи шанси да се пласира во финалето и важи за еден од главните фаворити за победа оваа година. Обложувачниците им предвидуваат трето место, но ситуацијата се менува од час на час. Сепак, пред тоа треба да го минат првото полуфинале, кое се одржува вечерва.
Вечерва, покрај Украинките, ќе настапат и претставници на Кипар, Литванија, Ирска, Полска, Хрватска, Исланд, Словенија, Финска, Молдавија, Азербејџан, Австралија и Луксембург.
В четврток ќе настапат натпреварувачи од Малта, Албанија, Грција, Швајцарија, Чешка, Австрија, Данска, Ерменија, Латвија, Сан Марино, Грузија, Белгија, Естонија, Израел, Норвешка и Холандија.
Директни финалисти се Велика Британија, Италија, Германија, Франција, Шпанија и домаќинот Шведска.