Забава
Американски туроператор нуди тура во Атина „Кризата во Грција"
Економската криза во Грција, се чини ќе стане туристичка атракција, откако познатата американска туристичка агенција „Context Travel” започна да рекламира тричасовна посета на Атина под наслов „Кризата во Грција”, а „патувањето во кризата” чини десет евра поевтино отколку традиционалните разгледувања на грчката престолнина.
Оваа туристичка прошетка ќе чини 70 евра по лице, или 305 евра за група од пет туристи. За да се разберат реалните причини и последици „од една од најголемите економски катаклизми последните години”, ќе помогнат економисти, финансиски консултанти во голем број приватни компании, се наведува во промоцијата на оваа туристичка понуда поставена на интернет страницата на агенцијата „Context Travel”.
„Во текот на оваа тричасовен прошетка во друштво на економисти, ќе ви ја откриеме сложеноста на финансиската криза во Грција … Почнуваме во центарот на Атина и во епицентарот на кризата – на плоштадот Синтагма пред грчкиот парламент. Таму ќе добиеме претстава за политичката ситуација во Грција, како грчката влада ги решава проблемите на финансиската криза од нејзиниот почеток во 2009 година… Ќе ги разгледаме последиците од кризата врз секојдневниот живот на луѓето…”, се вели во промотивниот материјал, при што се додава дека екскурзијата во грчката престолнина завршува со дегустација на грчко вино во еден од помалите барови.
За професионалците и експерти во сферата на финансиите, туристичка агенција е подготвена да организира специјални тури./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.
Забава
(Видео) Ен Хатавеј доживеа незгоден момент во шоуто на Џими Фалон
41-годишната оскаровка Ен Хатавеј гостуваше во емисијата The Tonight Show на Џими Фалон. Ен е една од ѕвездите на филмот The Idea of You, каде ја игра самохраната мајка Солен, која започнува врска со 24-годишниот Британец Хејс Кембел, кој го игра Николас Галицин.
Филмот е снимен на истоимениот роман на Робин Ли од 2017 година. Актерката имаше прилично непријатен момент во шоуто кога ја спомна книгата на Робин и ентузијастички ја праша публиката: „Дали некој овде ја прочитал книгата?“
“We don’t read. This is the Tonight Show. You wanna go over to Stephen Colbert if you wanna get people that read books.”
You could hear a PIN DROP I’m fucking crying help ??? 💀 pic.twitter.com/0B6Q0b53jY
— Taylor Robinson (@finelytaylored) April 30, 2024
Одговорот на публиката беше – целосна тишина. Од нејзиниот израз се виде дека е засрамена и шокирана од недостатокот на реакција на публиката, но Џими Фалон веднаш се вклучи за да ја спаси.
Тој рече: „Не, не читаме“. Таа досетка ја прекина тензијата во студиото, а публиката и актерката се насмеаа.