Политика
Заев бара оставка од Иванов и повлекување на помилувањата
Претседателот на СДСМ Зоран Заев, во петок, испрати писмо до претседателот на Република Македонија Ѓорге Иванов, во коешто бара од него веднаш да ги поништи одлуките за помилување од 12-ти април и да отвори пат за враќање на демократските процеси во земјата.
„Со Вашиот непромислен и послушнички акт да донесете одлука за општо помилување со кое се прекинуваат сите кривични постапки против политичари коишто се поврзани со политичката криза и аферата прислушување уште повеќе ја продлабочивте политичката и општествена криза која длабоко ја зафати нашата земја. Одлуките за помилување донесени на 12.04.2016 година претставуваат невиден преседан со кој нагрубо ги прекршивте Уставот и законите во Република Македонија, го погребавте Договорот од Пржино и ги рушите преспективите за враќање на правната држава“, вели Заев во писмото. Според Зев, тие одлуки, се доказ дека Иванов ја злоупотребил својата функција и надлежностите како претседател на државата и им нанел сериозен удар и штета на евроатланските перспективи на Република Македонија.Во писмото, лидерот на СДСМ, вели дека постапувањето на Иванов е дискриминаторски и создава поделба меѓу граѓаните и тоа на политичари се ослободуваат од одговорност за тешки кривични дела и останати граѓани кои подлежат на казни и на минорни кривични дела.„Покрај ова, Ви укажувам и дека одлуките за помилување ги донесовте надвор од законските норми, без да имате законски основ за тоа. Членот 11 од Законот за помилување од 1993 година на кој се повикувате, веќе не е во сила. Таа одредба која му овозможуваше на шефот на државата по исклучок без спроведена претходна постапка да ослободува од гонење одредени лица за сторени кривични дела беше укината со Законот за изменување и дополнување на Законот за помилување од 2009 година. Со одлуката на Уставниот суд, за укинување на Законот за изменување и дополнување на Законот за помилување од 2009 година, Законот за помилување стана нефункционален и не дава можност претседателот на државата да врши помилување без спроведување постапка, бидејќи укинувачката одлука на Уставниот суд не може да ги „оживее“ првобитните одредби на Законот и да ги врати во сила. Тоа е темелен постулат на првото образложен уште од „таткото“ на уставното судство, Ханс Келзен, а тоа Вам како професор требало да Ви биде познато“, вели Заев.Тој додава дека во ситуација на создадена правна празнина само Собранието може да го регулира прашањето на помилувањето, со измени на законот или со нов закон, што досега не е направено.„Вие не смеете самоволно да си ги проширувате надлежностите и да помилувате надвор од законската рамка, бидејќи согласно член 84 став 1 алинеја 10 од Уставот на Република Македонија, помилувањето се дава во согласност со закон. Вашите одлуки за помилување од 12 април 2016 година се штетни и спротивни на државните интереси и формално-правно ништовни бидејќи се донесени спротивно на членот 84 од Уставот на Република Македонија и на одредбите од Законот за помилување“, се наведува во писмото.Лидерот на СДСМ посочува дека Иванов и во 2009 година повлекол одлука за помилување на Ламбе Арнаудов. „На целата јавност и е јасно, а верувам и Вам треба да Ви стане јасно дека Вашиве најнови помилувања имаат не само „техничка“ туку и „суштинска грешка“, со што имате уште повеќе причини грешката да ја исправите. Секако, исправањето на грешката нема да Ве амнестира Вас лично од одговорност за противуставните и противзаконските акти на помилување кои ги донесовте со што нанесовте штета на државните интереси на Република Македонија и ја продлабочивте политичката криза“, вели Заев во писмото до претседателот Иванов.Тој го повикува Иванов да си поднесе неотповиклува оставка. „Прекинете ја агонијата и постапете барем една во животот државнички: поништете ги одлуките за помилување од 12.04.2016 и поднесете неотповиклива оставка на функцијата која ја узурпиравте на недемократски и наместени избори“, вели на крајот од писмото лидерот на СДСМ./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мојсоска: Усеини уништува антифашистичко наследство додека СДС и ДПМНЕ молчат
Од локацијата кај познатата Бела куќа на ул. ,,Димитар Влахов” бр. 9 во Охрид, од каде бескруполозно беше тргната плочата од НОБ, Носителот на ИЕ5 и Генерален секретар на Левица, Јована Мојсоска истакна:
,,Овој културен објект беше уништен од страна на локалниот шериф, Нефи Усеини. Плочата на АСНОМ каде пишува за осудените антифашисти од страна на бугарскиот окупатор, беше тргната пред месец дена. Од градоначалникот Пецаков нема никаква реакција додека се уништува антифашистичкото наследство од страна на поранешниот функционер на ДУИ”.
Мојсоска се наврати кон 2019 година кога беа силни обвинувањата на ВМРО – ДПМНЕ кон Усеини. Според Мојсоска, наспроти тоа, се испоставува дека коалицијата ДПМНЕ – ДУИ сега е уште посилна, благодарение на заедничките бизнис – интереси.
,,Ќе потсетам дека во 2019 година, токму ВМРО-ДПМНЕ обвинуваше дека Усеини го тероризира Охрид. За жал, Охрид го губи својот автентичен изглед, иако за овој објект има Решение за уривање. Институциите молчат, молчи и Министерството за култура кое е раководено од социјал-демократите”, додава Мојсоска за криминалот на поединците и молкот на институциите.
Јована Мојсоска како Носителот на ИЕ5 и Генерален секретар на Левица, порачува:
,,Затоа на 8 мај, да заокружиме број 5, за да ставиме ред во безредието и закон во беззаконието!”
Македонија
ВМРО-ДПМНЕ: ДУИ се обидува да поткупува гласачи дури и во верски објекти, залудни сценарија, секако ќе одат во опозиција
ДУИ се обидува да поткупува гласачи дури и во верски објекти, залудни сценарија, секако ќе одат во опозиција, велат ВМРО-ДПМНЕ преку соопштение.
– Функционери на ДУИ се забележани дури и во места како Виница, Кочани, Берово, Делчево каде во верски објекти со полицајци се обидуваат да поткупуваат гласачи. Со ова се обидуваат да освојат голем резултат, мислејќи дека така ВМРО-ДПМНЕ ќе мора да седне со нив, но се лажат. ДУИ оди во опозиција и со тоа треба да се помират. Залудно е и полнењето кутии. Примерите кои се нотирани во Липково, не им помогнаа во првиот круг, нема ниту сега во вториот. Времето кога го купуваа гласот на народот завршува. Време е Македонија да ја вратиме на народот. Македонија повторно твоја, – додаваат од партијата.
Македонија
СДСМ: Глас ЗА СДСМ на 8 мај е глас за слобода, демократија и европска држава
Гласот ЗА СДСМ на 8 мај е глас за слобода, демократија и европска држава, за чување на темелите на државноста, демократските вредности, внатрешната кохезија, стабилни етнички односи, безбедна и европска иднина на Македонија, велат од СДСМ преку соопштение.
– СДСМ ја врати слободата, ја врати државата на вистинскиот пат. Директна потврда дека со СДСМ се почитуваат демократските и европските вредности е последниот извештај на „Репортери без граници“, според кој Македонија е на 36-тото место и најдобро позиционирана во регионот, по слободата на медиумите. Во 2016 година бевме на дното, рангирани на 118-то место. Тогаш слободно кажаниот збор се казнуваше, медиумите беа цензурирани, граѓаните беа манипулирани. Враќање на режимот на ДПМНЕ во најава, би значела сигурна блокада на Македонија и внатрешни етнички тензии, што би и нанело огромна штета на иднината на државата. Преголема моќ за десничарска партија како ДПМНЕ која воопшто не е променета, ќе претставува сериозна закана од враќање на заробена држава, поделби, уцени и закани. Затоа е важно граѓаните да излезат на 8 ми мај масовно и да гласаат, заедно со СДСМ да не дозволат враќање назад, – додаваат од партијата.