Црна хроника
Приведен мажот што пукаше во брат му во село Ебеплија
Во врска со настан „Убиство во обид“, за кој полицијата соопшти во саботата, во неделата во 12.35 часот во полициска станица во Штип, приведен и задржан е Ш.М. (35) од село Ебеплија-Општина Карбинци.
Имено, во петокот, околу 17 часот во семејната куќа во село Ебеплија-штипско поради нарушени семејни односи Ш.М.(35) од огнено оружје кое го поседувал без одобрение испукал неколку истрели кон неговиот брат Ќ.М.(31), при што му нанел прострелна рана во пределот на десната надлактица.
Истиот со возило на брзата помош бил префрлен во Општата болница во Штип каде бил задржан на лекување.
Од страна на СВР-Штип се преземаат интензивни мерки за целосно расчистување на случајот.
Ш.М. лани бил пуштен од затвор по одлежана казна затвор за извршени три убиства во 2000 година, кога неговото семејство било принудено да се отсели од селото во кое живееле затоа што граѓаните протестирале, оти биле соочени со суровоста на Ш.М., но и од некои други членови на истото семејство.
По излегувањето од затвор, тој се „фалел“ дека има список од околу 80 луѓе, на чело со неговиот брат, на кои ќе им се одмазди, затоа што го предале во 2000 година./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.