Пејачката Дуа Липа привлекува внимание на секој чекор, главно со своите модни изданија, иако нејзините објави на социјалните мрежи на кои се гледа како вежба и се подготвува за настапи се исто така често тема.

Овој пат, Дуа беше повеќе од ексцентрична, но ова не е невообичаено за неа.

Ако мислевте дека е невозможно да имате фустан со реси, се излажавте, бидејќи пејачката има еден токму таков.

Дуа беше фотографирана во Њујорк додека одеше на приватна вечера, а нејзиниот стајлинг воодушеви и изненади. Пејачката се одлучи за провокативен фустан со реси, додека под него имаше боди во боја на кожа.

Погледот на деколтето е секогаш главна тема, сакале или не, а сега сите коментираа колку Дуа ги истакна своите гради.

Својот моден изглед го комплетираше со црни салонки и впечатлива огрлица, а многумина забележаа дека овој пат не беше придружувана од нејзиниот избраник, Калум Тарнер, туку од телохранител.

фото: принтскрин

Познатата холивудска ѕвезда Гвинет Палтроу присуствуваше на Неделата на модата во Њујорк, каде што беа претставени бројни нови креации и парчиња облека што ќе доминираат на модната сцена следната сезона, за есен/зима 2025 година.

Познатата актерка не можеше да одолее на еден тренд, и веќе го одбра своето омилено парче – најпосакуваните панталони за оваа есен што освојуваат на прв поглед.

Гвинет беше меѓу почесните гости на традиционалниот голем моден настан, и иако ја освои публиката со својот комплетен стил, највпечатливи беа нејзините сиви панталони со широки ногавици, и лежерни и елегантни.

На прв поглед, тие изгледаат како здолниште, поради ширината на ногавиците што лежерно паѓаат додека одите, а интересно е што се долги до средината на листот, па можете едноставно да ги носите со која било обувка што ја сакате; чизми, патики, чевли… и да ги комбинирате и во потоплите и во постудените денови.

Гвинет се одлучи за поелегантна опција, носејќи црни чевли со зашилен врв – исто така моден хит оваа сезона, но и црни очила за вид, бела кошула и мек, удобен џемпер со широки ракави во посветла нијанса на сива боја. Ова парче е исто така едно од клучните парчиња во гардеробата оваа есен.

фото: принтскрин

Актерката Кејт Бланшет неодамна присуствуваше на 77-мото доделување на наградите „Еми“ во Лос Анџелес и ги привлече погледите на црвениот тепих со својата облека. За посебната вечер, таа одбра да носи црн кадифен комбинезон од „Армани“.

Станува збор за облека со широки ногавици и интересен горен дел што го нагласува градите. Комбинезонот има и отворен грб, што му дава на целиот изглед допир на сексапил.

За да го комплетира изгледот, Кејт се одлучи за едноставна шминка во земјени тонови што ги истакнуваше нејзините природни црти на лицето и брановидна коса.

Со тоа, таа уште еднаш ја оправда својата титула модна икона која никогаш, ама баш никогаш не греши при изборот на облека и модни додатоци за специјални настани.

фото: принтскрин