Македонија
Радовишанецот го убил негов братучед оти ѝ изјавувал љубов на неговата девојка
Убиениот Јашар Р., чие тело беше најдено во куќа во Радовиш, ѝ изјавувал љубов на девојката на неговиот братучед од Прилеп, и тоа било причина неговиот братучед да се налути и да го убие, соопштуваат од Министерството за внатрешни работи.
Прилепчанецот и неговата девојка отишле на гости кај Јашар во Радовиш. Иако планирале да престојуваат таму само еден ден, решиле да останат бидејќи биле сведоци на кавга и физичка пресметка меѓу Јашар и неговата сопруга, која си заминала од дома.Вечерта на 2-ри ноември, братучедот на Јашар излегол до продавница, а за тоа време Јашар и изјавил љубов на неговата девојка. Таа го одбила, па Јашар ја удрил во главата.Неговиот братучед, враќајќи се од продавница, ја слушнал расправијата и почнал да се кара и да се тепа со Јашар.За време на тепачката девојката излегла во ходникот и видела како Јашар паднал на земја, а неговиот братучед го удирал со клоци, а потоа и го притиснал со нога на вратот.Прилепчанецот и неговата девојка ја заклучиле вратата и заминале за Прилеп. Телото на радовишанецот го најде сопственикот на куќата, каде Јашар бил потстанар.Осомничениот за убиството е приведен и му е одреден притвор во траење од 30 дена./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.