Македонците сметаат дека демократијата, и покрај своите проблеми, е најдобар систем на владеење со државата, и тоа 65 отсто од анкетираните, а дека Македонија е водена од волјата на народот сметаат помалку од половината, или 43 отсто, покажува најновата анкета на Брима Галуп

Имено, со констатацијата „Демократија може има проблеми, но тоа е најдобриот систем на владеење” се согласиле 65 отсто од анкетираните, од кои 25 отсто потполно, а 40 отсто делумно, додека, 25 проценти го делат спротивното мислење (односно 14 отсто донекаде не се согласуваат и 11 отсто потполно не се согласуваат), но 10 отсто од испитаниците немаат став по ова прашање.Степенот на поддршка на демократијата на македонските граѓани е најблизу до степенот на поддршка на граѓаните на регион на источна Европа.Меѓу земјите од источна Европа кои учествуваа во ова истражување најблиски резлутати со оние на Македонија по ова прашање се: Полска (65 – 26, во проценти), Ерменија (65 -27), Латвија (63 – 28 ), Русија (62 – 26 ). Најмал степен на поддршка на демократијата во источна Европа покажуваат бугарските граѓани со 52 отсто „за“ и 32 проценти со спротивно мислење. На прашањето „Дали се согласувате со изјавата дека Македонија е водена според волјата на народот”, поголем број од испитаниците (53 отсто) не се согласуваат со оваа изјава (донекаде не се согласуваат 26 отсто, потполно не се согласуваат 27 проценти), но, исто така, во голема мера (43 отсто) одговориле дека се согласуваат (15 отсто потполно се согласуваат, а 28 процнети донекаде се согласуваат) и 5 отсто немаат став по ова прашање.Глобалната студија на Галуп Интернационал покажува дека иако демократијата во големо мнозинство е поддржана низ целиот свет, многу луѓе сметаат дека нивната држава не е водена од волјата на народот.Големо мнозинството од граѓаните во светот ја прифаќаат демократијата: 76 отсто сметаат дека демократијата може има пpоблеми, но сепак е најдобриот систем на владеење, што покажува дека постои консензус по ова прашање во светот.Сепак, кога се поставува прашањето дали веруваат дека нивната земја е водена според волјата на народот, обемот на консензусот значително опаѓа: половина од анкетираните (50 проценти) се согласуваат со оваа изјава, но 46 отсто не се согласуваат.Луѓето во 62 земји низ светот беа прашани дали се согласуваат со следнава изјава: „Демократија може има проблеми, но тоа е најдобриот систем на владеење”. Големо мнозинство од граѓаните (76 отсто) потполно или донекаде се согласуваат, додека 20 отсто потпoлно или донекаде не се согласуваат.Перцепцијата дека демократијата е најдобар начин на владеење е распространето во сите сегменти на популацијата, а станува посилна меѓу оние со повисоко образование и оние со повисоки примања.Гледано на регионално ниво, истражувањето покажува најголемо прифаќање на демократијата во Северна Америка (82 отсто), Африка (80) и Западна Европа (80).Иако демократијата е поддржана од мнозинството, нивото на прифатеност е пониско во Северна Азија (55 отсто), Источна Европа (64) и Латинска Америка (68 процнети).Земјите кои најмногу ја поддржуваат демократијата и покрај нејзините проблеми се: Шведска (93%), Мароко (92%), Аргентина (91%), Швајцарија (90%), Кенија (89%), Финска (87%), Фиџи (87%), Португалија (88%), Германија (86%), Турција (86%), Австрија (85%) и Исланд (84%).Од друга страна, 10-те земји каде луѓето помалку веруваат дека демократијата е најдобар систем на владеење се: Мексико, Хонгконг, Палестинските територии, Бугарија, БиХ, Јапонија, Србија, Либан, Романија и Колумбија.Од 62-те земји во кои беше спроведено истражувањето, во 32 земји од нив има повеќе граѓани кои сметаат дека нивната земја не е водена според волјата на својот народ, кај 26 од нив има повеќе граѓани кои изјавиле дека сметаат дека нивната земја е водена од волјата на народот, а во 4 од нив мислењата се изедначени.10-те земји каде повеќето граѓани сметаат дека нивната земја е водена од волјата на народот се: Фиџи, Авганистан, Виетнам, Мароко, Индонезија, Шведска, Еквадор, Кенија, Панама и Пакистан. Додека 10-те земји каде што во поголем број анкетираните ја отфрлаат идејата дека тие се водени според волјата на народот се: Ерменија, Латвија, Бугарија, Мексико, БиХ, Либан, Казахстан, Грција, Белгија и Шпанија.Истражувањето ги истакнува во исто време силната поддршка за демократијата како идеја и критиката за тоа како демократскиот систем всушност функционира.Во Македонија, БРИМА спроведе теренска анкета, лице в лице, во домот на испитаникот, на национално репрезентативен примерок со 1.204 испитаници на возраст 15+ години, во период од 14 – 24 ноември 2014, со маргина на грешка од +/- 3 отсто со ниво на доверба од 95 отсто./крај/мф/бб