Култура
Книга за животот и делото на сликарот Борислав Траиковски
Утре (14 демеври)., во киното Фросина во МКЦ ќе биде промовирана книгата „Наследството од сликарот“ од авторот Никола Главинче, посветена на животот и творештвото на еден од доајените на македонското современо сликарство Борислав Траиковски (1917-1996)
Книгата ќе биде промовирана со прикажување репродукции и фотографии од животот и творештвото на Борислав Траиковски, како и со емитиување аудио и видео записи од сликарот.Автор на книгата „Наследството на сликарот“ е неговиот внук, Никола Главинче, а за неа ќе говорат Корнелија Буклеска, новинар во Македонското радио – културна редакција и Марика Бочваровска Плавевска, кустос советник во Музеј на современа уметност Скопје./крај/со/снКнигата е сочинета од девет поглавја, кои претставуваат девет точки наследство: Вила Борегезе; Јаглен и хартија; Успешна критика – борба за квалитет; Силна имагинација; Растурено ателје; ВДИСТ; Љубов за Битола; Црна контура; и Слики за народот. Секоја глава објаснува соодветен период од животот на сликарот и во нив се презентираат нови, необјавени информации поврзани со животот на Траиковски и со неговата сликарска кариера.Животот и творештвото на Борислав Траиковски се карактеристични по неколку моменти, кои истовремено се и мотиви за пишување на книгата.Со Миле Корубин и Ристо Лозановски е првиот македонски академски сликар кој по ослободувањето завршува Академија за ликовни уметности во Белград, а воедно и еден од првите сликари кои се изразува во експресонистички мотиви и бои. Траиковски е препознатлив по слободата во изразувањето, силниот колорит, црната контура и неговата поврзаност и повлеченост во Битола, градот во кој го мина сиот живот и покрај многубројните можности за професионален ангажман ширум просторите на поранешна Југославија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Денес е Ден на македонскиот јазик
Петти мај е прогласен за „Ден на македонскиот јазик“. На овој ден во 1945 година, со решение на Народната влада на Федерална Македонија е усвоена азбуката на македонскиот јазик врз принципот еден глас – една буква, а набргу потоа, на 7 јуни 1945, е усвоен и Правописот на македонскиот јазик.
Кодификацијата на современиот македонски стандарден јазик се заокружува со делата на Блаже Конески – Граматиката на македонскиот литературен јазик, Речникот на македонскиот јазик и Историјата на македонскиот јазик.
Култура
Инспиративен настап на SIN PUSTINJE во Битола за Меѓународниот ден на џезот 2024
МКЦ-Битола по јубилеен 10-ти пат го одбележа Меѓународниот ден на џезот во Битола 2024. Во прекрасниот амбиент на кафе барот Порта Џез, Ахмед Буриќ, Дамир Имамовиќ, Тони Китановски и Иван Михајловиќ приредија несекојдневно музичко поетско доживување.
Во проектот станува збор за искуството и интерпретацијата на музиката и поезијата која ги сумира различните интереси и вештини на уметниците кои досега ги познававме од другите жанрови. На концертот Буриќ, Имамовиќ, Китановски и Михајловиќ изведоа дванаесеттина песни од нивниот прв албум, како и некои други делови кои на изведбата во живо му дадоа комплетна форма и магична атмосфера.
Овој концерт по десетти пат ја стави Битола на глобалната мапа на градови кои го одбележуваат Меѓународниот ден на џезот и ги слават вредностите кои тој ги промовира. Битола ја ставаме на иста линија со светските метрополи кои имаат почит кон уметноста како начин на живот и извор на енергија не само за уметниците туку и за обичните граѓани.
Концертот се организира со финансиска поддршка на Министерството за култура и Општина Битола.
Култура
Вердиевата спектакуларна опера „Трубадур“ на 11 мај на „Мајските оперски вечери“
На 11 мај со почеток во 20.00 часот ќе се изведе спектакуларната опера „Трубадур“ од Џузепе Верди, во рамките на 52. издание на меѓународниот фестивал „Мајски оперски вечери“. Билетите за премиерната изведба на „Трубадур“ на 9 мај се распродадени.
Диригент е Иван Еминовиќ, режијата е на реномираниот македонски режисер, Иван Поповски кој живее и работи во Москва повеќе од две децении и за своите врвни уметнички достигнувања е добитник на највисоки признанија во Русија и низ светот и за првпат поставува опера на македонската сцена. Сценографијата е на Миодраг Табачки од Србија, костимографијата е на Марија Пупучевска, а кореографијата на Саша Евтимова.
Во улогата на Манрико ќе настапи гостинот од Чиле, Филипе Рохас, тенор кој настапувал на повеќе светски сцени, во улогата на Гроф Луна ќе настапи нашиот баритон Ристе Велков, во улогата на Леонора ќе настапи гостинката од Канада Криста де Силва, драмски сопран препознатлива по нејзините темни мистични бои. Во улогата на Ацучена ќе настапи, Сања Анастасиа, мецосопран, првенка на операта во Народниот театар во Белград. Во улогата на Ферандо ќе настапи нашиот бас, Владимир Саздовски кој е чест гостин на светските оперски сцени. Во останатите улоги ќе настапат: Јане Дунимаглоски, Ана Ројдева, Тихомир Јакимовски и Дејан Стоев во придружба на хорот и оркестарот на Националната опера и балет.
Романтична љубов, смртна љубомора и oдмазда се движечките драмски елементи на операта „Трубадур“ од италијанскиот музички мајстор Џузепе Верди. Операта се одликува со прекрасна музика и спектакуларно предводени вокални делови кои пренесуваат силни емоции, додека исклучително сложената приказна изобилува со огнена страст.