Забава
Вински шишиња со ликот на Адолф Хитлер во Италија
Жена чија фамилија настрадала во логорот во Аушвиц, била шокирана кога во супермаркет во Италија наишла на шишиња вино со ликот на Адолф Хитлер.
Синди Хирш од Филаделфија била на одмор со сопругот на езерото Гарда во северна Италија, кога во еден супермаркет погледот им паднал на шишиња вино со етикети со ликот на Адолф Хитлер.
Едното вино се викало „Мајн Кампф“, а другото „Ајн фолк, ајн рајх, ајн фирер“ (еден народ, едно царство, еден водач).
На друга етикета Хитлер е прикажан како салутира со нацистички поздрав, а едно шише имало налепница со ликот на папата Јован Павле Втори.
Таткото на Синди е роден во Чехословачка и е еден од преживеаните во концентрациониот логор во Аушвиц, додека другите нејзини роднини се убиени во истиот логор.
„Ова не е навреда само за Евреите, иако мојот сопруг и јас сме Евреи. Тоа е навреда за целото човештво“, вели Синди за „АФП“.
Италијанскиот министер за меѓународна соработка и интеграција, Андреа Рикарди вели:
„Сакам да ги уверам нашите американски пријатели кои ја посетуваат нашата земја дека нашиот Устав и култура отфрлаат секаква можност за расизам, анти-семитизам, како и нацизам и фашизам. Ова ги навредува чувствата на милиони луѓе и фрла дамка на Италија надвор од нејзините граници“.
Синди раскажува дека се пожалила на работникот во маркетот за скандалозните етикети, на што тој одговорил: „Тоа е само историја, како што се Мусолини или Че гевара“.
Вели дека само го оставила шишето на касата и си заминала од продавницата.
Тужителот Марио Џулио Скинаја за „Анса“ потврдил дека по повод овој случај е покрената истрага.
„Единствено злосторство кое овде може да се придодаде е она за извинувањето за фашизмот. Би било згодно во овој момент да се измисли злосторство за човечката глупост“, вели Скинаја.
Италија, чинот на извинување за фашизмот во 1952 година го прогласи за злосторство./крај/афп/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.