Забава
Нови пакети по пониски цени од „Близу“
Почнувајќи од 3-ти септември, телекомуникацискиот оператор „Близу“ воведе нови, пониски цени за пакетите со три услуги. За време на промотивниот период, новите корисници ќе можат да изберат еден од нивните омилени пакети за неверојатни цени, започнувајќи од 899 денари.
Така, Старт пакетот со цена од 899 денари вклучува дигитална телевизија до 60 канали, неограничен интернет со 10 Mbps и телефонија, Смарт пакетото кој чини 1.099 денари опфаќа услуга од дигитална телевизија до 120 канали, неограничен интернет со 10 Mbps и телефонија со вклучени 250 минути кон сите оператори, и Екстра пакетото со цена од 1.399 денари на корисникот му овозможува ужување во дигитална телевизија до 120 канали, неограничен интернет со 20 Mbps и телефонија со вклучени 400 минути кон сите оператори, а, пак, со Премиум пакетот кој отсега чини 1.599 денари се нуди дигитална телевизија до 120 канали, неограничен интернет со 50 Mbps и телефонија со вклучени 600 минути кон сите оператори.
Воедно, од „Близу“ го објавија и пуштањето на албанската синхронизација на каналот „Орландо Кидс“ и новиот канал „РТ Док“.
Каналот „Орландо Кидс“ е достапен за сите претплатници на дигиталната телевизија. Каналот е наменет за деца од над тригодишна возраст, и за претплатниците на „Близу“ досега беше достапна македонската синхронизација, а отсега тие ќе можат да уживаат во албанската верзија на овој канал.
Каналот „РТ Док“, пак, e канал од англиско говорно подрачје, посветен на Русија, нејзината култура, традиција, природни убавини, како и нејзините социјални околности и воена историја./крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.