Забава
ОНЕ најавува незаборавно ЏаБест лето
Во петокот во Охрид со повеќе од четири часа музичка програма, дружење и подароци за сите минувачи, пред својот продажен салон ОНЕ најави почеток на незаборавно ЏаБест лето.
Настанот го одбележа и уникатната промоција на најдобриот и најевтиниот при-пејд производ за млади ЏаБест, со која секој кој купи една СИМ картичка по цена од само 99 денари доби на подарок уште една, а со тоа и можност за 1000 бесплатни минути за разговори секој месец помеѓу корисниците на ЏаБест, најконкурентна тарифа од само 2,9 ден/мин за повици кон сите национални мрежи и најниски цени за СМС и интернет од само 2,9 денари.
„Ми претставува задоволство да најавам дека годинава охридското крајбрежје ќе биде целосно во знакот на нашиот бренд ЏаБест. Присутни сме на најпопуларните плажи на охридското крајбрежје, каде дополнително планираме богати забавни содржини во екот на сезоната, застануваме зад двата најголеми музички фестивали во Охрид, а ЏаБест промо-тимот кој веќе од минатата недела патува низ земјата ќе ги забавува и наградува своите ЏаБестери“, рече генералниот извршен директор на ОНЕ, Цирил Кафол, во неговото обраќање пред присутните на настанот:
Ова лето ЏаБест е официјален спонзор на најголемите музички фестивали. Забавата започнува веќе од сабота со Uprising Beach Festival-от на плажата Оревче во Охрид и истиот трае до 18 август, а на 2 август охриѓани и охридските туристи ќе имаат можност да уживаат во Green Beach Festival-от и настапот на извонредниот Armin Van Buuren – најзначајниот транс диџеј на декадата и продуцент на денешницата.
На 28-ми јули логото на ЏаБест ќе се најде на сцената на традиционалниот D Festival во Дојран кој како и минатата година е закажан за автентичното дојранско крајбрежје. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.