Забава
Илјадници луѓе дел од „Shop ‘n’ Mall” лудилото во Skopje City Mall
Најголемиот Late Night Shopping досега организиран во Република Македонија се одржа во четврток од 17 до 24 часот во Skopje City Mall.
Резултатот беше навистина импресивен – илјадници луѓе буквално го окупираа молот посетувајќи ги продажните салони на своите омилени брендови кои понудија попусти и до 70%, но и уживајќи во огромниот број дополнителни активности кои самиот мол ги имаше предвидено за нив.
Богатата музичка програма, која кулминираше со настапот на Биг Бендот при Македонската Радио Телевизија беше најпријатното изненадување за повеќето посетители. Одлични изведувачи на неколку локации ги забавуваа присутните, па одличната шопинг авантура беше надополнета со квалитетна музика за сечие уво. Посебно атрактивни за посетителите беа кубанската бенд атракција која ги освои со својата харизма и префинет звук.
„Скопје Сити Мол настојува настаните кои ги организира традиционално, од година во година, да бидат се поквалитетни и поиновативни со цел да го задржиме вниманието на посетителите. За таа цел, овогодинешниот Late Night Shopping, покрај најголемиот број и процент на продавници со попусти, вклучи и настап на извонредни артисти, бендови, програма која заврши со Биг Бендот на МТВ. Сакавме да создадеме огромен бесплатен концерт за љубителите на шопингот и на тој начин да ги „одмориме”, пред да продолжат со прошетката. Дополнително, беа овозможени бесплатни коктели за присутните, а секој час доделувавме и маички со потпис и карти за концепртот на Billy Idol во Скопје. Уверен сум дека „Shop ‘n’ Mall” им се допадна на посетителите, за што говори навистина огромната посетеност. Верувам дека вечерва го срушивме и рекордот на посетители во еден момент присутни во молот”, изјави Дарко Панчевски, претставник на маркетинг секторот на Скопје Сити Мол.
Настанот Late Night Shopping кој веќе традиционално се одржува со Скопје Сити Мол, дефинитивно станува и негов заштитен знак. Луѓето покажуваат дека овој тип на искуства им се допаѓаат, сакаат да ги посетуваат а тоа е доволен сигнал Скопје Сити Мол да продолжи со создавање интересни концепти за шопинг до полноќ, каков што апсолутно беше овогодинешниот „Shop ‘n’ Mall” Late Night.крај
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.