Забава
Улична светилка на кучешки измет
Метју Мазота измислил светилка чиј погон работи на кучешки измет , поточно на плинот метан кој тој го содржи, пренесува „Аол њуз“. Светилката се наоѓа во паркот за кучиња во Кембриџ.
Метју Мазота измислил светилка чиј погон работи на кучешки измет , поточно на плинот метан кој тој го содржи, пренесува „Аол њуз“. Светилката се наоѓа во паркот за кучиња во Кембриџ.
Кога кучињата ќе ја обават својата работа, сопствениците го собираат изметот во вреќичка и потоа го ставаат во столбот на светилката и на тој начин се произведува електрична енергија. Овие столбови не се новина, бидејќи се употребуваат во Кина, Индија и Јужна Америка, но не работат на кучешки, туку на кравји измет. Мазота за овој изум бил инспириран од неговиот пат во Индија, каде за прв пат видел такво откритие.
„Кога се вратив од Индија и во парковите видов измет од кучиња, веднаш помислив дека тој треба да се спали за да се ослободи електричната енергија“, рече Мазота.
По шест месечно преговорање со градската управа на Кембриџ, неговата идеја добила одобрување, а тој заработил 4.000 долари. Но, неговиот изум не е застанат тука бидејќи почнале да му се јавуваат луѓе од цел свет. Мазота вели дека со светилката само сакал да и се оддолжи на заедницата./крај/аол њуз/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Петар Грашо и Хана Хуљиќ го очекуваат своето второ дете
Петар Грашо и Хана Хуљиќ го чекаат своето второ дете.
Ова го потврди пејачката во емисијата Ин Магазин. Парот ќе станат родители по втор пат, откако пред година и девет месеци ја добија малата Алба.
View this post on Instagram
Хана неодамна проговори за мајчинството.
„Толку многу уживам во секој момент со неа, знам дека брзо ќе порасне и можеби сега едвај чекам да порасне, но кога ќе порасне ќе ми биде жал. Убава е, весела е. Таа донесе нешто посебно во нашиот живот“, изјави Хана. Вели дека многу и помагаат двете баби.
Хана е среќна што Алба расте во вљубено семејство.
„Горда сум што детето расте во љубов, што за жал не е толку често во денешно време и секогаш ми е жал за децата кои ја немаат и ми е тешка тема“, додаде таа.
Хана и Петар се венчаа во февруари 2022 година во Сплит.
Забава
Црно-бела фотографија објавена на годишнината на свадбата на Кејт и Вилијам, фановите шокирани
Принцезата и принцот од Велс Кејт Мидлтон и Вилијам денеска ја слават 13-годишнината од бракот. Оваа убава пригода дојде во тежок момент за целото семејство. Љубовта на славните сопружници е особено на испит откако беше откриено дека принцезата има рак и влезе во процес на лекување.
И со оваа тажна симболика на бројот 13, Кејт и Вилијам покажаа дека нивниот брак е силен. Имено, тие на својот официјален профил на социјалните мрежи објавија досега невидена фотографија од нивната гламурозна венчавка која ја следеше цел свет.
Младенците се смешкаат на оваа објава, полни со ентузијазам за се што им носи иднината. Обожавателите се воодушевени од оваа објава бидејќи со недели ја чекаат судбината на саканата принцеза.
View this post on Instagram
Но, имаше и такви кои во коментар велат дека фотографијата е црно-бела и дека симболиката е мрачна знаејќи дека Кејт се бори за закрепнување.
– Зошто црно-бела фотографија?
– Се шокирав кога ја видов црната боја, таа навестува лоши работи.
– Зарем не можеше да има посреќна фотографија?
– Црно-белите фотографии не се објавуваат освен ако некој не умрел – ова се само дел од бројните коментари.
Кејт Мидлтон и принцот Вилијам се венчаа пред речиси 2.000 гости во опатијата и телевизиска и интернет публика која се мери со стотици милиони, а некои проценки велат дека имало две милијарди луѓе. Духовниот водач на англиската црква, надбискупот од Кентербери Роан Вилијамс, ја прогласи двојката официјално во брак.
Принцот Вилијам и неговата невеста Кејт Мидлтон се бакнаа двапати на балконот на Бакингемската палата. Следени со будните очи на илјадниците собрани, младиот пар се појави на балконот во придружба на кралското семејство и семејството на Кејт Мидлтон. Вилијам и Кејт се бакнаа двапати, првиот пат кратко. Над Бакингемската палата, авиони на кралското воздухопловство прелетаа над толпата.
Забава
Семејство во САД по грешка си ја испратило мачката на пат во кутија со чизми
Американско семејство повторно се обединило со својата мачка, која случајно била испратена во Калифорнија, по пошта стотици километри од домот, во пакет со чизми, пишува Би-Би-Си.
Мачката Галеана исчезна од својот дом во државата Јута на почетокот на месецот и беше организирана потрага по неа.
Таа била спасена од вработен во „Амазон“ една недела подоцна во еден од пакетите испратени од семејството.
„Галеана сака кутии, тоа е дел од нејзината личност“, рече сопственичката Кери Кларк, објаснувајќи како семејната мачка завршила толку далеку од дома.
Во кутијата во која мачката скокнала имало големи работнички чизми. За среќа, еден раб од кутијата се отворил и мачката имала воздух и била заштитена од временските неприлики, а кога конечно била ослободена била во добра состојба.
Сопствениците биле идентификувани со чип, а ветеринарот го повикал Кларк и објаснил што се случило.
Кларк најпрво мислела дека некој се шегува, а потоа настанала радост и возбуда.
Таа и нејзиниот сопруг летале 1.000 километри до Калифорнија и ја вратија Галеана дома.