Црна хроника
Пријавен скопјанец за шверцување илјадници парчиња гардероба и автоделови
Против педесетгодишен скопјанец е поднесена кривична пријава поради шверцување големи количества текстилно стоки и автоделови, информираше во саботата Министерството за внатрешни работи.
Припадниците на Единицата за економски и компјутерски криминал при СВР Скопје поденал кривична пријава против 50-годишниот скопјанец идентификуван со иницијалите Е.А., поради основано сомнение дека на 9-ти овој месец извршил кривично дело „прикривање на стоки кои се предмет на криумчарење и царинска измама “.
Имено, пријавениот,откако претходно на засега неутврден начин и од засега непознато лице, набавил поголеми количества разновидна трговска стока, како текстилна роба (1.566 парчиња блузи, 594 парчиња свечени фустани), потоа 1.373 метри завеси за дом, 3.250 најлон вреќи, автоделови (ламели за возила, куќиште за филтер, АГР вентили, Бош филтери, Гаф пакинг, поклопец за филтер, сидат вентили, термостати, свеќици, водни пумпи, федери за амортизери, алуминиумски грани, пластични црева, гумени навои, дихтунзи, управувачки осовини, зглобови за ПМВ, јабучици, лагери, ребрасти каиши со затегачи), како и 3.660 литри моторно масло и друго, стоки за коишто не поседувал соодветна документација и која била предмет на кривично дело „криумчарање“ и која имал намера делумно да ја пласира на пазарот во земјава, а дел да биде пренесена преку гранична линија.
На споменатиот датум, околу 18 часот, на локалниот пат меѓу скопските села Побожје и Бродец во насока кон Танушевци, сите на падините на планината Црна Гора во близина на Скопје кон косовската граница, товарното моторно возило кое било управувано од пријавениот, при извршување на редовни контроли било сопрено од страна на полициски службеници од РЦ за ГР Север – ОГРМ по што истиот бил приведен и предаден во полициската станица „Гази Баба“, каде при извршена контрола и преглед на внатрешноста и багажниот простор на возилото била пронајдена предметната трговската стока која заедно со возилото се одземени, а со пријавениот бил извршен разговор.
Од страна на увидна екипа од СВР Скопје било извршено фотодокументирање на возилото како и на пронајдената количина на трговска стока. Во врска со кривично правниот настан од страна на службени лица од Државниот пазарен инспекторат од Скопје во полициската станица, бил извршен инспекциски надзор по што бил изготвен и записник.
Инаку во минатото против истото лица биле поднесувани и други кривични пријави, како што се „прикривање на стоки кои се предмет на криумчарење и царинска измама“,„повреда на права од индустриска сопственост и неовластена употреба на туѓа фирма“, „криумчарење“, „лажно пријавување на кривично дело“ и „недозволена трговија“./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Во делчевско Вирче најдена граната
Во делчевското село Вирче пронајдена е стара неексплодирана граната. Случајот е пријавен од жител на селото кој експлозивната направа ја пронашол во својот двор.
Во пoлициската станица Делчево, А.М.(60) од с.Вирче, делчевско, на 17.05.2024 во 19.50 часот пријавил дека при извршување градежни работи во неговиот двор пронашол една стара неексплодирана граната, информираат од полиција.
Гранатата по извршениот увид била подигната од пиротехничар од Дирекцијата за заштита и спасување.
Црна хроника
Во куќа на струмичанец најдена дрога
Струмичката полиција вчера околу пладне во Струмица го лишила од слобода Љ.Ѓ.(46) од овој град. При претрес во неговиот дом, извршен со судска наредба, биле пронајдени и одземени кафеава прашкаста материја, црна прашкаста материја, марихуана, бела прашкаста материја, бела грутчеста материја и други предмети за кои постои сомнение дека потекнуваат од кривично дело..
Како што информираат денеска од МВР, лицето било задржано во полициска станица и по целосно документирање на случајот против него ќе биде поднесена соодветна пријава.
Топ
Еден починат и еден тешко повреден во несреќа во лифт во Штип
Едно лице почина, а друго се бори за живот во Клиничката болница- Штип од повреди добиени во несреќа, што според првичните информации се случила во лифт во угостителски објект во Штип.
Повеќе детали околу несреќата засега нема, но од СВР Штип велат дека во тек е увид од страна на полицијата, јавен обвинител од ОЈО Штип, а на терен се и државни инспектори.
Според првичните информации починатото лице и неговиот колега извршувале работна задача во моментот на несреќата.