Забава
Кристи почна онлајн аукција на уникатни чанти на Хермес
Онлајн аукција на колекционерски светски познатиот бренд за чанти Hermes, започна во понеделникот на интернет стрницата на аукциската куќа Christies.
Чантите се направени специјално за 175-годишнината од основањето на оваа позната модна куќа, и ги претставуваат четирите региони на Обединетото Кралство: Англија, Шкотска, Велс и Северна Ирска.
Изборот на темите не е случаен, на овој начин компанијата сака да придонесе кон прославата на 60-годишнината од доаѓањето на престолот на британската кралица Елизабета Втора, како и одбележување на Олимписките игри во Лондон.
Онлајн аукцијата ќе трае до 27-ми мај и сите приходи од продажбата на чантите ќе бидат уплатени на сметката на Кралската академија на уметностите.
Продажбата на чантите е само мал дел од свеченостите на компанијата, од кои централниот настан беше одржан во Лондон со грандиозната поставка Leather Forever (Кожата засекогаш). Како што може да се претпостави од насловот, на изложбата се претставени производи направени од природна кожа.
На влезот во галеријата Burlington Gardens, каде што од 8-ми мај трае поставката, посетителите се среќаваат со Зузу, фигура на носорог со златен рог, покриен со бела кожа на африкански ној. На изложбата може да се видат многу уникатни творби, некогаш создадени од страна на мајсторите на модната куќи, вклучувајќи ја и прочуената чанта направена во вид на седало со крилја. Таа е произведена по нарачка на една јапонска музичка група.
Посетителите не само што може да уживаат во прекрасните примероци на кожни производи и да ѕирнат во светот на „најдобрата кожа, која може да се купи“, исто така, може непосредно да го следат и процесот на производство на чантите на Hermes, досега мајсторите на модната куќа направија неколку торби пред посетителите.
Познато е дека сите чанти од овој бренд се уникатни, и секоја торба од почетокот до крајот ја прави еден мајстор, оставајќи автограм на скриени место во нејзината внатрешност. Така, посетителите слободно може да кажат дека присуствувале на раѓање на ремек-дело.
Француската компанија Hermes e основана во 1837 година и оттогаш стана еден од лидерите во светот на модната индустрија. Сега нејзинот годишен приход достигна 2,5 милијарди евра, а вработува повеќе од осум илјади луѓе./крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.