Македонија
За Заев дијалог без посредништво не е можен
СДСМ никогаш не бегал од дијалог, но дијалог за политичката состојба во Македонија е можен само со посредство на меѓународната заедница, смета лидерот на СДСМ Зоран Заев, кој одговори на новинарско прашање за тоа кои се неговите очекувања од дијалогот во Брисел.
„Никогаш СДСМ не бегал од дијалог, но притоа мора да знаеме дека буквално е невозможна мисија да се воспостави дијалог без посредништво на ЕУ и меѓународниот фактор. Не би сакал да ги коментирам однапред нашите очекувања. Нашите ставови се јасни. Граѓаните знаат зошто не сме во Собранието, сакаме да дадеме шанса на дијалогот но не би влегувал во деталите“, рече Заев.Прашан за хациендата во Грција, за која објавија некои медиуми во Македонија дека е во сопственост на Заеви и дека е купена по `багателна` цена, Заев вели дека тој нема имот надвор од Македонија.„Јас немам имот во Грција. Се што имам ми е тука, во Македонија. Не би сакал да коментирам сопственост на мои први братучеди. За имотот на роднини и пријатели нив ќе ги прашате. Но, да се знае, пола од врхушката и перјаниците на власта имаат имот во Грција, јас немам“, изјави Заев Заев нагласи дека е многу задоволен што поддршката од сите етнички заедници за проектот „Вистината за Македонија“ се зголемува и дека се ќе се објави во вистинско време, без разлика кој за што е заинтересиран. На прашање дали ќе има храброст да ги погледне во очи соработниците ако евентуално се докажело во истражна постапка дека не ја кажувал вистината, Заев одговори дека за се има доказ.„Зарем мислите дека јас без доказ кој тоа го правел и како е организирано ќе водам еден ваков процес за слобода на Македонија? Немам никакви резерви кој тоа го правел. Како политичар секогаш сум спремен да понесам одговороност ако има такво нешто. Се ќе биде објавено и за пописот, Монструм, Никола Младенов. Се е важно. Имаме докази и за тоа што се се правело со пописот“, рече ЗаевСпоред него, ситуацијата во Македонија апсолутно се променила, па граѓаните кои се плашеа да го кажат името на Мијалков, сега слободно разговараат.„Денеска во Македонија храбро се зборува, секаде се коментира, чувството дека се чека најголемата придобивка на демократијата-слободата е чувство кое е вградено во сите нас и во сите кои се борат за слободно и и демократско живеење. Само дрскоста и безобразлукот на Груевски не се менува засега, но и тоа ќе се смени“, додаде Заев. Според Заев повеќе од 70 проценти од материјали се за луѓе кои не се од власта или директни соработници на власта, само еден дел се./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Невреме во Тетово: Поплавени улици, домови, гаражи
Силно невреме го зафати Тетово, поплавени се улици, домови, гаражи.
Невреме со силни врнежи од дожд, град и грмотевици попладнево ја зафати Општина Тетово и околината.
„Врнежите предизвикаа поплавување на дел од улиците, посебно кај касарната на влезот на Тетово и на неколку куќи во Мала Речица-Општина Тетово“, информира вечерва Регионалниот центар за управување со кризи (РЦУК) Тетово.
За невремето известени се и ТППЕ-Тетово, ЈКП-Тетово и одговорни лица во Општина Тетово.
Македонија
Митева: Состојбата во односите со Бугарија е последица на погрешните политики на СДС
„Ситуацијата не е настаната од вчера за денес. Не зборуваме ние за состојба која била совршена до вчера, а од денес не е совршена. Зборуваме за причинско последични состојби и дека состојбата во која сме дојдени е резултат на погрешно преземани политики на СДС”, истакна портпаролката, пратеничка и членка на ИК на ВМРО-ДПМНЕ Марија Митева.
Митева продолжи и додаде:
„Во делот на тоа што се случува помеѓу Бугарија и Македонија е состојба која ја предизвика СДС со погрешните политики”, вели Митева Митева истакна дека состојбите кои ги креира СДС се тотално погрешни.
„Состојбите кои ги креира СДС од позиција на опозиција се тотално погрешни и користи политика за дневно политички поени без никаква суштина”, кажа Митева.
Митева истакна дека за разлика од СДС, ВМРО-ДПМНЕ е многу посветена.
„За разлика од СДС, ВМРО-ДПМНЕ е многу посветено и ќе ја оправда довербата која на 8-ми мај ја доби од граѓаните”, заклучи Митева.
Македонија
Николоски: Македонија не се откажува од идејата за квалитетно железничко поврзување со Бугарија
Влегуваме во силен инвестициски циклус во изградба и модернизација на патната и железничката мрежа во Македонија преку која ќе изградиме квалитетни транспортни мрежи во регионот и ќе допринесеме за побрза интеграција со Европската Унија, е ставот на заменик претседателот на Владата и министер за транспорт Александар Николоски кој денеска го пренесе на средби со министри за транспорт од земји на Европската Унија, средби со колегите министри од земјите на Западен Балкан како и со претставници од различни институции на Унијата во рамки на дводневниот состанок на министри за транспорт на ЕУ што се оддржува во Унгарија.
Министерот Николоски ја потенцира важноста на поддршка на земјите од Европската Унија за спроведување на овие проекти и како што нагласи, нивната реализација ќе значи економски развој и подобра комуникација за сите земји од регионот.
Во одвоени средби со министерот за градежништво и инвестиции на Унгарија Јанош Лазар, со заменик претседателката на Владата и министерка за инфраструктура на Албанија, Белинда Балоку како и претседателот на Заедницата на европски железници Алберто Мацола, информираше дека Македонија ги засилува инвестициите во изградба и модернизација на европските транспортни коридори 8 и 10, поврзувајќи ја оската Исток-Запад, како и брзо поврзување со југ со Атина и на север со земјите од Централна Европа.
Тој ги потенцираше силните заложби на македонската влада за изградба на модерни автопати на западниот дел на коридор 8 кои треба да обезбедат квалитетно регионално поврзување, притоа нагласувајќи дека до крај на оваа година источниот дел од овој коридор ќе биде завршен.
Во однос на железничкото поврзување приоритет е изградба на двоколосечна брза пруга на Коридор 10, проект кој ќе даде дополнителна вредност на целокупната економија во регионот. Во однос на пругата на коридор 8, тој нагласи дека Македонија не се откажува од идејата за квалитетно железничко поврзување со Бугарија.
Изградбата на брза пруга на Коридор 10 како и квалитетно патно и железничко поврзување со Албанија и Бугарија се проекти кои ќе донесат големи придобивки за сите земји од регионот и ќе овозможат сигурен и брз транспорт на производи и патници. Затоа мора заеднички да настапиме со добри развојни програми и планови и да побараме силна поддршка од нашите партнери од Европа, истакна министерот за транспорт Александар Николоски.
Тој исто така информираше дека Македонија започна и со модернизација на неколку гранични премини како дел од проектот за олеснување на трговијата и транспортот меѓу земјите од Западен Блакан.
Состанокот на министри на земјите од Европската унија е одлична можност да ги презентираме нашите планови и активности за развој и модернизација на инфраструктурата во Македонија и да дадеме сериозен придонес за регионалниот развој и интеграцијата на цел регион, посочи министерот Николоски по средбите.
На средбите тој ја истакна цврстата заложба на Владата за остварување на зацртаните цели на земјата кои се однесуваат на пристапниот процес за членство во Европската Унија.