Култура
Летен „Топол културен бран“
Во Националната галерија на Македонија (објект „Мала станица“) денес се одржа прес-конференција на која беше најавена програмата на четвртото издание на летната манифестација „Топол културен бран“.
Во Националната галерија на Македонија (објект „Мала станица“) денес се одржа прес-конференција на која беше најавена програмата на четвртото издание на летната манифестација „Топол културен бран“.Манифестацијата ќе се реализира во 21 општина низ Република Македонија, ќе се одвива во две етапи, од 20 до 31 јули и од 20 до 31 август, и ќе се одржат 110 културни настани.На денешната конференција, на која присуствуваа градоначалници од седум општини, се обрати министерот за култура Елизабета Канческа-Милевска.„Покрај манифестациите и фестивалите кои Министерството за култура редовно ги финансира со својата програма, како „Охридско лето“, „Скопско лето“, „Струшките вечери на поезијата“, „Балканскиот фолклорен фестивал“, „Галичка свадба“, „Оф-фест“, се наоѓаме пред почетокот на четвртото издание на манифестацијата „Топол културен бран“.„Проектот има за цел културата и актуелните културни содржини што ги финансира Министерството за култура да станат достапни до сите граѓани на Република Македонија. Нашиот приоритет во оваа насока се потребите на граѓаните, поттикнувањето на локалниот културен развој, како и соработката на општините со националните институции, авторите и репродуктивните уметници“, потенцираше Елизабета Канческа-Милевска.Резултатите од претходните три години покажаа дека дисперзијата на културните настани на локално ниво ја постигна својата цел и создаде силен импулс кој навлезе во областите на неформалната едукација и успешното потсетување на традиционалните и историските културни вредности.Годинава манифестацијата едновремено ќе започне во осум општини низ државата.„Општина Велес годинава аплицираше со шест проекти и сите беа прифатени. Дел од настаните се традиционални, а дел од нив за прв пат се случуваат. Затоа ќе истакнам дека манифестацијата е исклучително важна за градовите, бидејќи е можност да се афирмираат, пред се, младите уметници од градот и да добијат можност да ги покажат своите квалитети. Досега имавме исклучително поволни искуства, бидејќи граѓаните имаат можност и во голем број тоа го користат да се запознаат со културните вредности на нашата држава“, нагласи Горан Петров, градоначалник на Велес.„Иницијативата на Министерството за култура е од големо значење, особено за помалите општини кои имаат помал буџет за културни настани. За Берово, кое засилено го развива туризмот како стопанска гранка, манифестациите со културен карактер се од големо значење за привлекување на туристите“, објасни Драги Наџински, градоначалник на Берово.„Општина Гази Баба повеќе години реализира сопствена културна програма во текот на летото, но манифестацијата „Топол културен бран“ на Министерството за култура е од големо значење, пред се, поради заедничката реализација на проектите“, потенцираше Тони Трајковски, градоначалник на општина Гази Баба.Во програмата на „Топол културен бран“ се опфатени театарски претстави, концерти и изложби.На денешната прес-конференција присуствуваа и градоначалниците Мите Андоновски од Кратово, Пане Трајков од Неготино, Александар Панов од Кавадарци и Николче Чуркчиновски од Валандово. Сите ја изразија својата целосна поддршка на иницијативата за дисперзија на културните содржини низ целата држава.Влезот на сите настани во општините каде што ќе се одржува манифестацијата ќе биде бесплатен./крај/макфакс/т.д.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Изложба: „Четирите мајстори на модернизмот“
Град Скопје и ЈУ Културно Информативен Центар ќе отпочнат со реализација на Европскиот проект CreArt 3, со активноста „Европски месец на креативноста“ на 10 мај во галеријата Империјал 1 – ЈУ Културно Информативен Центар, каде што до крајот на месец мај ќе биде отворена групната изложба насловена: „Четирите мајстори на модернизмот“
Учесници: Теодора Андоноска, Мартин Буровски, Илина Василеска, Сергеј Јордановски, Камелија Каламерникова, Манели Крстиќ, Сара Милошевска, Ивона Петрова и Никола Тренов, сите студенти од четврта година на студиската програма Сликарство на Факултетот за ликовни уметности, Универзитет „Св. Кирил и Методиј“ – Скопје, во класата на проф. Слободанка Стевческа.
Изложбата „Четирите мајстори на модернизмот“ е воспоставена во чест на основоположниците на Факултетот за ликовни уметности од Катедрата за сликарство, професорите Петар Мазев, Родољуб Анастасов, Димитар Кондовски и Душан Перчинков.
Изложбата ќе биде отворена до 20.04.2024 година.
Култура
Распишани конкурсите за државните награди „11 Oктомври“ и „22 Ноември“
Денеска се распишани конкурсите за државните награди „11 Oктомври“ и „22 Ноември“ за 2024 година.
Со државната награда „11 Октомври“ се оддава највисоко признание за животно дело во областа на науката, уметноста, стопанството и во другите дејности од јавен интерес на државата. Наградата се доделува на поединци, група творци, екипи, установи, трговски друштва и здруженија на граѓани од земјава.
Со државната награда „22 Ноември“, пак, се оддава признание на личностите од политичкиот, културниот и општествениот живот во нашата држава кои дале свој придонес во унапредување на меѓучовечкиот соживот и меѓусебно разбирање меѓу припадниците на различните заедници, култури и вери.
Конкурсите за државните награди „11 Oктомври“ и „22 Ноември“ за 2024 година траат од 1 до 31 мај 2024 година.
Конкурсите се објавени и на веб–страницата на Министерството за култура на следните линкови:
Државна награда „11 Октомври“ – https://kultura.gov.mk/wp-content/uploads/2023/10/odluka-3.pdf
Државна награда „22 Ноември“ – https://kultura.gov.mk/22-%d0%bd%d0%be%d0%b5%d0%bc%d0%b2%d1%80%d0%b8/
Култура
Мајските оперски вечери немаат никакви примеси на економски ниту политички стремеж, организаторите го најавија 52-рото издание
Мајските вечери немаат никакви економски ниту политички стремеж, еден ваков уникатен собир ќе го обележи и Скопје и Македонија, соопштија организаторите на прес-конференција.
„Оваа манифестација датира од крајот на 60-тите години. Тогаш имало криза со публика, која не била изразена само во Скопје. Во првите години мајските оперски вечери се празни, но со текот на годините заинтересираноста расте“, изјавја организаторите.
Како што велат оттаму, ова е еден од најголемите фестивали во регионот и со квалитетна програма сите овие години.
„Оваа година ќе има екслузивна програма. Очекуваме одлични резултати“, додаваат оттаму.
Реномираниот македонски режисер Иван Поповски, со успешна кариера во Русија, ја поставува операта „Трубадур“ од Џузепе Верди, со чија премиера ќе се отворат 52. Мајски оперски вечери (МОВ) на 9 мај во Националната опера и балет (НОБ). Диригент ќе биде Енрико Довико (Италија), сценографијата ја работи реномираниот Миодраг Табачки од Србија, костимите Марија Пупучевска, а кореографијата Саша Евтимова.
Во рамките на 52. Мајски оперски вечери, во фоајето на Националната опера и балет, од 9 до 31 мај ќе биде поставена и изложбата „Оперска одисеја“ – наследството на Милка Ефтимова. Изложбата ќе ја сочинуваат донирани лични предмети од движно материјално и нематеријално културно наследство, класифицирани во категоријата лични предмети како и голем број награди, признанија, уметнички портрети и фотографии кои во детали ја прикажуваат нејзината богата музичка кариера.
„Оперска одисеја“ е резултат на институционалната соработка помеѓу Музејoт на македонската борба за самостојност и Националната опера и балет. Автор на изложбата е Василија Чали, соработник за визуелни уметности, дизајн и архитектура.