Македонија
Уставниот суд ги запре сите изборни активности
Уставниот суд ги отвори сите можности за свикување на собраниска седница на која би се одложиле закажаните предвремени парламентарни избори на 5 јуни, откако поведе постапка за оценување на уставноста на Одлуката за распуштање на собранието.
Уставните судии едногласно донесоа Решение за времена мерка за запирање од извршување на поединечни акти и дејствија што се преземаат врз основа на одлуката, јави репортерот на „Макфакс“.Со оваа времена мерка која стапува на сила од среда, се запираат сите изборни дејствија што значи претседателот на Собранието, Трајко Вељаноски, може да свика седница на парламентот на која пратениците би одлучувале дали да се одложат закажаните избори.Уставните судии, идната среда, треба да го донесат конечното решение, односно ќе одлучуваат дали Собранието се распуштило во согласност со Уставот. Тоа ќе биде конечното решение, но сепак претседателот на Собранието, Трајко Вељаноски, може да се повика и на оваа денешна времена мерка и да свика седница за одложување на изборите.Претседателката на уставниот суд, Елена Гошева иако претходно беше против судот воопшто да расправа за уставноста на одлуката за рапуштање на Собранието, денеска се повика на одлука што ја донел Уставниот суд во 2001 година со која, иако судот прво се прогласил за ненадлежен, сепак потоа одлучувал поради државни интереси./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.