Македонија
Македонецот кој војувал во Сирија се борел за идеологија, а не за пари

Македонецот Стефан Стефановски кој војувал на боиштата во Сирија се борел на страната на терористичката организација поради идеологија, а не за пари, објавуваат медиумите повикувајќи се на извори од истрагата.
Стефановски кој од од православието преминал во исламот и го сменил и името од Стефан во Суфијан, завршил медицина и неколкупати бил на боиштата во Сирија. Кога ќе се врател во Македонија, негова задача било да врбува нови борци кои ќе се борат на страната на екстрeмистичката организација Исламска држава. За Сирија патувал со фалсификуван пасош преку Турција. Стефановски и уште осум други лица за кои постојат сомненија дека војувале во Сирија се наоѓаат во триесетдневен притвор. Полицијата трага по уште 27 лица, а за 20 од нив постои сомнеж дека се наоѓаат на боиштата во Сирија. Повеќето од осомничените патувале во Сирија од религиски побуди, а не за пари, биле добро ситуирани и повеќето имале жени и деца. Речиси сите минуваат низ крим-евиденцијата на Министерството за внатрешни работи и сите направиле некое кривично дело претходно. Сите се македонски државјани од различна националност.Во вчерашната акција „Ќелија“ приведен беше и имамот Реџеп Мемиши од Тутунсуз џамијата за кој МВР изјави дека бил идеолог на групата. МВР објави дека нови борци за Сирија се регрутирале во приватни куќи, џамии, интернет кафулиња. Во борбите во Сирија досега официјално загинале 16 македонски државјани, а околу 130 се бореле или сé уште се борат таму./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Ѓорѓиевски и Тошковски на пешачење во Градски парк: секој чекор е здравје

Градскиот парк денеска беше изборот на градоначалникот на Кисела Вода и кандидат за градоначалник на Скопје, Орце Ѓорѓиевски, и министерот за внатрешни работи, Панче Тошковски. Двајцата утрото го започнаа со пешачење низ алеите на паркот, во спортска опрема и ведро расположение.
„Најубаво е денот да започне со утринско пешачење низ Градскиот парк, свеж воздух, мир и позитивна енергија. Секој чекор е здравје, секој здив е нова сила. Започни го денот со природа, а денот ќе ти врати со радост“, напиша Ѓорѓиевски во својата објава на социјалните мрежи.
Македонија
За влез и излез од државава на граничните премини се чека до 15 минути

Сообраќајот на државните патишта се одвива непречено, по суви коловози.
Интензитетот на сообраќајот на патиштата надвор од градските средини е зголемен. Поради летните одмори, се бележи зголемена фреквенција на возила, на ГП Табановце времето на чекање за влез и излез е околу 10-15 минути.
На останатите гранични премини од македонска страна нема подолги задржувања при влез или излез од државата.
Македонија
Свежо утро, а преку ден до 33 степени

Времето денеска ќе биде сончево со мала до умерена локална облачност. Ќе дува слаб до умерен, а вдолж Повардарието повремено засилен северен ветер.
Минималната температура ќе биде во интервал од 9 до 19, а максималната ќе достигне од 25 до 33 степени.
Во Скопје, сончево со умерена облачност. Ќе дува слаб до умерен северен ветер. Минималната температура ќе се спушти до 16, а максималната ќе достигне до 30 степени.
До средината на следната седмица ќе преовладува претежно стабилно време со дневни температури малку под просекот за овој период од годината. Потоа времето ќе биде сончево и потопло со пораст на дневната температура.