Култура
Канческа-Милевска настапи на министерскиот симпозиум во Женева
Министерката за култура Елизабета Канческа-Милевска во понеделник имаше обраќање на Вториот министерски симпозиум во рамките на 48. серија состаноци на Светската организација за интелектуална сопственост (СОИС) кој се одржува во Женева, Швајцарија
На состанокот, на темата „Иновации, раст и развој: Улогата на интелектуалната сопственост и на националните искуства на земјите-членки“, пред околу седудмесет министри на земјите членки на СОИС, Елзиабета Канческа-Милевска, како прв македонски министер за култура кој учестува на овој министерски симпозиум, ги истакна активностите на земјата на ова поле.Канческа-Милевска приота го поздрави успешниот напредок и многубројните проекти што беа спроведени во текот на изминатите години од страна на Светската организација за индустриска сопственост, сè со цел да се стимулира развојот на услужно-ориентираната култура. Притоа македонската минситерка за култура потенцира дека се недвосмислени напорите на Владата и на Министерството за култура во областа на заштитата на авторското право и интелектуалната сопственост, бидејќи тоа е едно од човековите права на авторот, чија заштита мора да биде гарантирана. „Фактот што Република Македонија е потписничка на Конвенцијата на УНЕСКО за авторски права и членка на Организацијата за интелектуална сопственост, за нас е должност која нè поттикнува да истраеме и да бидеме непоколебливи во заштитата на слободата на изразувањето, во заштитата и промоцијата на културната разновидност, која претставува и значаен влог за целото човештво“, вели Канчевка-Миелвска.Таа нагласи дека на полето на авторското право е направен значителен напредок, кој е констатиран и во последниот извештај на Европската Унија во 2009 г. „Како држава, интензивно работевме на повеќе пунктови, инвестиравме во градењето ефикасен систем на заштита и зацврстување на капацитетите на институциите во подигањето на јавната свест за значењето на правата од интелектуална сопственост и придобивките од нивната заштита. Презедовме активности за потенцирање на важноста и потребата од постоење на систем за заштита на правата од интелектуалната сопственост со кој се штитат резултатите на човековиот творечки ум, односно поттикнување на човековата креативност“, додаде Канческа-Милевска и потсетувајќи дека македонскиот парламент го донесе новиот Закон за авторското право и сродните права.Министерката за култура го истакна и напредокот на земјата во однос на примената на Законот за индустриска сопственост и посочи дека е извршено дополнително усогласување со три закони со кои се ратификуваат договорите управувани од страна на Светската организација за интелектуална сопственост, и тоа: Законот за ратификација на Договорот за закон за патенти, Законот за ратификација на Сингапурскиот договор и Законот на трговски марки, со што е овозможено олеснување на постапката за доделување право на патент или заштитен знак. На полето на индустриската сопственост, Република Македонија го донесе и Законот за ратификација на Виенскиот договор, кој ќе се користи како основен систем за класификација на фигуративните елементи на трговските марки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
„Лена и Владимир“ награден на Julien Dubuque International Film Festival
13. издание на Меѓународниот филмски фестивал Julien Dubuque (JDIFF) ги објави своите победници, a „Лена и Владимир“, во режија на Игор Алексов, ја однесе дома главната награда за најдобар долгометражен игран филм.
На фестивалот, кој се одржа од 24-28 април во Дубјук, Ајова, беа прикажани преку 150 филмови од целиот свет, вклучително и 31 долгометражен филм во конкуренција, а филмот „Лена и Владимир“ на фестивалот го промовираа актерот Тони Наумовски и режисерот Игор Алексов.
„Лена и Владимир“ е приказна за двајца бегалци од општеството кои доживеале огромна трагедија, а чии патишта случајно се вкрстуваат. Тие наоѓаат утеха и поврзаност, формирајќи врска што им носи исцелување. Филмот е финансиски поддржан од Агенцијата за филм на Македонија и Филмскиот центар на Србија (Терирем продукција).
Главните улоги ги толкуваат: Сара Климоска и Тони Наумовски, а во филмот се појавуваат и Дениз Абдула, Луран Ахмети, Петар Мирчевски, Петре Арсовски, Благоја Чоревски, Kирил Коруновски. Сценариото е на Александар Русјаков. Продуценти се Дејан Илиев (ДМФ Филм) и Илија Циривири (МИНД Продукција). Кинематографер е Душан Кардалевски, сценографијата е на Влатко Зафирковски, а монтажер е Мартин Иванов, Музиката е на Дарко Спасовски и Горан Керкез, костимограф е Раде Василев, дизајнер на маска е Горан Игњатовски, а кастинг директор е Катерина Грубач.
Култура
Отворање на прославата за 50-годишнината на Францускиот институт и затворање на 20. „Танц-фест“ со танчарската претстава „Мозаик“ на светски познатиот кореограф Мурад Мерзуки
Францускиот институт во Скопје и „Танц-фест“, по повод отворањето на прославата на 50 години постоење на Францускиот институт во Скопје и затворањето на јубилејното 20. издание на „Танц-фест“, го најавуваат ексклузивното гостување на француската театарска група „Кафиг“ со танцовиот перформанс „Мозаик“, в петок, 17 мај 2024, со почеток во 20 часот, во Македонскиот народен театар.
Кореограф на претставата е Мурад Мерзуки, еден од најзначајните кореографи со светско реноме денес, кому француската влада му ја довери кореографијата на официјалната церемонија на отворање на Олимписките игри 2024, со наслов „Танцот на игрите“.
Всушност, по огромниот успех на танцовиот перформанс „Пиксел“ во 2017 година во рамките на „Танц-фест“, Мурад Мерзуки и групата „Кафиг“/Käfig се враќаат во Скопје со најновиот танцов спектакл „Мозаик“.
На настанот збор ќе земат: Иго Бештел, директор на Францускиот институт во Скопје, и Рисима Рисимкин, директорка на „Танц-фест“.
Билетите за претставата се достапни на веб-страницата на Македонскиот народен театар.
Во фоајето на МНТ исто така ќе биде поставена ретроспективната изложба „50 години Француски институт во Скопје“, која го прикажува дејствувањето на Францускиот институт во текот на изминатите педесет години.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.