Книжевната награда „Коста“ за најдобар роман на годината му припадна на Ендрју Милер за романот „Pure“, чиешто дејствие е сместеново Париз во периодот пред Француската буржоаска револуција, а наградата за најдобар прв роман и’ припадна на Кристи Вотсон за „Tiny Sunbirds Far Away“.

Книжевната награда „Коста“ за најдобар роман на годината му припадна на Ендрју Милер за романот „Pure“, чиешто дејствие е сместеново Париз во периодот пред Француската буржоаска револуција, а наградата за најдобар прв роман и’ припадна на Кристи Вотсон за „Tiny Sunbirds Far Away“.Во наградениот роман на Ендрју Милер станува збор за млад градител кој го надгледува уривањето на најстарите париски гробишта, а членовите на жирито коешто ја доделува наградата „Коста“ го оценија како „структурно и стилистички беспрекорен историски роман“. Според нив, се работи за роман „без слабости од перото на автор којшто го заслужува пошироката читателска публика“.Милер досега објави четири романи, меѓу кои е и „Кислород“ кој во 2001 година влезе во потесниот избор за наградите „Booker“ и „Whitbread“ (како што претходно се нарекуваше наградата „Коста“ (Costa)). Покрај неговиот роман во конкуренција за годинешното признание беа и добитникот на овогодишната награда „Booker“, романот на Џулиан Барнс „The Sense of an Ending“, како и најновите романи на Џон Барнсајд и Луис Јанг.Дејствието во романот првенец на Кристи Вотстон, поранешна болничарка на оддел за педијатрија со наслов „Tiny Sunbirds Far Away“ е сместено во Нигерија и зборува за семејство коешто е присилено да се пресели од комфорот во метрополата Лагос во сиромашната провинцијаЗа најдобра детска книга е прогласен трилерот на Моира Јанг, „Blood Red Road“, за девојченце коешто е во потрага за грабнатото братче близнак. Станува збор за прв дел од трилогијата, за којашто според британскиот печат, веќе покажале интерес филмските продуценти во Холивуд.Во категоријата за биографска книга награден е Метју Холис за биографијата на поетот Едвард Томас со наслов „Now Now All Roads Lead to France: The Last Years of Edward Thomas“. Авторот на книгата се занимава со последните години од животот на Едвард Томас, неговото пријателство со Роберт Фрост и одлуката да се бори во Првата светска војна.За најдобра книга поезија е прогласена збирката на Керол Ен Дафи „The Bees“. Жирито оценувајќи ја збирката истакнува дека е „одушевено од чувството за мелодичност на јазикот и способноста за поврзување на сложеноста на формата и природноста“.Книжевните награди „Коста“ е една од најпопуларните книжевни награди во Велика Британија којашто се доделува во пет категории: за роман, дебитантски роман, биографија, поезија и книга за деца. Овие книги влегуваат во потесниот избор за признанието книга на годината којашто ќе биде прогласен ана свеченото доделување на наградите на 24-ти јануари.Наградата е покрената во 1971 година, како книжевна награда „Whitbread“, a во 2006 година спонзорството го презема синџирот „Costa Coffee’. Според прогнозите, титулата книга на годината, којашто е воведена во 1985 година, може да биде доделена на биографската книга на Метју Холис. Доколку се оствари тоа, тоа ќе претставува шести пат биографска книга да ја добие и најпрестижната награда на конкурсот. Девет пати за книга на годината бил прогласен роман, а само еднаш тоа признание и’ припаднало на книга за деца, додека поетските книги двапати ја освоиле највисоката награда, и тоа во 2009 и 2010 година./крај/мф/сн