Црна хроника
Прегазил старец на велосипед и избегал
Во неделата околу 13 часот на регионалниот пат Гостивар-село Неготино се случила сообраќајна незгода во која непознато патничко возило, удрило во велосипед управуван од старец, по што избегал, а повредениот е пренесен на клиники во Скопје поради сериозноста на повредите.
Имено сообраќајката се случила на патот Гостивар – село Неготино, М.Х. (69) од село Добридол, гостиварско, возел велосипед марка „Скот“, покрај патот, а непознато возило, управувано од непознат човек удрил во него и избегал.Во незгодата М.Х. се здобил со тешки телесни повреди по што во Медицинскиот центар – Гостивар му била укажана лекарска помош, а поради сериозноста на повредите истиот е пренесен во Клиничкиот центар-Скопје. Увид на местото на настанот извршила увидна екипа на полициската станица-Гостивар./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена физички нападната од возачот на автобус на ЈСП
Вчера во 17.15 часот во СВР Скопје, С.Б.(60) од Скопје пријавила дека околу 10.20 часот на автобуска постојка на Транспортен центар-Скопје била физички нападната од едно лице – возач на автобус на ЈСП.
Се преземаат мерки за расчистување на случајот.
Црна хроника
Импровизиран кревет и забоден кујнски нож нашла Кацарска пред гаражата – заканите се пријвени во МВР
Претседателката на Уставниот суд, Добрила Кацарска, пријавила во МВР дека добила закани за својот живот.
Од полицијата информираа дека случајот бил пријавен во текот на вчерашниот ден.
„Од страна на Д. К. било пријавено дека на подрачјето на Центар во подземни гаражи, пред нејзиното гаражно место, биле пронајдени импровизиран кревет и кујнски нож, кој бил забоден на прекинувачот за светло“, велат од МВР.
За случајот известен е јавен обвинител, предметите се подигнати за вештачење и се преземаат мерки за расчистување на случајот.
Црна хроника
Во хотелска соба во Охрид пронајдена почината 82-годишна жена од Аргентина
82-годишна жена била пронајдена почината во Охрид, соопшти полицијата.
Имено, на 14.5.2024, во 7.15 часот, во СВР Охрид е пријавено дека во соба во хотел во Охрид, каде што престојувала, била пронајдена почината Р. В. Б. (82) од Аргентина.
Лекар од итната медицинска помош констатирал смрт без видливи траги на насилство.
Надлежните извршиле увид.