Група од околу педесетина млади лица, според оцените на присутните, најверојатно припадници на навивачка група, чии лица беа покриени со маички, се обидоа да направат инцидент фрлајќи лименки и шишиња кон припадниците на полицијата пред Собранието, во еден момент дојде до кошкање со другите демонстранти кои се обидоа да ги спречат.

Кусо по инцидентот, околу 21,30 часот, пред кордонот полицијата поставени е паралелен кордон млади девојки чија цел е да ги спречат младите маскирани лица да продолжат со гаѓањето кон полицијата, со што би предизвикале поголем инцидент.

Александар Нешкоски и граѓанскиот активист Џелал Хоџиќ претходно повикаа на мирен протест пред Собранието, бидејќи, како што рекоа, „да не се наседнува на провокациите на полицијата“.

Во моментов пред Собранието е присутна група не поголема од педесетина лица, додека најголемиот дел од демонстрантите, меѓу кои и политички активисти на опозицијата, се разотидоа откако Александар Нешкоски, чиј брат Мартин на 5-ти јуни 2011 година бил претепан до смрт од полициски службеник на плоштадот „Македонија“ во центарот на Скопје по прославувањето на изборната победа на ВМРО-ДПМНЕ, се јавува како неформален организатор на протестите кои започнаа во вторникот вечерта, повика дека мирните протести ќе продолжат секој ден во18 часот, се’ до оставката на министерката за Гордана Јанкулоска.

Јанкулоска, која демонстрантите ја сметаат за одговорна и по емитувањето на телефонските прислушувани разговори, дека наводно со други владини функционери се обидувале да го сокријат убиството на Мартин, претходно во средата посочи дека МВР брзо, за 22 часа, го решила случајот со информациите со коишто располагала во моментот./крај/мф/ап