Забава
Предмети што му припаѓале на Черчил продадени за 690 илјади евра
Цигарата на Винстон Черчил и писмата во кои го споменувал нацистичкиот водач Адолф Хитлер, се дел од збирката предмети на бившиот британски премиер, продадени за околу 690 илјади евра.
Цигарата на Винстон Черчил и писмата во кои го споменувал нацистичкиот водач Адолф Хитлер, се дел од збирката предмети на бившиот британски премиер, продадени за околу 690 илјади евра. Аукцијата во средата вечер ја организираше аукциската куќа Кристи. Станува збор за “најзначајната и најкомплетната колекција писма и книги што се однесуваат на Винстон Черчил“, која повеќе од три децении ја составувал Малком С. Форбс, директор на компанијата Форбс и внук на основачот на истоименото списание. Збирката ќе се продава во три дела – втората продажба е закажана за трети декември, а третата за летото 2011. Аукцијата досега донела 687.992 евра, што е скоро за половина помалку од 1,19 милиони евра на колку што била проценета пред аукцијата. Личниот дневник што го водел Черчил во Втората светска војна е повлечен пред да започне продажбата. Двете писма во кои се споменува можен сојуз на Велика Британија со Адолф Хитлер, продадени се за 41.549 евра, постигнувајќи скоро четири пати повисока цена од првобитно проценетата. Во писмата, еден од советниците на Черчил, Елиот Крошо – Вилијамс, му предложил на премиерот да ја разгледа можноста за примирје. “Срам ми е што напишавте такво писмо. Ви го враќам за да го запалите и заборавите“, му одговорил луто Черчил. /крај/бл/мв
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.