Забава
Помладата ќерка на Путин ќе се мажи за Јужнокореец?!
Помладата ќерка на рускиот премиер Владимир Путин ќе се мажи за Јужнокореец, чијшто татко кон крајот на 90-тите години работел во амбасадата на Јужна Кореја во Москва со чин адмирал, пишува корејскиот весник JoongAng Ilbo, кој се повикува на „многу добро информиран изво“
Според информациите на изворот, во август јужнокорејскиот амбасадор во Jапонија, Квон Чул Хјун се сретнал со поранешниот адмирал Јонг Гу и неговата сопруга во едно од јапонските одморалишта. За време на ручекот, Гу изјавил дека еден од неговите синови планирал да се жени со ќерката на Путин.Неколку часа подоцна во одморалиштето пристигнала и среќната двојка. Изворот тврдел дека ќерката на Путин била придружувана и од двајца телохранители. Во моментов, 24-годишната Екатерина Владимировна Путин во САД учи заедно со нејзиниот 25 годишен свршеник. На почетокот Путин бил против бракот, но го омекнал ставот откако подобро го запознал идниот зет. По венчавката, ќерката на рускиот премиер сака да живее и да работи во Јужна Кореја, се наведува во весникот. Изворот уште додал дека многумина што дознале за овој брак, се понадевале дека љубовната врска ќе ги стопли дипломатските односи меѓу Москва и Јужна Кореја. Во текстот се наведува дека двојката се запознала во јули 1997 г. на забава во едно меѓународно училиште во Русија. Откако истекол мандатот на адмиралот во Русија, неговиот син заминал од земјата, но младите останале во контакт се до првата средба во 2002 г.а за време на Светското првенство во фудбал во Јужна Кореја.Секретарот за односи со медиумите на рускиот премиер Владимир Путин, Дмитриј Песков, веднаш ги негираше наводните информации дека помладата ќерка на шефот на руската влада, наводно, ќе се мажи за синот на военото аташе на Јужна Кореја.„Пишувањето на корејскиот весник за наводниот бракот на една од ќерките на Владимир Путин, апсолутно не е точно“, го цитира Песков порталот Gazeta.ru.Инаку за ќерките на рускиот премиер, Маша и Kатја, речиси ништо не се знае во јавноста. Исто така не постојата речиси и фотографии од нив, Малкуте фотографии кои се достапни се од пред повеќе години и на сите од тие лицат ана девојките не можат убаво да се видат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
С.О.С. фестивалот се враќа на домашната сцена
С.О.С. фестивалот се враќа на домашната сцена и ги носи Забрањено пушење, кои годинава одбележуваат јубилејни 40 години од првиот студиски материјал „Das ist Walter“, најдоброто од Игор Џамбазов придружуван од Гуру Харе со неговиот бенд и екс-ју ретроспективата на Rootboy Selector.
Јубилеј слави и домаќинот „Фреш унион“ – полни 20 години од првиот настан и стартот на реализацијата на идејата за развој на урбаната музичката култура. 20 години за портфолио во коe се запишани соработки со светски познати имиња, но и еминентни имиња од Балканот и, секако, дел од домашната музичка елита.
Овогодинешното издание на С.О.С. фестивалот е закажано на 15 јуни, со почеток во 20:00 часот, на Ракометно игралиште во Битола, и тоа ќе биде своевидно музичко патување низ времето и уживање во хитовите на Забрањено пушење – „Зеница блуз“, „Хаџија или бос“, „Гузоњин син“, „Памтим то као да је било данас“, „Можеш имат моје тијело“… ќе имате можност да го чуете и „Најдоброто од Игор Џамбазов“ придружуван од неговиот Гуру Харе со својот бенд. Планирана е изведба на неговите најголеми хитови: „Диши длабоко“, „Да си жив и здрав“, „Каква е оваа ситуација“, „Скопјанец в Битола“, „Скопје – Сарај – Матка“, „Племето и семето“, „Фотографија“, „Време за плачење“, „Хотел Македонија“, „Во бестрага“, на материјалот од новиот албум „Првите триесет“, како и анегдоти од над 30-годишната кариера.
Забава
Хороскопски знаци кои го пикаат носот секаде: ги интересира се и повеќе отколку што треба
Хороскопските знаци кои го пикаат носот насекаде се оние кои се обидуваат да дознаат за работи кои апсолутно не ги засегаат.
Хороскопските озборувачи се и хороскопските знаци кои сакаат да знаат сè и ништо не им бега. Тие се многу љубопитни и имаат тенденција да го пикаат носот дури и во ситуации кои не се нивна работа, или поради озборувања или затоа што само сакаат да ги имаат сите информации и да бидат разузнавачка служба која може да има контрола над сите.
Хороскопски знаци кои го пикаат носот насекаде
Близнаци
Ова е знакот што прво на сите им паѓа на ум. Тие се луди по озборувања и сакаат да знаат сè. Ништо не им бега и лесно ќе научат сè за никого. Дури и тој да разговара со вас, а некои други да зборуваат малку подалеку, тие сигурно со едно уво слушаат што се случува. Близнаците извршуваат повеќе задачи и можат многу работи одеднаш.
Шкорпија
Вторите на листата дефинитивно се Шкорпиите и тоа не е случајно. Тие делумно гледаат на озборувањата како на антишпионска алатка. Колку повеќе знаат, толку е полесно да се заштитат. Тие ве имаат во свои раце и можат да го искористат она што го знаат за вас во секое време против вас. Таа го слуша секој разговор, набљудува и надгледува сè и тешко ќе го скриете она што таа сака да го знае.
Бик
Ова е можеби изненадувачки бидејќи никој не очекува Бикот на оваа листа. Можеби изгледаат сериозно и одмерено, но треба да знаете дека се што ги интересира се тајните озборувања. Претставниците на овој знак сакаат да се мешаат во се, полни се со сомнеж и не веруваат никому. Во сè се многу слични на Шкорпијата. Иако овие знаци се хороскопски спротивни, тие имаат некои заеднички елементи како одмаздата која се сервира ладна.
Hitech
(Видео) 7 милиони прегледи: Мајкрософт објави снимка со вештачка интелигенција на Мона Лиза како рапува
Мајкрософт ја претстави новата технологија за вештачка интелигенција наречена VASA-1, која може да комбинира фотографија и аудио клип и да генерира реални видеа.
Тие ја претставија новата технологија со видео на кое Мона Лиза рапува на песната Папараци, но ова не е хит на Лејди Гага, туку рап песна што Ен Хатавеј ја напиша и изведе во ток-шоуто на Конан О’Брајан во 2011 година.
Microsoft just dropped VASA-1.
This AI can make single image sing and talk from audio reference expressively. Similar to EMO from Alibaba
10 wild examples:
1. Mona Lisa rapping Paparazzi pic.twitter.com/LSGF3mMVnD
— Min Choi (@minchoi) April 18, 2024
Видеото набрзо стана вирално и беше прегледано повеќе од 7,1 милиони пати на само еден профил на „Икс“.
„Ова е толку смешно, плачев од смеење“, „Уште едно страшно видео со вештачка интелигенција“, „Ова е морничаво“, „Кога би можел Да Винчи да го види ова“, се дел од коментарите.