Забава
Продадени пиштолите на Бони и Клајд за половина милион долари
Пиштол и револвер од марката „Colt“ коишто припаѓале на најпознатата двојка американскии гангстри Бони и Клајд, беа понудени на наддавање и достигнаа цена од околу половина милион долари.
Двата „колта“ беа понудени на наддавање во Нашуа во Њу Хемпшир во неделата на 30-ти септември. Боби Ливингстон, претставник на организаторите RR Auction изјави дека почетната цена за секој од пиштолите изнесувала 75 илјади долари и очекуваа за секој пиштол понуда од најмалку 100 до 200 илјади долари. На колекционерите, исто така, им беа понудени и џебниот часовник на Клајд, писмото што му го напишал на својот брат и кафената дрвена кутија на Бони, во којашто ги чувала пудрата и карминот, која била пронајдена во автомобилот во кој биле застрелани.
Досегашен сопственик на колецијата беше сопственост на колекционерот Роберт Е. Дејвис.
Меѓутоа, колекцијата којашто опфаќаше 134 „гангстерски“ експонати, достигна цена од 1,1 милион долар. Од кои 264 илјади долари се платени за револверот на Бони Паркер, а полуавтоматскиот пиштол на Клајд Бароу истиот купувач го купил за 240 илјади долари.
Купувачот на оружјето на славните гангсетри сакал да остане анонимен, соопштија од RR Auction. Според Ливингстон, високи цени се постигнати на наддавањето и за другите предмети на гангстерскиот тандем. Така часовникот на Клајд е продаден за 36 илајди долари, а цената што ја платил купувач за сребрената монета од еден долар најдена во џебот на гангстерот 32 илјади пати ја надминала нејзината номинална вреност.
Во јануари 2012 година на аукција во Канзас Сити двете пушки за кои се верува дека им припаѓале на познатите одметници од 30-сетите години на минатиот век беа продадени на аукција за 210 илјади долари. Ги купи онлајн купувач од источниот брег. Автоматската пушка „томи ган“ и „винчестерката“ од 1887 година, коишто биле користени од страна на озлогласената двојка биле запленети во полициска рација врз нивното засолниште во Џоплин, кога се убиени двајца полицајци, а членовите на бандата успеале да побегнат. Двете пушки биле запленети на 13-ти април 1933 година при претрес на станот во кој престојувале Бони и Клајд, откако претходно застрелале двајца полицајци во Џоплин. Пушките претходно беа изложени во полицискиот музеј во Спрингфилд.
Двата „колта“ коишто во неделата беа продадени биле подигнати од американските ренџери од местото на коешто била поставена заседата во којашто во 1934 година во сојузната држава Луизијана двојката била ликвидирана. Револверот со куса цевка од калибар со 38 милиметри, со дрвена резбана рачка бил пронајден на телото на Бони Паркер.
„Татко ми го зел оружјето од мртвата Бони Паркер, кој бил со бел медицински завој зацврстен на внатрешноста од нејзиниот бут. Татко ми рече дека една од причините зошто таа го носела пиштолот на овој начин, била дека ниту еден офицер, претпочитајќи да биде господин, во тоа време нема да си дозволел себеси да пребарува жена на такви места“, изјави Тексашкиот ренџер Френк Хамер Џуниор, син на Френк Хамер, кој ја организирал заседата во којашто паднале Бони и Клајд.
Клајд, исто така, немал време да го дофати од појасот својот полуавтоматски пиштол од 45 калибар, кој исто така бил запленет за време на пребарувањето на телото. Овој тип „колт“ инаку бил дел од вооружувањето на армијата на САД за време на Првата светска војна. Според службената верзија, „колтот“ бил украден од воено депо за оружје, на него има мали гребнатинки, најверојатно со коишто е прекриен натписот „сопственост на САД.“
Двата „колта“ му биле подарени на Френк Хамер како награда за успешната операција за ликвидирање на познатите криминалци. Во тој момент Бони и Клајд биле обвинети за 13 убиства и серија тешки грабежи, вклучувајќи и ограбувања банки.
Хамер Џуниор, признава дека на неговиот татко му било жал за убиството на „девојченцето“, како што тој ја нарекувал 24-годишната Паркер (со раст од 150 сантиметри, којашто едвај тежела 40 килограми), но ја оправдувал суровоста при организирањето на заседата, бидејќи било невозможно живи да бидат уапсени. „Немаше избор – или ние, или тие нас“, велел Хамер постариот. Во заседата инаку учествувале шест ренџери, а од истреланите 167 куршуми околу педесетина завршиле во телото на гангстерите.
Елизабет Бони Паркер (1910 – 1934) и Клајд Бероу Кестен (1909 – 1934), биле познати одметници, разбојници и криминалци, кои со својата банда пустошеле ширум САД за време на Големата депресија.
Според досиејата на американското истражно биро FBI, Бони и Клајд се запознале во Тексас во 1930 година. Се смета дека се виновни за смета на 13 лица и неколку тешки вооружени грабежи извршени до 1934 година, кога биле убиени.
Приказната на Бони и Клајд, којашто Американците во текот на Големата депресија ја гледале како современа верзија на Робин Худ, стана тема за многу книги и филмови. Во Гибсленд, место каде што во заседата била застрелана двојката гангстери, повеќе од 70 години постои музеј посветен на сите учесници на настанот./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Три предупредувачки знаци дека хемијата не е доволна за долга врска
Здравите врски бараат заедничка подготвеност за слушање, прилагодување и раст заедно, а ако не ги препознаете овие знаци, можеби нема да бидете вистински еден за друг на долг рок.
Започнувањето врска никогаш не е лесно, па дури и кога ќе најдете некој со кого чувствувате силна хемија, тоа не гарантира долгорочен успех. Експертот за врски, Клер Рение, откри клучни предупредувачки знаци кои можат да укажуваат дека вие и вашиот партнер, и покрај почетната привлечност, можеби не сте компатибилни.
Неусогласени основни вредности
Експертот од апликацијата за запознавање Happn објаснува како почетната заљубеност лесно може да ги прикрие подлабоките разлики. „Раната привлечност лесно може да ги прикрие разликите во начинот на кој луѓето пристапуваат кон финансиите, семејството или политичките ставови, но тие различни ставови имаат тенденција да се појават со текот на времето“, вели таа.
Таа истакнува дека еден од најочигледните знаци на проблеми е фундаменталното несовпаѓање на вредностите. „Еден од најјасните предупредувачки знаци е фундаменталното несовпаѓање на вредностите. Ако редовно не се согласувате за тоа што е најважно или правите компромис на начини што ве прават да се чувствувате непријатно, тоа може да биде знак дека недостасува долгорочна, автентична компатибилност, дури и ако хемијата е присутна.“
Како се справувате со конфликти
Иако повремените расправии и несогласувања се нормален дел од секоја врска, начинот на кој двојката се справува со нив може да открие многу за иднината на нивната врска. Рение ја нагласува важноста на здравата комуникација, дури и за време на конфликт. „Конечно, обрнете внимание на тоа како ги решавате несогласувањата. Ако расправиите често завршуваат со прекин на комуникацијата, одбранбен став или нерешена тензија, ова може да укажува на некомпатибилни стилови на комуникација“, објасни таа.
Избегнување длабоки разговори и недостаток на емпатија
Друго црвено светло е кога едниот партнер постојано избегнува важни теми или не покажува разбирање. „Друг предупредувачки знак е ако едниот партнер постојано избегнува подлабоки разговори, ги отфрла чувствата на другиот или се бори да покаже емпатија кога времињата се тешки. Врската може да почне да се чувствува еднострана и неурамнотежена“, истакнува таа.
Компатибилноста, заклучува таа, не е за избегнување расправии, туку за чувство на емоционално разбирање и поддршка. „Во комбинација со тоа што вашиот партнер избегнува подлабоки или поотворени разговори, тоа може да укажува дека тие можеби не се вистинскиот избор за вас на долг рок. Здравите врски бараат взаемна подготвеност да слушате, да се прилагодувате и да растете заедно.“
Забава
(Видео) Кендал Џенер отворено проговори за својата сексуалност: Не ја затворам вратата за животни искуства
Кендал Џенер долго време е мета на шпекулации за нејзината сексуалност, па затоа реши да стави крај на гласините и отворено проговори за тоа дека е „лезбејка“.
„Постои цела оваа страна на интернет која мисли дека сум лезбејка“, рече таа во емисијата во која гостуваше, додавајќи дека најмногу ја погодува колку се лоши луѓето во коментарите. „Знаете што навистина ме мачи? Колку се лоши луѓето. Не е дека се со отворени раце, како, “Еј, ако си, да, придружи се’. Не е љубезно. Многу е злобно“, смета познатата манекенка, која нагласи дека е многу отворена за ова прашање.
„Разбирам дека излегувањето не е лесно за никого – и не велам дека е лесна работа – но можам да зборувам за себе и, познавајќи се себеси, мислам дека во оваа фаза од мојот живот, ако бев една од нив, јасно би го кажала тоа. Немаше да имам проблем со тоа.“
„Мислам дека има цела приказна за тоа како кријам нешто. Не го разбирам… Сè на сè, не сум она што го велат. Не мислам дека ќе бидам, но не ја затворам вратата за животни искуства“, рече таа.
Пред години, таа беше поврзана со голем број познати мажи, а беше заљубена и во Хари Стајлс, Девин Букер и Бед Бани, со кој раскина на крајот од 2023 година.
Иако потекнува од едно од најпознатите семејства во светот, таа се обидува да ја задржи својата приватност за себе, а имаше и едно строго правило во својот живот – дека секогаш мора да помине една година со некого пред да му дозволи да биде во шоуто „Keeping Up with the Kardashians“, бидејќи никогаш не знае какви се намерите на луѓето.
Забава
Не можете да ги излажете: Овие хороскопски знаци се детектори за лаги
Тонот на гласот, малите промени во однесувањето или нелогичните детали се доволни за да разберат дека вистината не е целосна. За кои знаци станува збор.
Додека некои луѓе веруваат на зборови без многу преиспитување, постојат хороскопски знаци кои речиси инстинктивно чувствуваат дека нешто не е „во ред“. Нивната способност да читаат меѓу редови често ги изненадува оние околу нив, особено затоа што ретко прават грешки во своите проценки.
Подолу, истакнуваме три хороскопски знаци кои се најбрзи во препознавањето лаги.
Шкорпија
Шкорпиите се познати по нивната исклучително остра интуиција и способност да „читаат“ луѓе. На нив е речиси невозможно да им продадете неубедлива приказна бидејќи брзо го забележуваат несовпаѓањето помеѓу зборовите и однесувањето. Нивното внимание е насочено кон детали што другите ги игнорираат – поглед, пауза во говорот или промена на енергијата во разговорот.
Покрај интуицијата, Шкорпиите имаат силна потреба за вистината. Лагите се особено иритирачки за нив бидејќи го поткопуваат нивното чувство за контрола и доверба. Дури и ако не реагираат веднаш, ретко забораваат што забележале и често чекаат вистински момент да ја разоткријат вистината.
Девица
Девиците препознаваат лаги преку логика и анализа. Нивниот ум постојано поврзува информации, споредува изјави и бара конзистентност. Ако деталите во приказната не се совпаѓаат, Девиците тоа веднаш го забележуваат.
Нивната способност да забележуваат лаги не се базира на емоции, туку на прецизно набљудување и меморирање на фактите. Девиците ретко обвинуваат без причина, но кога се сомневаат во нешто, многу често се во право. Нивната смиреност дополнително ги збунува оние кои се обидуваат да ја сокријат вистината.
Риби
Иако многумина ги сметаат за сонувачи, Рибите имаат исклучително развиено чувство за емоциите на другите луѓе. Тие слушаат не само зборови, туку и што се крие зад нив. Кога некој лаже, Рибите често чувствуваат внатрешна непријатност или емоционален раздор што им сигнализира дека нешто не е искрено.
Нивната сила лежи во емпатијата и способноста да се поврзат со емоционалната состојба на друго лице. Ако почувствуваат дека емоциите не ги следат изговорените зборови, тие брзо стануваат претпазливи. Рибите можеби нема веднаш да го соочат соговорникот со лага, но ќе се повлечат и ќе го променат односот, следејќи ги своите внатрешни чувства.
Трамп: Иран нè контактираше за преговори
Американскиот претседател Доналд Трамп во неделата изјави дека Иран побарал да започне разговори со САД, додека земјата се справува со...
Иранската револуционерна гарда му се закани на Трамп
Иранската револуционерна гарда јавно му се закани на Доналд Трамп поради неговото споменување на потенцијална американска воена акција против владата...
Телеграф: Лондон планира да испрати војници на Гренланд, Велика Британија: Тоа е поради Русија
Велика Британија вчера соопшти дека дискусиите со другите членки на НАТО за одбивање на руската активност на Арктикот се „рутински“,...
Почувствуван земјотрес во Прилеп и околината
Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот...
Русите го замрзнуваат Киев, Зеленски: Ситуацијата е исклучително тешка
Повеќе од 1.000 станбени згради во Киев остануваат без греење по разорниот руски напад во петок наутро, соопштија локалните власти....
(Видео) ДИК со првични неофицијални резултати од повторените локални избори во четири општини
Државната изборна комисија (ДИК) вечерва ги објави првичните, неофицијални резултати од повторените избори во општините Врапчиште, Гостивар, Маврово Ростуше и...
(Видео) Мицкоски: Победата во Маврово-Ростуше е знак дека граѓаните наградуваат резултати, а кланот на Филипче доживува нов дебакл
„Денешниот изборен ден во четирите општини помина во демократска, мирна и достоинствена атмосфера. И покрај тешките временски услови и одредени...
(Видео) Иран во пламен – објавени нови снимки од протестите, додека бројот на загинати надмина 500
Бројот на загинати во протестите во Иран се искачи на 538 лица, објави Ројтерс. Меѓу нив се 490 демонстранти и...
Трамп размислува за можна воена интервенција во Иран, вели Си-Ен-Ен
Претседателот на САД, Доналд Трамп, разгледува низа можни воени опции за Иран по смртоносните протести во земјата, изјавија двајца американски...
Стармер преговара со европските сојузници за испраќање на воени сили на Гренланд
Британскиот премиер Кир Стармер е во преговори со европските сојузници за распоредување на воени сили на Гренланд, со цел да...
Францускиот министер за надворешни ги повика САД да престанат со „уцената“ за Гренланд
Францускиот министер за надворешни работи Жан-Ноел Баро ги повика САД да „престанат да ја уценуваат“ Данска за да добијат директна...
Иран ги предупреди американската војска и Израел дека ќе бидат „легитимни цели“ ако САД нападне поради протестите
Иранскиот парламент денеска се состана за да разговара за смртоносните антивладини протести кои беснеат повеќе од две недели. За време...
Болниците во Иран преплавени со повредени од протестите, доктори опишуваат „ужасни сцени“
Протестите во Иран продолжуваат, а улиците на градовите, особено Техеран, се исполнети со илјадници демонстранти, и покрај блокадата на интернет...
Вашингтон одржа „прелиминарни“ разговори за потенцијален удар врз Иран, објави Волстрит журнал
Американски официјални лица разговарале за планови за можни напади врз Иран, вклучувајќи потенцијални цели, објави Волстрит журнал, повикувајќи се на...
Детален список: каде целосно ќе се забранат сите видови цигари со новиот закон за заштита од пушење
Државата подготвува целосно нов и значително построг Закон за заштита од пушење, со кој драстично се заоструваат правилата за употреба,...
Состојба по обилните дождови во Македонија: пресек на ЦУК до 18:30 часот
Центарот за управување со криви направи пресек на состојбата по обилните врнежи до 18:30 часот. Источен регион – Штип Во...
УХМР: Водостоите остануваат високи, вечерва се очекува заладување и снег
Според податоците од хидролошките станици се уште е висок водостојот на река Сатеска, како и на река Коселска кој почнува...
ЈСП Скопје: Ниските температури и снегот може да предизвикаат изменето сообраќање на автобусите
Јавното сообраќајно претпријатие Скопје ги информира корисниците на јавниот превоз во Градот Скопје дека, поради ниските минусни температури и најавените...
18-годишникот кој со автомобил усмрти жена во Капиштец немал возачка, од Македонија избегал преку Табановце
Јавен обвинител од Основното јавно обвинителство Скопје донесе Наредба за спроведување истражна постапка против едно лице за – Тешки дела...
Николоски на терен: Сите патишта се проодни, снегот редовно се чисти од Македонија пат
Сите патишта во државата се проодни благодарение на макотрпната работа на луѓето од Македонија пат, кои даваат се’ од себе...
