Забава
Флотилата во чест на Елизабета Втора влегува во Гинисовата книга на рекорди
Неделната флотила по Темза во чест на дијамантскиот јубилеј на британската кралица Елизабета II влезе во Гинисовата книга на рекорди како најголема речна поворка во светот, потврдија во неделата навечер претставници на организацијата за одредување светски рекорд.
Целосно трасата на поворката ја минале 670 различни пловила. Тоа е помалку отколку што тврдеа организаторите на флотилата, бидејќи во таа бројка беа вклучени и полициската и придружбата на другите служби, а некои од повисоките бродови можеа да се приклучат на флотата дури при крајот.
Сепак, без разлика на тоа, рекордот е поставен и официјално потврден. Во флотата беа вклучени пловни објекти изградени од 1740 до 2012 година.
Меѓу нив и бродот кој учествувал во одбележувањето на дијамантскиот јубилеј на кралицата Викторија во 1897 година, бродот кој бил вклучен во евакуацијата на британските војници во Данкерк за време на Втората светска војна, како и бродот на кој низ Темза во 1965 година, бил донесен ковчегот со телото на легендарниот британски премиер Винстон Черчил.
Исто така, по Темза пловеа и лебдечката „камбанарија“ со осум специјално моделирани за јубилејот камбани, чамци на веслање со знамињата на сите земји во Британскиот Комонвелт, чамци коишто се користат при пописот на кралските лебеди на Темза и други значајни бродови.
Вкупниот број на учесници во флотила изнесуваше 20 илјади, а бројот на гледачи 1,2 милиони.
Прославата мина без поголеми инциденти. Лондонските лекари од дежурните екипи пружиле помош на 369 учесници на народните прославувања, а 64 лица биле хоспитализирани.
Единствениот елемент кој морал да биде исклучен од програмата поради поројниот дожд и ниски облаци беш прелетот на деветте хеликоптери на Кралската морнарица коишто на небото требаше да формираат фигура на дијамант во чест на 60-годишнината од владеењето на кралицата Елизабета Втора.
Британските медиуми, исто така, објавија дека се регистрирани и голем број други рекорди, поставени во неделата во различни делови на Велика Британија. Така, во грофовијата Ланкашир е надминат рекордот постигнат при прославата на минатиот златен јубилеј според должината на уличната забава којашто се протегала на 2,4 километри.
Исто така, поставени се и нови рекорди за најдолга колона фанфари, најдолга празнична верига од знамиња и други.
Во Велика Британија и во странство се орагнизирани околу 10 илјади настани и забави во чест на годишнината од владеењето на кралицата, на кои присуствувале околу шест милиони луѓе. Меѓу нив и членовите на експедицијата на британските поларни истражувачи на Арктикот и британските трупи во Авганистан.
Милионите Британци во неделата му пркосеа на невремето, на ветрот и силниот дожд. А големиот мајстор на наутичката свеченост Адриан Ивенс изјави дека „во Велика Британија се шампиони кога станува збор за спречување на дождот да им го расипе прославуањето“.
Флотата ја предводеше малиот пароброд теглач „Духот на Чартвел“ (Spirit of Chartwell), богато украсен со црвени и златни тонови во стилот на речните теглачи од 17/18 век, кога флотилите по Темза биле вообичаени појави, претворен во кралски брод со кој пловеше кралицата Елизабета Втора, нејзиниот сопруг, 90-годишниот Филип, војводата од Единбург, и две генерации на Виндзор, синот 63-годишниот принц Чарлс, внукот принцот Хари и војводата и војвотката од Кембриџ, 29-годишниот внук Вилијам и неговата сопруга Кејт Мидлтон. Теглачот за кралицата беше преправен врз готов брод и по празникот украсите ќе бидат отстранети од него, а тој ќе се врати на вообичаената функција.
Конечно продолжениот празничен викенд ќе заврши со празнична црквена богослужба и процесија во вторник, на 5-ти јуни.
Утрото членовите на кралското семејство ќе го почнат во катедралата на свети Павле. После тоа, кралицата ќе присуствува на гала ручек за 700 гости во старата сала на Вестминстер Хол, а потоа со нејзиниот сопруг војводата од Единбург ќе минат по улицата Вајтхол до владината зграда.
Кога кралицата и принцот Филип ќе минуваат преку плоштадот Хорс-гардс-пирејд, во чест на празникот ќе бидат истрелани 60 артилериски плотуни. По владата тие ќе минат по алејата Мил, каде што кралицата ќе ја поздрават стотици илјади луѓе, и ќе пристигнат во Бакингамската палата.
Потоа ќе се случи традиционалната церемонија на појавување на балконот од Бакингамската палата, од каде кралицата Елизабета II и членовите на кралското семејство ќе ѝ отпоздравата на масата и ќе го следат прелетувањето над Лондон на борбени авиони на Кралските воздухопловни сили./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Ќерката на Ким Кардашјан повторно шокира: „И ова е 12-годишно дете?“
Модните избори на 12-годишната Норт Вест долго време се предмет на вниманието на јавноста. Не е тајна дека Ким Кардашјан како нејзина мајка трпи критики од општеството, но таа не се грижи за коментарите и често ги оправдува постапките на својата ќерка со една реченица – тоа е нејзиниот креативен начин на изразување и не сака да ја спречува.
Се чини дека младата Норт повторно го привлече вниманието на јавноста, а овој пат со објава на „Тик-ток“. Имено, таа претстави нов имиџ и е потценување да се каже дека ги шокира сите.
@kimandnorth♬ original sound – flxxsohard
Таа носеше целосно црна комбинација, што ја комбинира со скапи ѓердани. Сепак, најголемо внимание привлекоа нејзините избелени веѓи, како и вештачките трепки што го заокружуваа изгледот на 12-годишното девојче.
Набргу потоа следуваа лавина коментари.
„А ова е 12-годишно дете!“, рече еден корисник на „Тик-ток“, а друг напиша: „Нема шанси 12-годишно дете да има пирсинг на прстот, избелени веѓи и такви нокти!“
@kimandnorth💧💧♬ original sound – ꜰɪɴɴ
„Ким треба да научи да биде мајка, а не најдобра пријателка на своите деца“, коментира трет корисник на социјалната мрежа.
Забава
(Видео) Дакота Џонсон ги воодушеви сите во фустан од тантела
Пејачката Лили Ален пееше на сцената на Saturday Night Live по 18 години, а Дакота Џонсон стави свој печат на сè. Убавата актерка се појави за време на изведбата на песната Madeline и ги воодушеви сите со својот изглед.
Познато е колку Дакота ги сака голите фустани, а ниту сега не отстапи од своето правило.
За сцената таа избра навидум едноставен црн, проѕирен фустан, врз кој додаде светкава наметка украсена со циркони и цветни апликации.
Dakota Johnson made a surprise appearance on the most recent episode of Saturday Night Live as the mistress in Lily Allen‘s song “Madeline.” https://t.co/wCOy6INVVf
— The Hollywood Reporter (@THR) December 15, 2025
Сензуален и драматичен, така може да се опише најновиот во низата провокативни појавувања на Дакота Џонсон поради кои речиси ги остави Лили и нејзиниот настап во сенка.
Спектакуларниот накит беше таму за да заокружи сè, а Дакота повторно не отстапи од својот препознатлив стил што го негува со години.
Забава
(Видео) Најстариот син на Доналд Трамп се сврши
Претседателот на САД, Доналд Трамп, објави дека неговиот најстар син, Доналд Трамп Јуниор, се сврши со Бетина Андерсон, членка на високото општество во Палм Бич.
Трамп ја објави веста на празнична забава во Белата куќа. Портпаролот на двојката подоцна ја потврди среќната вест, а набргу се појави и видео од самиот претседател Доналд Трамп како ја објавува веста.
BREAKING NEWS:
President Trump just announced at the White House that his son @DonaldJTrumpJr and his girlfriend Bettina Anderson are getting married! They just got engaged.
Congratulations to them both. pic.twitter.com/psb38nTGla
— Laura Loomer (@LauraLoomer) December 16, 2025
„Тие се сложуваат многу добро и објавија дека ќе се венчаат“, рече претседателот пред да ја покани двојката на сцената.
Дон Помладиот потоа ѝ се заблагодари на својата свршеница што го прифати неговиот предлог.
Ова е третпат Доналд Трамп Јуниор да се свршува. Претходно, 12 години беше во брак со Ванеса, поранешна манекенка и актерка, со која имаат пет деца заедно. Ванеса поднесе барање за развод во 2018 година.
Подоцна се сврши со Кимберли Гилфојл, американска телевизиска водителка.
Романсата, пак, со Бетина почна минатата година, приближно во исто време кога Дон Јуниор ја раскина свршувачката со поранешната водителка на „Фокс њуз“.
фото/депозитфотос

