Адвокатите од одбраната на обвинетите во случајот „Диво насеље“, сметаат дека во средата во судот немало обезбедено услови за да се спроведе фер судење, при што адвокатот Насер Рауфи ја напушти судницата.

Тој, пред судот образложи дека салата е претесна, а сите роднини кои дошле пред судот не можат да го следат судењето, иако, според него, судот е должен да обезбеди услови за непречено одвивање на сослушувањето.Откако ја напушти судницата, побара пред наредното сослушување сведоци судот прво да обезбеди услови.Судиката вели дека Судот ја поседува само таа поголема судница и според неа обезбедени се можности за присуство на сите обвинети, а секако според можностите, на судењето присуствуваат и дел од роднините. Таа на Рауфи му посочи дека доколку некој ја напушти судницата ќе биде казнет и согласно законот ќе биде должен да ги нодомести сите трошоци за постапката. Тој сепак ја напушти седницата, а освен него и останатите адвокати во своето излагање се пожалија дека во судницата нема место ниту каде да ги остават чантите. Според адвокатот Шазивар Исеини залудни се напорите на судот, бидејќи според него опструкциите доаѓаат од повисоките правосудни органи. Инаку, на денешното рочиште треба да сведочат четворица сведоци од Диво насеље и еден полицаец. За сведокот Шабан Јашари од Куманово кој не одговорил на повикот на Судот издадена е наредба за стражарско приведување, меѓутоа наредбата не е извршена, бидејќи на двете локации во Куманово тој не е пронајден. Поради условите во судницата новинарите се сместени во посебна просторија, односно библиотека на судот, од каде рочиштето го следат во живо преку видео пренос./крај/мф/

Извор: Нова ТВ