Забава
Докажано: Жените не умеат да кажуваат вицеви
Неодамнешно истражување покажа дека мажите умеат полесно да ги засмејат и да ги забавуваат своите колеги на работното место, отколку жените.
Околу 80 отсто од вицевите кои ги кажуваат жените на работа наидуваат на молк, додека 90 отсто од шегите на мажите се проследени со смеење или барем одобрување.
Машкиот хумор воглавно се шеги, додека жените повеќе се исмејуваат себеси и тоа во 70 отсто од случаите крајно безуспешно, објаснува водачот на истражувањето Џудит Бакстер, експерт за лингвистика.
„Машките раководители се шегуваат за да го докажат или афирмираат својот авторитет. Нивните подредени, мажи, го користат хуморот за да го импресионираат својот шеф и да им покажат дека се на иста бранова должина“ вели Бакстер за „Гардијан“.
Таа додала дека тоа е дел од „племенското однесување“ кое жените тешко го разбираат и го прифаќаат.
„Хуморот на женските раководители тешко поминува бидејќи жените ретко биле на чело на племињата“ наведува Бекстер, додавајќи дека жените не се помалку смешни, туку едноставно го користат хуморот на поинаков начин од мажите.
Жените се повицкасти во друштво на пријателите, додека пред колегите се чувствуваат незгодно. Нивниот хумор тогаш делува извештачено.
Во текот на истражувањата, доктор Бакстер и нејзиниот тим ги набљудувале состаноците на вработените во седум големи компании од кои некои имале мажи, а некои жени за раководители./крај/тј/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.