Култура
Филмскиот фонд ги објави резултатите од конкурсот
Филмскиот фонд на Македонија ги објави резултатите од програмата за финансирање на филмски проекти за 2011 година.
Филмскиот фонд на Македонија ги објави резултатите од програмата за финансирање на филмски проекти за 2011 година.Филмскиот фонд годинава ќе поддржи еден долгометражен игран филм, два кратки играни филма и шест документарни филмови.Во категоријата долгометражен игран филм максималниот износ од 30 милиони денари, односно половина милион евра, доби филмот со наслов „Мајсторот“. Продуцент на филмот е „Катена мунди“. Филмот ќе се снима по сценарио на Љупчо Тодоровски во режија на Митко Панов.Краткиот филм со наслов „Потстанар“, во продукција на „Трис филмс“ по сценарио и режија на Ѓорче Ставревски, доби два милиони денари, додека „Човекот кој имаше чудна навика да ме мава со чадор по глава“ на продуцентот „Наше маало“ по сценарио и режија на Вардан Тозија доби 1,9 милиони денари.Главниот акцент во годинашната програма за поддршка на филмските проекти е ставен на документарните филмови. Поддршка добија филмовите „Оркестар за погреби и свадби“ на продукцијата „Трис филмс“ по сценарио на Маријана Котевска во режија на Атанас Георгиев, „Сеќавања за македонската борба“ на 3Х3Д по сценарио и режија на Маја Младеновска, „Елина“ на продуцентот „Арс Медиа клуб“ по сценарио и режија на Мерита Цоцоли, „Манаки – приказна во слики“ на продукцијата „МЦФ филм“ по сценарио на Илинденка Петрушева и Роберт Јанкулоски, „Два пати мртов“ на „Елвен филм“ по сценарио и режија на Љумтурије Хајро и „Приказна за една зграда“ на „Дрим фектори“ по сценарио и режија на Билјана Гарванлиева.Вкупниот буџет со кој располага Филмскиот фонд годинава изнесува околу 1,8 милиони евра.„Со конкурсот е поддржан само еден долгометражен игран филм, бидејќи веќе шест играни филмови кои беа поддржани со претходните конкурси се во фаза на затворање на финансиската конструкција или во тек е процесот на снимање, како со филмот на Теона и Лабина Митевски. Од таа причина одлучивме акцентот во поддршката на филмските проекти да го ставиме на документарните филмови“ – изјави Дарко Башески, директор на Филмскиот фонд на Македонија./крај/т.д.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Музеите се огледало на минатото и на нашето културно наследство, порача министерката Костадиновска Стојчевска
Министерката за култура Бисера Костадиновска Стојчевска на сите музејски работници им го честита Меѓународниот ден на музеите – 18 Maj за кои вели дека се огледало на минатото и на нашето културно наследство.
„На 18 Mај, Меѓународниот ден на музеите ја нагласуваме нивната заштитничка улога на историјата, културата и македонскиот идентитет. Музеите се инспирација за креативност, истражување и критика, уникатни локации за интерпретација на уметноста, археологијата и науката. Со честитката до сите музејски работници ја нагласувам нивната посветеност во заштита на дејноста и придонесот за едукација на младите генерации во справувањето со комплексните општествени предизвици“, се вели во честитката.
Министерката за култура посочува дека денеска ја подигаме свеста и го насочуваме вниманието кон важноста на музејските институции со отворање на нивните врати за граѓаните.
Таа потенцира дека Министерството за култура поддржува голем број проекти на музеите во остварување на заедничката цел за достојно почитување и вреднување на културата и културното наследство.
„Музеи за едукација и истражување“ е мотото под кое денеска се одбележува Меѓународниот ден на музеите – 18 Мај, датум кој музејските институции низ светот со разновидни активности го одбележуваат од 1977 година.
На овој ден, музеите во земјава традиционално ги отворат своите врати и овозможуваат бесплатен влез за посетителите кои можат да ги видат актуелните изложби и да се запознаат со движното културно богатство.
Меѓународниот ден на музеите традиционално се одбележува секоја година на 18 мај со цел промоција на значењето на музејските институции во современото општество.
Култура
Лозано, Пајак, Сашко Коцев… денес во Градски парк како дел од кампањата „Крени глас против врсничко насилство“
Во рамки на кампањата на „Макпетрол“ за спречување на врсничкото насилство, во Градски парк денеска ќе се одржи отворен настан наменет за деца, млади, родители, баби, дедовци…
Диџеј Боно, Сашко Коцев, „Биби и Боби“, Лозано, Пајак, Весна Петрушевска со децата од нејзината актерска школа, како и други гости, ќе бидат дел од програмата на оваа забавна дружба што е дел од кампањата „Крени глас против врсничко насилство“, а за најмладите ќе има интерактивни содржини и популарни игри.
Марија Јосифовска-Спасовска, член на Управниот одбор и директор во „Макпетрол“, вели дека се пресреќни што во текот на нивната општествено одговорна активност добиле многу поддржувачи.
Почнувајќи од децата и младите, од кои добивме впечаток дека им е навистина мило што, конечно, така отворено и толку гласно, се зборува за проблем со којшто тие секојдневно се соочуваат. Секако, тука се и општините, кои ја препознаа вредноста на нашата идеја и активно се вклучија во обезбедувањето услови за учениците да се здобијат со знаења за булингот. Наставниците, стручните служби, како и родителите, исто така, застанаа зад кампањата и помогнаа фокусот на јавноста да се сврти кон врсничкото насилство. За да се реши проблемот со булингот потребна е уште работа и посветеност, но веруваме дека и со позитивната енергија од нашиот настан, ќе придонесеме да се придвижиме во вистинска насока, истакнува Јосифовска-Спасовска.
Како што информира организаторот, на кампањата „Крени глас против врсничко насилство“ досега се приклучиле 24 општини и за сите нив „Макпетрол“ обезбеди едукативни материјали и работилници предводени од психолог со долгогодишно искуство за проблемот со булингот.
Култура
Утре, бесплатен влез во музеите
„Музеи за едукација и истражување“ е мотото со кое утре ќе се одбележи Меѓународниот ден на музеите, 18 Мај, датум кој музејските институции во светот со разновидни активности го одбележуваат од 1977 година.
На овој ден музеите во земјата традиционално ги отворат своите врати и овозможуваат бесплатен влез за посетителите, кои може да ги видат актуелните изложби и да се запознаат со движното културно богатство.
Музеите, освен својот придонес како платформа за размена на идеи и знаења, имаат значајна улога во образованието и се афирматори на темите што денес силно го засегаат светот, а кои чекаат да бидат истражени и споделени.
Музејските институции ги поттикнуваат идните генерации на креативен, динамичен и интересен начин да се осврнат на комплексните општествени предизвици на денешницата, да се информираат за причините и последиците од човековото влијание врз природата и да развијат критичко размислување и лична одговорност неопходна за градење одржливо општество.
Меѓународниот ден на музеите традиционално се одбележува секоја година на 18 мај со цел промоција на значењето на музејските институции во современото општество. Денот посветен на музеите е урврден од Меѓународниот совет на музеите – ИКОМ, со седиште во Париз.