Со мотото „Продолжи да гледаш“ ИФФК „Браќа Манаки“ и Вип-оператор го најавија 32-то издание на Фестивалот на филмската камера во Битола.

Со мотото „Продолжи да гледаш“ ИФФК „Браќа Манаки“ и Вип-оператор го најавија 32-то издание на Фестивалот на филмската камера во Битола.На првата прес-конференција за Фестивалот, која се одржа денес во Скопје, пред присутните се обратија Лабина Митевска, директор на ИФФК „Браќа Манаки“ и Никола Љушев, главен извршен директор на Вип-оператор, официјален партнер на фестивалот.Покрај мотото беа претставени и официјалните креативни решенија за годинашното издание на фестивалот.„Чест ми е што можеме да ги претставиме официјалните комуникациски материјали на Интернационалниот фестивал на филмска камера, со што најавуваме уште едно издание на фестивалот „Браќа Манаки“ и навистина ја внесуваме Македонија во светската мапа на културни случувања. Одекот на Фестивалот од година во година е сè поголем надвор од нашите граници и во филмските кругови угледот и интересот за фестивалот постојано растат. Од денес веќе е поставена и новата веб-страница (www.manaki.com.mk) каде се отворени апликациите за пријавување на учество на разните програмски активности на годинешното издание на Фестивалот“ – изјави Лабина Митевска, директор на Интернационалниот фестивал на филмска камера „Браќа Манаки“.„Подготовките за 32-то издание почнаа на почетокот на годината и истите секојдневно се интензивираат, така што во оваа насока би сакала да упатам благодарност до Вип кој се покажува вистински сериозен партнер во целокупната организација на фестивалот и со чија помош успеавме заеднички да го издигнеме нивото и да се здобиваме со висока репутација“ – констатираше Лабина Митевска.Традиционално, 32-то издание на Фестивалот се одржува од 15 до 21 октомври 2011 година во Битола. Она што почна како програма за најмладите генерации – продолжува и оваа година – посебната Вип детска програма.„Угледот и сериозноста на уметничкиот Фестивал, реакциите и искажаното задоволство на учесниците, медиумите и публиката во текот на минатогодишното издание на фестивалот ни дава за право да заклучиме дека вложуваме во вистинската насока и вистинските вредности. Квалитетот на севкупната програма и реализацијата на минатогодишното издание, одличната атмосфера во Битола, прифатеноста на детската програма на Фестивалот, се во целосна согласност со заложбите на Вип за доближување на вистинските вредности до сите, а особено до најмладите. И оваа година планот за октомври е јасен – да уживаме во уметноста и да продолжиме да гледаме“ – истакна Никола Љушев, главен извршен директор на Вип оператор.Официјалната програма на 32-то издание на Интернационалниот фестивал на филмска камера „Браќа Манаки” ќе биде објавена во септември оваа година.Интернационалниот Фестивал на Филмска Камера „Браќа Манаки“ се одржува секоја година во Битола. Организиран е од Друштвото на филмски работници на Република Македонија, под покровителство на Претседателот на Република Македонија и е поддржан од Министерството за култура. Фестивалот е атрактивен како за филмските професионалци, така и за вљубениците во филмот од целиот свет.Стожер на фестивалската програма е „Камера 300“, официјалната компетиција на долгометражни филмови од најновата европска и светска продукција. Директорите на фотографија на филмовите кои учествуваат во оваа програма се натпреваруваат за Златна, Сребрена и Бронзена камера 300. Покрај официјалната конкуренција, дел од Фестивалот и припаѓа на Програмата на краток филм, Документарна програма, „Студентска програма Браќа Манаки“, се организираат работилници, семинари, дебатни сесии, изложби. Фестивалот доделува Награда за животно дело – Златна Камера 300./крај/макфакс/т.д.