Забава
Човечки коски претворени во уникатни фотографии
Франсоа Роберт со часови, макотрпно, ги реди коските во воодушевувачки форми и потоа ги фотографира
Неговите дела достигнуваат цена повисока од 35.000 долари и му ја донеле престижната награда „Луси“, која во минатото ја добиле фотографите Ени Лебовиц и Елиот Ервин.
Се почнало кога уметникот Франсоа Роберт (63) од Аризона, САД, на аукција купил училишно шкафче за 30 долари и во него открил скелет. Коскената фигура поврзана со жици била користена како нагледно средство на часовите, но Роберт во него видел потенцијал за својот креативен талент. Сепак, немало што да прави со скелетот, бидејќи коските биле изврзани, па се обратил до една компанија што произведува коски за медицински училишта и го заменил скелетот за кутија со 206 коски, кои сега ги претвора во уметнички дела.На новинарите Роберт им објаснил дека минува многу часови макотрпно редејќи ги коските во воодушевувачки форми со ширина од 1,5 до 1,8 метар и потоа ги фотографира.
Целата на колекцијата од 16 фотографии, наречена „Запрете го насилството“, е да искаже став за последиците од војната.„Секоја слика е симбол на војната или на насилството, како пиштол или тенк, со кои сакав да покажам дека, за жал, човечкиот скелет е се’ што останува по ваквите насилнички дејства. Тоа останува по војната: број на загинати„, вели Роберт.Освен наградата и 35.000 долари за колекцијата што му ја продал на колекционер од Чикаго, Роберт заработил и 4.500 долари за една поголема фотографија што му ја откупиле за уметничка изложба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.