Регион
Ердоган верува во постигнување договор за визите со ЕУ
Турскиот претседател Реџеп Тајип Ердоган изјави во средата вечерта дека верува оти е можно да се постигне позитивен резултат во поглед на визната либерализација со Европската унија кој превид би го имал турскиот став за борбата против тероризмот.
„Верувам дека можеме да постигнеме позитивен резултат за тоа прашање кој би ја земал предвид турската чувствителност околу борбата со тероризмот“, изјави претседателот Ердоган пред амбасадорите на средбата со амбасадорите во главниот град Анкара.
Договорот со кој турските државјани би добиле безвизен режим за патувањата во земјите членки на Европската унија во замена за запирање на мигрантскиот бран во ЕУ, засега не е финализиран поради незадоволството на Брисел од неодамна донесениот турски противтерористички закон, кој се смета за преширок. Анкара, пак, смета дека таквиот закон ѝ е потребен за да може да се соочи со бројните безбедносни закани.
Ердоган, исто така, изјави дека членството во ЕУ е стратешка цел на Турција, иако преговорите за тоа се заглавени во ќорсокак.
ЕУ и Турција се договорија во март дека Анкара треба да ги прими сите мигранти и бегалци кои илегално ќе пристигнат во Грција, вклучително и Сиријците, а за возврат ѝ беше ветена двојно поголема финансиска помош од шест милијарди евра за бегалците, укинување на визите до крајот на јуни и забрзување на пристапните преговори.
Турција ги започна преговорите за пристапување кон ЕУ во 2005 година. Досега се отворени 14 од 33 поглавја, а само едно е привремено затворено. ЕУ во декември 2006 година одлучи дека нема да ги отвори преговорите во осум поглавја и дека нема да затвори ниедно поглавје додека Турција не ги нормализира односите со Кипар./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Маж во Тузла ги убил сопругата и двете деца
М.Ч. синоќа во Тузла ги убил сопругата и двете малолетни деца, а потоа си го одзел животот скокајќи од 14 кат од зграда.
Маж се самоуби синоќа околу 21 часот и 15 минути, а денеска полицијата во станот го пронашла телото на неговата 34-годишна сопруга и децата на возраст од две и девет години.
Според неофицијалните информации кои ги објавија сараевските медиуми, мажот работел како медицински техничар во Германија, а во Тузла пристигнал пред неколку дена.
Истражните екипи денеска пронајдоа секира во станот во населбата Ступине во Тузла, со која наводно ги убил сопругата и децата.
Портпаролот на обвинителството во Тузла, Адмир Арнаутовиќ изјави дека ќе бидат издадени наредби за обдукција на телата на загинатите за да се утврдат точните причини за смртта.
Ќе биде издадена наредба за биолошко вештачење, ДНК анализа, како и други истражни дејствија и вештачења, со цел да се утврдат сите околности поврзани со овој настан, вклучително и начинот и начинот на трите убиства“, рече Арнаутовиќ.
Регион
Вучиќ изрази сочувство за смртта на Раиси
Претседателот на Србија, Александар Вучиќ, изрази сочувство до народот и владата на Иран во врска со смртта на претседателот на таа земја, Ебрахим Раиси.
„Изразувам сочувство до народот и владата на Исламската Република Иран за смртта на претседателот Ебрахим Раиси, искрен и доследен пријател на Србија“, напиша Вучиќ на својот профил на мрежата Х.
Хеликоптерот со Раиси и министерот за надворешни работи Хосеин Амир-Абдолахиан се урна во неделата во северозападниот дел на Иран, во областа Верзеган, а покрај двајцата загинаа уште шест лица.
Регион
18-годишник е уапсен бидејќи го запалил хрватското знаме и го споделил на социјалните мрежи
Осумнаесетгодишник е уапсен во Славонија бидејќи на 1 мај го запалил хрватското знаме во шумата кај Трпија.
Како што дознала полицијата, тој тоа го снимил и го објавил на социјалните мрежи.
„На овој начин тој јавно го подложи знамето на Република Хрватска на потсмев и грубо омаловажување и на јавноста и стави на располагање видео од тој чин преку компјутерска мрежа, во кое повикува на насилство или омраза насочена кон група луѓе поради нивната национална или етничка припадност“, наведува полицијата во кривичната пријава.
Пријавата го товари младиот човек за јавно поттикнување насилство и омраза и нарушување на угледот на Република Хрватска. За овие злосторства му се заканува затворска казна до три години.
Од полицијата потврдија дека со решение на Жупанискиот суд во Вуковар, на 18-годишникот му е одредена мерка притвор.